सर्वाेच्चले गर्याे संसद पुनःस्थापना (फैसलासहित)

सर्वाेच्च अदालतले संसद पुनःस्थापनाकाे पक्षमा फैसला गरेकाे छ। मंगलबार गरिएको फैसलामा १३ दिनभित्रै संसद बैठक बोलाउन समेत सर्वाेच्चले आदेश दिएकाे छ। फैसलामा ‘संविधान मर्मविपरीत भएको हुँदा प्रतिनिधिसभा पुनःस्थापना’ गरिएकाे उल्लेख गरिएकाे छ। प्रधानन्यायाधीश चोलेन्द्रशम्शेर जबरा, न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासले संसद विघटन बदर हुने फैसला सुनाएको हो।



विस्तृतमा


सम्बन्धित सामग्री

नागरिकता र हस्ताक्षरसँगै निर्वाचन आयाेग पुगे नेकपा नेताहरू

नेकपाकाे प्रचण्ड-माधव समूहका नेताहरू नागरिकता, हस्ताक्षर र पार्टी परिचयपत्र लिएर निर्वाचन आयाेग पुगेका छन्। नेकपा विवादबारे कुनै निर्णय नगरिए पछि उनीहरू आयोग गएका हुन्। यो समूहले बुधबार मात्रै केन्द्रीय सदस्यहरुको तीनपानेमा हस्ताक्षर संकलन गरेको थियो।

छोटकरी विशेष

गतवर्षदेखि आर्थिक वृद्धिदर ऋणात्मक, महामारीले क्षति गर्दै

काेराेना महामारीका कारण घटेकाे आर्थिक वृद्धिदर अहिलेसम्म पनि ऋणात्मक रहेकाे छ। आर्थिक वर्ष २०७६/७७ मा नेपालको आर्थिक वृद्धिदर नकारात्मक (ऋणात्मक) भएको थियाे भने यस वर्षकाे पहिलाे त्रैमासिक पनि -४.६ प्रतिशत रहेकाे छ। तथ्याङ्क विभागका अनुसार गत आवमा वार्षिक आर्थिक वृद्धिदर -१.९९ प्रतिशत कायम रहेकाे थियाे। यसअघि विभागले २.२७ प्रतिशतले आर्थिक वृद्धि हुने अनुमान गरेको थियो।

छोटकरी विशेष

विप्लव समूहमाथिकाे प्रतिबन्ध हट्याे, बन्दी रिहा हुने

सरकार र विप्लव समूहबीच वार्ता सफल भएसँगै सरकारले उक्त समूहमाथि लगाएकाे प्रतिबन्ध हटाउने भएकाे छ। दुवै पक्षहरूबीच भएकाे सहमतिमा समूहका नेता कार्यकर्ता रिहाइ गर्ने तथा मुद्दा खारेज गर्ने उल्लेख छ। सहमतिसँगै विगत दुई वर्षदेखि भूमिगत रहेका नेत्रविक्रम चन्द विप्लव सार्वजनिक हुने भएका छन्। उता विभिन्न राजनीतिक दलहरूले विप्लव समूह र सरकारबीच भएकाे सहमतिकाे स्वागत गरेका छन्।

छोटकरी विशेष

विप्लव समूहले हिंसा छाेड्याे, सरकारसँग ३ बुँदे सहमति

प्रतिबन्धित नेत्रविक्रम चन्द विप्लव समूह हिंसा छाेडी मूलधारकाे राजनीतिमा समाहित हुने भएकाे छ। सरकार र विप्लव समूहबीच भएकाे वार्तामा ३ बुँदे सहमति गर्दै यो समूहले हिंसा छोड्ने भएको हाे। वार्ता सफल भएसँगै भाेलि प्रधानमन्त्री केपी शर्मा ओली र समूहका संयाेजक नेत्रविक्रम चन्द एउटै मञ्चबाट सम्बाेधन गर्ने भएका छन्। वार्तापछि सरकारी वार्ता टाेलीका संयाेजक रामबहादुर थापा बादलले सहमति ऐतिहासिक भएकाे बताएका छन्।

छोटकरी विशेष

नेकपाका ७ जना नेता पार्टीबाट निलम्बित

नेकपाकाे प्रचण्ड-नेपाल समूहले ओली समूहका ७ जना नेताहरूलाई कारबाही गरेको छ। पार्टी नीति विपरीत काम गरेको भन्दै उनीहरुलाई कारबाही गरिएको बताइएको छ। कारबाहीमा पर्ने नेताहरूमा महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापा रहेका छन्। त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हटाउने निर्णय समेत गरेकाे छ। बुधबार पार्टी कार्यालय पेरिसडाँडामा बसेको केन्द्रीय कमिटी बैठकले यस्तो निर्णय गरेको हो।

छोटकरी विशेष

वनमन्त्रीकाे दाबी, 'मलाई एक अर्ब घुसको अफर आयो'

वन तथा वातावरण मन्त्री प्रेम आले मगरले आफूलाई एक अर्ब रुपैयाँको प्रलोभन देखाइएकाे बताएका छन्। वैज्ञानिक वन व्यवस्थापन कार्यक्रम खारेज नगर्न भनी आफूलाई एक अर्ब रुपैयाँको प्रलोभन देखाएको दाबी उनले गरेका हुन्। ११ माघमा बसेको मन्त्रिपरिषद् बैठकले वैज्ञानिक वन व्यवस्थापन कार्यक्रमलाई खारेज गरेको थियो।

छोटकरी विशेष

झापा पुगेर ओलीले भने, हटाएछन् भने दुई तिहाइ ल्याएर फेरि आउँछु

प्रधानमन्त्री केपी शर्मा ओलीले आफूलाई हटाएर देखाउन चुनौती दिएका छन्। उनले आफूहरू जनताका लागि ‘कम्फर्टेबल’ भएको भन्दै कसैले हटाए अर्को चुनावमा दुई तिहाइ बहुमत ल्याउने दावी गरेका हुन्।

छोटकरी विशेष