राजनराज सिवाकोटीको यस गीत हालसम्म मार्मिक लामा, मिलन नेवार, अरिष्मा सिवाकोटीको स्वरमा रेकर्ड भइसकेको छ। मेल भर्सनमा मार्मिक लामा र फिमेल भर्सनमा मिलन नेवारको स्वर छ भने चाइल्ड भर्सनमा राजनराज सिवाकोटीकै छोरी अरिष्माको स्वर छ।
करोडौं भ्यूज पाइसकेको यो गीतलाई लेजेण्डरी भर्सनमा वरिष्ठ कलाकार मदनकृष्ण श्रेष्ठको आवाज छ।उक्त गीतको भिडियोमा मदनकृष्णको स्वरसँगै अभिनय पनि रहेको छ। भिडियोमा अभिनेत्री मिथिला शर्मा मदनकृष्णको जोडी बनेकी छिन्।
भिडियोमा घरायसी पाको उमेरका बूढाबूढीको लभ सिक्वेन्स देखाइएको छ। वृद्ध अवस्थामा हुने माया प्रेम र सद्भाव नै यसको कथा रहेको राजनराज बताउँछन्।