बेबारिसे शव व्यवस्थापन गर्दै आइरहेकी सपना रोका मगरमाथिको अभद्र व्यवहार मुद्दामा प्रहरीले विनयजङ्ग बस्नेतलाई पक्राउ गरेको छ। सपनाले बस्नेतसँग सहकार्य गर्दै बेवारिसे शव जलाउँदै आएकी थिइन् ।
१८ वर्षीय सपना बेवारिसे शव व्यवस्थापन गरेको कारण सय विश्वका एक सय प्रभावशाली महिलामा पर्न सफल भएकी थिइन्। मगरको उजुरीको आधारमा प्रहरीले विनयजङ्ग बस्नेतलाई पक्राउ गरेको हो।
बस्नेतलाई प्रहरीले काठमाडौंको नयाँ बसपार्कबाट मंगलबार पक्राउ गरेको महानगरीय प्रहरी परिसरका एसएसपी अशोक सिंहले जानकारी दिए ।
मगरले आइतवार महानगरीय प्रहरी परिसर काठमाडौंमा बस्नेतविरुद्ध उजुरी दर्ता गराएकी हुन्। बस्नेतले आफूसँग सपनाको अश्लील फोटोहरू भएको र सार्वजनिक गर्ने धम्की दिँदै आएका थिए।
बीबीसीले १०० महिला कार्यक्रम शृङ्खलाअन्तर्गत प्रकाशित गर्ने प्रभावशाली र प्रेरणादायी महिलाहरुको सूचीमा सपना परेकी हुन् ।
