म्यानमार सेनाविरुद्ध अमेरिकाले जारी गर्‍यो प्रतिबन्ध

अमेरिकाले म्यानमारमा लोकतन्त्रविरुद्ध सत्त कब्जा गरेको सेनाविरुद्ध प्रतिबन्ध जारी गर्ने आधिकारिक निर्देशन स्वीकृत गरेको छ। अघिल्लो हप्ताको सोमबार म्यानमारमा सेनाले अचानक पूरै मुलुकलाई आफ्नो नियन्त्रणमा लिइ देशभरका सबै संसाद् एवम् प्रमुख नेताहरुलाई पक्राउ गरेको थियो ।

अमेरिकी राष्ट्रपति जो बाइडेनले म्यानमारमा लोकतन्त्रविरुद्ध सत्त कब्जा गरेको सेनाविरुद्ध प्रतिबन्ध जारी गर्ने आधिकारिक निर्देशन स्वीकृत गरेका छन् । जसमा सेना, तिनका परिवार र उनीहरुसँग सम्बन्धित सबै व्यवसायहरुमाथि प्रतिबन्ध लगाइनेछ ।


अमेरिकी सरकारले दिँदै आएको वार्षिक एक अर्ब डलरको सहयोगमा पनि सेनाको पहुँच रोक्न विभिन्न तयारी भइरहेको छ । बाइडेनले सेनालाई आफ्नो कदम फिर्ता लिन र नेतृ आन साङ सुकीलाई रिहा गर्न भनेका छन् । 


अघिल्लो हप्ताको सोमबार म्यानमारमा सेनाले अचानक पूरै मुलुकलाई आफ्नो नियन्त्रणमा लिइ देशभरका सबै संसाद् एवम् प्रमुख नेताहरुलाई पक्राउ गरेको थियो । त्यसको विरोधमा दशौँ हजार नागरिकहरु राजधानीसहित सबै प्रमुख सहरमा प्रदर्शन गरिरहेका छन् । यसैक्रममा मंगलबार एक महिला गम्भीर घाइते भएकी छिन् । प्रदर्शनकारीहरूलाई तितरबितर पार्न प्रहरीले पानीको फोहोरा, रबरको गोली र गोली प्रहार गरेको थियो ।


सत्ता हातमा लिएको म्यानमारको सेनाले सत्तामा सहभागी हुन दलहरुलाई आह्वान गरेको थियो । सेनाकै नियन्त्रणमा रहेकी म्यानमारकी तत्कालीन स्टेट काउन्सिलर आङ साङ सू चीले पनि सेनाका सबै कदम र आह्वान गलत भएको भन्दै अस्वीकार गरिएको बताएकी थिइन् ।


म्यानमारमा बिहीबारदेखि फेसबुकलगायतका सामाजिक सञ्जालमाथि प्रतिबन्ध लागेको छ ।  म्यानमारमा डाटा लिएर फेसबुक चलाउन निकै महँगो भए पनि राष्ट्रमा सुशासन स्थापित गराउन र आङ साङ सुकीलाई रिहा गर्न सर्वसाधारणले फेसबुकलाई प्रमुख विरोध व्यक्त गर्ने स्थलका रूपमा प्रयोग गरेको सूचना तथा प्रविधि मन्त्रालयको भनाइ छ।


सम्बन्धित सामग्री

चीनसँगको ‘बेल्ट एन्ड रोड’ सम्झौता अस्ट्रेलियाद्वारा रद्द

अस्ट्रेलियाले चीनसँगको महत्वाकांक्षी ‘बेल्ट एन्ड रोड’ परियोजनासँग सम्बन्धित दुई वटा सम्झौता रद्द गरेको छ । यता, अस्ट्रेलियाको निर्णय सार्वजनिक हुनुपूर्व नै चीनले आपत्ति प्रकट गरेको थियो ।

छोटकरी सम्पादक

दावाको शरीरबाट झन्डै १ किलो बराबरको हेरोइनका ९३ वटा क्याप्सुल निकालियो

दावा लामा तामाङ ९ सय ग्राम हेरोइन शरीरमा बोकेर फेरि दुबई हुँदै नेपाल आइपुगे। अप्रिल ८ मा उनी त्रिभुवन विमानस्थल ओर्लिए। तर, विमानस्थल ओर्लिने बित्तिकै पक्राउ परे। पहिले सामान्य एक्सरेमा हेर्दा उनको शरीरमा हेरोइन देखिएन। पछि सिटी स्क्यान गरेपछि पेटभित्र लागू औषधको क्याप्सुल देखिएको हो।

छोटकरी सम्पादक

पशुपति दर्शनमा रोक

कोरोना भाइरस फैलिन नदिन पशुपति क्षेत्र विकास कोषले अर्को व्यवस्था नभएसम्मका निम्ति सर्वसाधारणका लागि पशुपतिनाथ दर्शनमा रोक लगाएको छ ।

छोटकरी सम्पादक

एकै स्थानमा ६७ गिद्ध मृत भेटिए, कारण खोज्दै अधिकारीहरू

पश्चिम नवलपरासीको रामग्राम नगरपालिका–४ जीतपुरमा एकै स्थानमा ६७ वटा गिद्ध मृत फेला परेका छन् । लोपोन्मुख अवस्थामा रहेका गिद्ध एकै पटक ठूलो संख्यामा कसरी जीतपुर आइपुगे र मृत्यु कसरी भयो भन्नेमा अहिले अनुसन्धान भइरहेको छ ।

छोटकरी सम्पादक

स्वास्थ्य मन्त्रालयले भन्यो- अत्यन्त जरूरी नपरी घर बाहिर ननिस्कनुस्

स्वास्थ्य तथा जनसंख्या मन्त्रालयले कोरोना संक्रमणको दर अत्यधिक बढिरहेको बताउँदै अत्यन्त जरुरी नपरी घर बाहिर ननिस्कन अनुरोध गरेको छ । हरेक चार दिनमा संक्रमणको संख्या दोब्बर भइरहेको बताउँदै संरचनाले धान्नै नसकने गरी बिरामीहरुको संख्या बढ्ने संकेत प्राप्त भएको बताइएको छ।

छोटकरी सम्पादक