ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?
ताप्लेजुङकी सहायक प्रमुख जिल्ला अधिकारी गायत्रा अधिकारी खड्काले दमकल, स्थानीयबासी र सुरक्षाकर्मीको सहयोगमा आगलागी झण्डै पाँच घण्टापछि नियन्त्रण आएको जानकारी दिइन् ।
मेरिङदेन गाउँपालिका ३, खाम्लुङमा मंगलबार बिहान स्थानीय भोलानाथ पौडेलको घरबाट आगो उठेको थियो । विद्युत् चुहावट (सर्ट) भई सुरु भएको आगोले अन्ततः बजारका ४९ वटा घर खरानीमा परिणत गरिदियो ।
सहयक प्रजिअ खड्काले आगलागीबाट विस्थापित परिवारलाई राहत उपलब्ध गराउन सुरु गरिएको बताइन् । उनले स्थानीय तह, रेडक्रस र उद्योग वाणिज्य संघसँगको समन्वयमा विस्थापितलाई राहतको काम थालिएको जानकारी दिइन् ।
दोभान बजारमा लागेको आगलागी नियन्त्रण : ४९ घर जल्यो, ७९ परिवार विस्थापित
www.nayapage.com
3 वर्ष पहिले
