प्रतिनिधिसभा विघटनको विरोधमा बृहत नागरिक आन्दोलनले आज पनि टुँडिखेलमा मार्चपास गर्यो । प्रजातन्त्रको प्रतीक टुँडिखेललाई खुल्ला गर्न माग गर्दै निकालिएको र्याली रत्नपार्कबाट सुरु भई महाँकाल मन्दिर परिसरमा पुगेर सभामा परिणत भएको थियो।
आज टुँडिखेल भित्र प्रवेश गर्ने कार्यक्रम भए पनि प्रहरीको घेराको कारण सफल भएन। त्यस्तै, ताल्चा लगाइएको टुँडिखेलमा नेपाली सेनाको पनि बाक्लो उपस्थिति थियो।
'जनाताको हो टुँडिखेल', 'नागरिक अघि बढ्दै छ, सर्वसत्तावाद ढल्दैछ' लगायतका विभन्न नारा लेखिएका प्लेकार्डसहित प्रदर्शनकारीहरु मार्चपासमा सहभागी भएका थिए । टुँडिखेलको गेटमा ताला लगाइएको र भित्र सेना परिचालन गरिएकाे हुँदा रत्नपार्कबाट सुरु मार्च पास आर्मी अस्पताल अघि सभामा परिणत भएको हो।
'टुँडिखेल अब बन्दुकको मौजा हुनुहुँदैन', 'शासकीय कर्मकाण्डको किल्ला हुनुहुँदैन', 'टुँडिखेल अब मुक्त हुनुपर्छ' भन्ने 'बृहत नागरिक आन्दोलन'को भनाइ छ।
1613727534.jpeg
)
शुक्रबार दिउँसो टुँडिखेल मार्चपछि आयोजित सभामार्फत 'बृहत् नागरिक आन्दोलन'ले नागरिक घोषणापत्र सार्वजनिक गरेको छ। अभियन्ता जेबी विश्वकर्माले घोषणापत्र वाचन गरी सार्वजनिक गरेका हुन्।
नागरिक समाजले प्रतिनिधिसभा विघटनको विरोधमा सुरु गरेको आन्दोलनमा विभिन्न समूहले ऐक्यबद्धता जनाउँदै आएका छन् । आन्दोलनअन्तर्गत सिंहदरबार महिला मार्च, टीयू मार्चलगायतका कार्यक्रम आयोजना भएका छन् ।
