सत्तारुढ दल एमालेको २७ सदस्य संसदीय दलको बोर्ड गठन भएको छ । जसमा वरिष्ठ नेताद्वय झलनाथ खनाल र माधवकुमार नेपाललाई पनि राखिएको छ ।
बिहीबार बालुवाटारमा बसेको दलको बैठकमा तीन सदस्य पछि थप्ने गरी २४ सदस्य मनोनीत भएका हुन् । एमाले खनाल–नेपाल समूहले सानेपा (हेरिटेज गार्डेन) मा राष्ट्रिय कार्यकर्ता भेला गरिरहेको वेला बालुवाटारमा ओलीले संसदीय दलको बैठक राखेका हुन् ।
दलका नेता केपी ओली अध्यक्ष रहने बोर्डमा खनाल र नेपालसहित सुवास नेम्वाङ, विशाल भट्टराई, सुमन प्याकुरेल, विमला राई पौड्याल, राधा ज्ञवाली, दामोदर भण्डारी, विन्दा पाण्डे, विद्या भट्टराई, रेखा झा, राजेन्द्र राई, शेरबहादुर तामाङ, छविलाल विश्वकर्मा, भूपेन्द्र थापा, खेम लोहनी, सरिता दाहाल र विमला विश्वकर्मालगायत सदस्य छन् ।
