संसारकै सबैभन्दा पुरानो 'कम्प्युटर'को सङ्ज्ञा दिइएको एउटा २,००० पुरानो यन्त्रले कसरी काम गर्थ्यो भन्ने गुह्य पत्ता लागेको वैज्ञानिकहरूले बताएका छन्। संसारकै "पहिलो एनलग कम्प्युटर" का रूपमा प्रस्तुत गरिएको यस कम्युटरको बारेमा सम्पूर्ण कुराहरू जानौं।
'एन्टिकाइथेरा मेकनिजम' नाम दिइएको उक्त उपकरण रोमनकालमा ग्रीसमा बिग्रिएको एउटा पानीजहाजको भग्नावशेषमा सन् १९०१ मा फेला परेको थियो। उक्त उपकरणको प्रयोग ग्रहण र अन्य खगोलीय घटनाको गणना गर्न हुने गरेको अनुमान गरिएको छ।
उक्त उपकरणलाई एउटा ज्योतिषीय वा खगोलीय क्याल्क्युलेटर तथा संसारकै "पहिलो एनलग कम्प्युटर" का रूपमा प्रस्तुत गरिएको छ। ढलोट प्रयोग गरेर निर्माण गरिएको यो उपकरणमा दर्जनौँ गिअरहरू छन्।
