एभर गिभन पानीजहाजका कारण गत मंगलबारदेखि अवरुद्ध सूइज नहर अन्तत : खुलेको बताइएको छ।
अड्किएको स्थानबाट एउटा विशाल पानीजहाजलाई सारिएको म्यारिन ट्राफिकले बताएको छ।
URGENT: #SuezUnblocked
— MarineTraffic (@MarineTraffic) March 29, 2021
The #EVERGIVEN is now moving. #SuezLiveonMT pic.twitter.com/WC6IHuQ4PS
पानीजहाज कम्पनी इन्चकेपले पनि उक्त पानीजहाज अड्किएको स्थानबाट हटाइएको जनाएको छ।
एभरग्रीन कम्पनीको स्वामित्वमा रहेको उक्त पानीजहाजलाई हटाएर जलमार्ग खुलाउन टगबोट र ड्रेजरहरू प्रयोग गरिएको थियो।
फुटबल मैदानजत्रो विशाल मालवाहक पानीजहाज इजिप्टको सूइज नहरमा तेर्सो परेर अड्किएपछि संसारको व्यस्त व्यापारिक जलमार्ग अवरुद्ध भएको थियो। अचानक आएको हावाका कारण छड्के परेको ४०० मिटर लामो र झन्डै ५९ मिटर चौडाइको जहाजलाई सोझ्याउन ६ दिनदेखि लगातार प्रयास भइरहेको थियो।
एशिया र युरोपबीच सबैभन्दा छोटो जलमार्ग हुने यो बाटोबाट विश्वको १२ प्रतिशत व्यापार ओहोरदोहोर हुन्छ।अड्किएको पानीजहाज सन् २०१८ मा बनेको र त्यो दुई लाख टनको रहेको बताइएको छ। अवरोधका कारण धेरै जहाजहरू अफ्रिकातिरको मार्गमा मोडिएका थिए।
