दोस्रो दशरथ माझी : ३० वर्षसम्म पहाड काटेर ३ किलोमिटर लामो नहर बनाउने एक वृद्ध

विहारका लौन्गी भुइयाँ एक्लैले तीन किलोमिटर लामो नहर खनेका छन्। र, उनले यस कामको लागि आफ्नो जीवनको तीस वर्ष आयु खर्च गरेका छन्। यो त्यो क्षेत्र हो, जहाँ कुनैबेला बिहारको माओवादी उग्रवादीहरूको राज चल्ने गर्थ्यो। यो उग्रवादीहरूको किल्ला थियो।

भुइयाँ जुन गाउँका यी वासिन्दा हुन्, सो गाउँको नाम हो- कोठीलवा। हिन्दुस्तान अखबारका एक स्थानीय पत्रकारले लौन्गी भुइयाँको कहानी पहिलोपटक छापेका थिए। त्यसपछि कोठीलवा गाउँ आकर्षणको केन्द्र बन्न पुग्यो। यो त्यही गाउँ हो जहाँ आजभन्दा केही वर्ष पहिलेसम्म एउटा प्राथामिक विद्यालयसम्म थिएन। 


सन् २०११ को जनगणनाअनुसार कोठीलवा गाउँ, बिहारको गया जिल्लाको बाँके बजारमा अवस्थित छ। यो गाउँ, जिल्ला मुख्यालय गयादेखि लगभग ८० किलोमिटर टाढा छ। यो पूरै गाउँ करिब ४४५ हेक्टर (४.४५ वर्ग कि.मि.) क्षेत्रफलमा फैलिएको छ। कोठीलवा गाउँको कुल जनसंख्या करिब ७३३ रहेको छ। सरकारी आँकडाको अनुसार कोठीलवा गाउँमा कुल ११० घर छन्। यहाँदेखि नजिकको बजार भनेको कस्बा शहर (बजार) हो, जुन गाउँदेखि २३ किलोमिटर टाढा पर्दछ। 


गाउँवासी भुइयाँलाई पागलको संज्ञा दिएर उनको हाँसीमजाक गर्दथे। तर, अहिले गाउँवासीहरू याद गर्दै बताउँछन् कि लौन्गी अक्सर कोदालो, डाली लिएर जंगलतर्फ जाँदै गरेको देखिन्थ्यो। र, प्रश्न सोध्दाखेर लौन्गीको जवाफ हुन्थ्यो, ‘पहाडी शृंखलाबाट पानी गाउँसम्म आउनेछ। जसको मद्दतले गाउँवासी विना पानी उम्रने फसल, मकै, चनाको ठाउँमा गहूँ, धान एवं सागसब्जीको उत्पादन गर्न सक्नेछन्। यस नहरले गाउँमा हरियाली ल्याउनेछ। 


लौन्गी बताउँछन्, "मैले देखेको थिए वर्षाको समयमा पहाडी शृंखलाको फेदीमा पानी आएर जम्मा भए पनि बगेर कहीँ अन्तै पुग्ने गर्थ्यो। मलाई लाग्ने गर्थ्यो यदि मैले नहर खनेर पानीको बहाव मोडीदिए भने गाउँमा हरियाली छाउने थियो। गाउँको अनुहार बद्लिने थियो। यो एक नहर खनेर म् गाउँवासीलाइ शहर पलायन हुनबाट रोक्न सक्छु झैं लाग्थ्यो।”


वर्षौ पहिले हामीले दशरथ माँझीको कहानी सुनेका थियौं। दशरथ माँझी गया जिल्लाको वासिन्दा थिएँ। दशरथ माँझीलाई मिडियाले ‘ माउन्टेन म्यान’को दर्जा पनि दिलायो। जसबारे एक फिल्म पनि बनेको छ। यतिखेर लौन्गी भुइयाँलाई सबैले 'दोस्रो दशरथ माझी'को रुपमा चिनीरहेका छन्।


सम्बन्धित सामग्री

४८ वर्षीय बुद्धकृष्ण आठौँ पटक जिब्रो छेड्दै

मध्यपुर थिमि नगरपालिका–८ बोडेका बुद्धकृष्णवांग श्रेष्ठले आठौंपल्ट जिब्रो छेडाउने भएका छन् । बोडे निवासी ४८ वर्षीय श्रेष्ठले यसअघि ०६२ देखि ०६५ सम्ममा ४ र ०७४ देखि ०७६ सम्मगरी सातौं पल्ट जिब्रो छेडाएर संस्कृति बचाएका छन् ।

भरिएको सिसिडोलले राहत पाउने आशा, बन्चरेडाँडामा जेठदेखि फोहोर विसर्जन गर्न सकिने

जेठ पहिलो सातादेखि बन्चरेडाँडामा निर्माणाधीन दीर्घकालीन स्यानिटरी ल्यान्डफिलसाइटमा काठमाडौं उपत्यकाको फोहोर व्यवस्थापन गर्न सकिने बताइएको छ । हाल निर्माण भइरहेको दीर्घकालीन ल्यान्डफिलसाइट नुवाकोट र धादिङको सिमानामा पर्दछ ।

३३ अर्बमा तयार हुने भनिएको मध्यपहाडी लोकमार्गको लागत एक खर्ब नाघ्यो

२६ जिल्लाको दुई सय १५ बस्ती जोड्ने र एक करोड जनता प्रत्यक्ष लाभान्वित हुने राष्ट्रिय गौरवको मध्यपहाडी राजमार्ग निर्माण थालिएको १३ वर्ष लागेको छ । । तीन वर्षअघि नै सम्पन्न गर्ने लक्ष्य निर्धारण गरिएको आयोजनाको ३३ अर्ब लागत निर्धारण भएकोमा बढेर एक खर्ब एक अर्ब ५० करोड पुगीसकेको छ ।

नयाँदिल्लीका सबै विद्यालय अनिश्चितकालका लागि बन्द

कोरोना महामारीको दोस्रो लहर सुरु भएसँगै भारतको राजधानी नयाँदिल्लीका सबै विद्यालय अनिश्चितकालका लागि बन्द भएका छन् ।