प्रधानमन्त्री केपी शर्मा ओली निर्वाचन आयोगसँग असन्तुष्ट बनेका छन् । कतिपयले निर्वाचन गराउन घोषणा गरिएको होइन भनिरहेको भन्दै प्रधानमन्त्री ओलीले त्यसको खण्डन समेत गरे।
७१ औं प्रजातन्त्र दिवसको अवसरमा आज नेपाली सेनाले टुंडिखेलमा विशेष कार्यक्रम आयोजना गर्यो। राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्नी सापकोटा लगायत विशिष्ट अतिथि उपस्थित समारोहमा सेनाले विविध कला प्रस्तुत गरेको थियो।
उक्त कार्यक्रमलाई सम्बोधन गर्दै प्रधानमन्त्री केपी शर्मा ओलीले अहिलेको सरकारले लोकतन्त्रको बाटो नबिराउने बताएका थिए। साथै, तोकिएको समयमै निर्वाचन हुने दाबीसमेत प्रस्तुत गर्दै उनले ताजा जनादेशका लागि सबै तयार हुनुपर्ने बताएका थिए। प्रधानमन्त्रीले आयोग मध्यावधि चुनावको तयारीमा नलागेको भन्दै असन्तुष्ट समेत व्यक्त गरे।
