अस्ट्रेलियाको दक्षिण–पूर्वी राज्य न्यु साउथ वेल्समा लगातार वर्षापछिको बाढीका कारण जनजीवन निकै प्रभावित भएको छ । यस बाढीलाई दुई दशकपछिको भीषण बाढी भनिएको छ।
बाढीका कारण सडक तथा पुलहरू भत्केका, सयौं गाडी तथा चौपायाहरू बगेका जनाएका छन् । बाढीका कारण विद्यालयहरू बन्द गरिएका छन् ।
सरकारले पश्चिमी अस्ट्रेलियाबाहेकका क्षेत्रका करिब १ करोड मानिसलाई बाढीको जोखिम रहेको भन्दै चेतावनी जारी गरेको छ । त्यहाँको मौसम विभागले आज (मंगलबार) भारी वर्षा हुने, भीषण हावाहुरी आउने तथा समुद्रमा उछाल आउने पूर्वानुमान गरेको छ ।
