कमलपोखरीलाई सुन्दर बनाउने नाममा काठमाडौं महानगरपालिकाले कंक्रिटको जथाभावी प्रयोग गर्न थालेको भन्दै बृहत् नागरिक आन्दोलनले मार्चपास गरेको छ । आन्दोलनले कमलपोखरी पुनर्निर्माणका क्रममा पोखरीको बीच भागमा बनाइएको कंक्रिट संरचना भत्काएका थिए ।
सडक विस्तारका नाममा स्थानीयको उठिबास लगाएको भन्दै बृहत् नागरिक समाज, बृहत् नागरिक आन्दोलन, उपत्यकाव्यापी सडक संघर्ष समिति र नेवा: दे: दबु लगायतका विभिन्न संघसंस्थाहरुको आयोजनामा माइतीघर मण्डलमा विरोध प्रदर्शनपछि कमल पोखरीसम्म मार्चपास गरेका थिए ।
नागरिक अभियन्ताले सिमेन्ट कमलपोखरी चाहिँदैन भन्दै ढलान भत्काउन खोजेपछि प्रहरीले रोक्न खोजेको थियो। त्यहीबीच एक जना अभियन्ताले कंक्रिट भत्काउने क्रममा प्रहरीले उनीसँग भएको घनसमेत खोसेको थियो।
रानिपोखरीबाट पाठ नसिकेको भन्दै सम्पदा र पर्यावरणप्रति सचेत नागरिकले कमलपोखरीको संरक्षणका लागि महानगरलाई दबाब दिनुपर्ने अभियन्ताको भनाइ छ ।
1614325935.jpeg
)
