दिपेन्द्र प्रसाद दाहालको निर्देशनमा बन्ने उक्त चलचित्रमा ओलीको बाल्यकालदेखि ६५ वर्षको अवधिलाई प्रस्तुत गरिने छ । निर्देशक दहालका अनुसार ओलीको १६ देखि ४५ वर्षको उमेरसम्मको भूमिका कलाकार अनुपम शर्माले निर्वाह गर्ने भएका छन् । ४५ वर्षदेखि ६५ वर्षसम्मको भुमिकामा भने ओली आफैं देखिने बताइएको थियो ।
फिल्मका निर्माता/निर्देशक दाहाललाई यही प्रश्न गर्दा उनले फिल्मको ३० प्रतिशत सुटिङ बाँकी रहेको र महामारीपछि सकिने जानकारी गराए । उनले प्रधानमन्त्री केपी ओली संलग्न इभेन्टहरू खिच्ने काम सकिए पनि व्यक्तिगत दृश्य खिच्ने अनुकूल समय नमिल्दा ढिलो भएको बताए ।