उक्त क्षेत्रमा बाघ साथसाथै ४१ प्रजातिका स्तनधारी (२० प्रजाति दुर्लभ), ३७८ प्रजातिका चराहरू (८ वटा विश्वमा दुर्लभ), ९९ प्रजातिका उभयचर/सरीसृपहरू, २७९ प्रजातिका पुतलीहरू र १०४ प्रजातिका माछाहरू अभिलेख गरिएका छन्।
राष्ट्रपति चुरे तराई मधेश संरक्षण विकास समिति र राष्ट्रिय प्रकृति संरक्षण कोष द्वारा संयुक्त रूपमा गरिएको अध्ययन र प्रकाशित प्रतिवेदनमा यस कुरा उल्लेख गरिएको छ। डा. नरेश सुबेदीसहित २० जना अनुसन्धानकर्मीहरूद्वारा भर्खर प्रकाशित उक्त अनुसन्धान सन् २०१६ देखि २०१८ सम्म गरिएको थियो। सो प्रतिवेदन रिसर्च गेटमा सार्वजनिक गरिएको छl
कपिलवस्तु, रुपन्देही र पाल्पामा पहिलो पटक बाघ भेटियो! चुरे क्षेत्रमा प्रशस्त वन्यजन्तु, संरक्षणमा उत्तिकै चुनौती https://t.co/zjkmtFnslq
— PahiloPost (@PahiloPost) February 25, 2021
डडेलधुरा र इलाममा केही समयअघि बाघ भेटिएर खुसी भएका अनुसन्धानकर्मी र संरक्षणकर्मी थप खुसी भएका छन्। त्यतिबेला दुई हजार ५०० मिटरको उचाईमा डडेलधुराको महाभारत क्षेत्रमा राखिएकाे क्यामेरामा पाटे बाघ कैद भएको थियो।