मेलम्ची खानेपानी विकास समितिले भोलि शुक्रबार चार बजेदेखि नै थोक वितरण प्रणाली (बीडीएस) लाई पानी छाड्न थाल्ने उनले बताए । बीडीएसले एकैचोटि १७ करोड लिटरको भार थाम्न नसक्ने हुनाले छाडिने पानीको परिमाण क्रमशः बढाउँदै लगिनेछ ।
खानेपानी तथा सरसफाइ मन्त्रालयले राजधानीवासीले दिनहुँ प्रतिव्यक्ति ७५ लिटर मेलम्चीको पानी उपयोग गर्न सक्ने जनाएको छ । हाल प्रत्येक घरमा करिब १० जना बस्ने र तिनीहरूले ७५ लिटरसम्म पानी प्रयोग गर्ने अनुमान गरिएको छ ।