राष्ट्रिय सभा सदस्य कोमल वलीले नेकपा एमालेका नेता रघुजी पन्तले आफ्नो मानहानी गरेको भन्दै अदालतमा मुद्दा दायर गरेकी छिन्। 'कोमल वलीले यसो सारी सरक्क सर्काएर गोडा, पिडौंला देखाएर पोइला जान पाम भनेपछि सांसद् त तिनै भइन्', पन्तले केहि दिन अघि भनेका थिए।
वलीले मंगलबार बिहान काठमाडौं जिल्ला अदालतमा गाली बेइज्जतीसम्बन्धी कसुरमा पन्तविरुद्ध मुद्दा दायर गरेकी हुन् । उनले मुलुकी फौजदारी संहिता २०७४ को दफा ३०५, ३०६ र ३०७ को आधारमा आफूलाई अन्याय परेको भन्दै मुद्दा दायर गरेकी हुन् ।
नेता पन्तले फागुन १५ गते सामाखुसीमा आयोजित सार्वजनिक कार्यक्रममा कोमल ओलीले नांगाे खुट्टा देखाएर 'पोइल जान पाम' गीत गाएको भरमा राष्ट्रिय सभा सदस्य र पार्टीको केन्द्रीय सदस्य पद पाएको अभिव्यक्ति दिएका थिए। उनको अभिव्यक्तिप्रति महिला अधिकारकर्मीहरूले समेत विरोध जनाउँदै आएका छन्।
