भारतले किन बेवास्ता गर्दैछ किसान आन्दोलनलाई ?

भारतमा सरकारले ल्याएको कृषि कानुनको विरोधमा भएको किसान आन्दोलनले शनिबार एक सय दिन पूरा गरेको छ।तर, सरकार भने किसानको माग सम्बोधन गर्ने मामिलामा उदासीन देखिएको छ ।

सय दिन पूरा भएको अवसरमा किसानहरुले राजधानी सहर नयाँ दिल्लीका प्रमुख सडक ठप्प पारेर प्रदर्शन गरेका हुन्।


किसानले निरन्तर आन्दोलन गरिरहे पनि कानुन सही भएको भन्दै सरकारले माग सम्बोधन गर्न नसकिने बताउँदै आएको छ । त्यसका साथै भारतले किसान आन्दोलनको समर्थन गर्नेहरुलाई चेतावनी दिने तथा पक्राउ गर्नेजस्ता काम पनि गर्दै आएको छ ।


किसानहरूको संस्था संयुक्त किसान मोर्चाको तथ्यांकअनुसार आन्दोलनमा सहभागी हुने क्रममा अहिलेसम्म दुई सय ४८ जना किसानको मृत्यु भएको छ । 


किसान आन्दोलनमा अन्तर्राष्ट्रिय समुदायले पनि चासो देखाइरहेको अवस्थामा सरकारले भने आन्दोलनलाई दबाएरै छाड्ने तर कृषि कानुनबारे पछि नहट्ने नीति लिएको छ । विभिन्न चरणमा भएको वार्तामा पनि सरकारले किसानलाई तत्काल आन्दोलन फिर्ता लिन भनेको छ तर कानुन भने केही समयपछि कार्यान्वयनमा ल्याउने नीति अंगीकार गरेको छ । साथै सरकारले निरन्तर किसानको पक्षमा उठ्ने आवाजको पनि विरोध गर्दै आएको छ ।


सम्बन्धित सामग्री

तत्काल विद्यालय बन्द गरी वैकल्पिक माध्यमबाट पठनपाठन गराउन निर्देशन

संसदीय समितिले बालबालिकाहरू कोभिड– १९ महामारीको जोखिममा परेको भन्दै तत्काल विद्यालय बन्द गरी वैकल्पिक माध्यमबाट पठनपाठन सुचारु हुने व्यवस्था मिलाउन सरकारलाई निर्देशन दिएको छ ।

छोटकरी सम्पादक

एमालेका ४ सांसदले 'फ्लोर क्रस' गरेपछि कर्णालीका मुख्यमन्त्री शाहीको पद जोगियो

२२ जना सांसदको विश्वासको मत पाएसँगै कर्णाली प्रदेशका मुख्यमन्त्री महेन्द्रबहादुर शाहीको पद जोगिएको छ ।

छोटकरी सम्पादक

सर्वोच्च अदालतको न्यायाधीशमा चुडाल र सुवेदी सिफारिश

सर्वोच्च अदालतका न्यायाधीशमा कुमार चुडाल र नहकुल सुवेदीको नाम संसदीय सुनुवाइ समितिबाट अनुमोदन भएको छ । चुडाल र सुवेदीलाई न्याय परिषद्ले चैत १ गते सर्वोच्च अदालतको न्यायाधीश पदमा प्रस्ताव गरेको थियो ।

छोटकरी सम्पादक

ज्ञानेन्द्र शाह सहभागी हरिद्वारको कुम्भमेलामा सयौँ भक्तजनमा कोरोना देखियो

नेपालका पूर्वराजा ज्ञानेन्द्र शाह सहभागी हरिद्वारको कुम्भमेलामा सयौँ भक्तजन कोरोना सङ्क्रमित भएको पाइएको छ। पूर्वराजाको दिल्लीमा कोरोनाभाइरस परीक्षण हुनेछ।

छोटकरी सम्पादक

४६ लाखको खानेतेल बोकेको ट्रक ८ दिनपछी बेवारिसे भेटियो

सुनसरीको दुहबीबाट गत चैत २४ गते स्याङ्जाको वालिङका लागि २२ सय कार्टुन खानेतेल बोकेर हिँडेको ट्रक प्रहरीले धनुषाको ढल्केबरमा मंगलबार बेवारिसे अवस्थामा फेला पर्यो । बेवारिसे अवस्थामा फेला पार्दा ट्रकमा केही कार्टुनमा मात्र तेल भेटिएको प्रहरीले जनाएको छ ।

छोटकरी सम्पादक