छोटकरीमा : विवादका बीच संवैधानिक निकायका पदाधिकारीहरू नियुक्त

संवैधानिक परिषदको सिफारिसमा राष्ट्रपति विद्यादेवी भण्डारीले विभिन्न संवैधानिक निकायका प्रमुख तथा पदाधिकारीलाई नियुक्त गरेकी छन्। राष्ट्रपति विद्यादेवी भण्डारीले बुधबार अख्तियार दुरुपयोग अनुसन्धान आयोग, निर्वाचन आयोग लगायतका संवैधानिक निकायमा पदाधिकारी नियुक्त गरेकी हुन्। नियुक्तिसँगै नियुक्तिविरुद्ध सर्वाेच्चमा रिट परेकाे छ।



राष्ट्रपति विद्यादेवी भण्डारीले नेपालको संविधानबमोजिम संवैधानिक निकायका रिक्त पदमा विभिन्न पदाधिकारीलाई नियुक्त गरेकी छन्। संवैधानिक निकायमा नियुक्त भएका प्रमुखले प्रधानन्याायधीश चोलेन्द्र शम्सेर राणाबाट शपथ लिएका छन्।



संवैधानिक निकायका रिक्त पदमा विभिन्न पदाधिकारीलाई नियुक्त गरिएसँगै उनीहरूलाई काम गर्न राेक लगाउन माग गर्दै सर्वाेच्चमा मुद्दा परेकाे छ। संसदीय सुनुवाइ समितिका सभापति लक्ष्मणलाल कर्णले पनि संविधानविपरीत संवैधानिक निकायका पदाधिकारीको नियुक्ति भएकाे बताएका छन्।



त्यस्तै आज भएको संवैधानिक निकायकाे नियुक्ति प्रमुख प्रतिपक्षी दल नेपाली कांग्रेसले विराेध गरेकाे छ। उता नेकपाकाे प्रचण्ड-माधव समूहले नियुक्ति विराेध गर्दै भाेलि आम हड्ताल आह्वान गरेकाे छ भने साना दलले समेत यसकाे विराेध गरेका छन्।



त्यस्तै आजै अख्तियारका आयुक्त गणेशराज जाेशीले राजीनामा दिएका छन्। जाेशी नवीनकुमार घिमिरेले अवकाश पाएपछि कार्यबाहक प्रमुख आयुक्त बनेका थिए। उता नवनियुक्त प्रमुख आयुक्त प्रेम कुमार राईले आजै पदभार सम्हालेका छन्।


सम्बन्धित सामग्री

प्रधानमन्त्रीले आफूलाई हटाएर देखाउन प्रचण्ड-नेपाल समूहलाई दिए चुनाैती

प्रधानमन्त्री केपी शर्मा ओलीले दलकाे बैठक नडाक्ने बताएका छन्। उनले आफैलाई हटाउने बैठक नडाक्ने ओली पक्षका नेताहरूकाे दाबी छ। नेकपाभित्रकाे विवादका कारण संसद विघटन भएसँगै काम चलाउ बनेका प्रधानमन्त्री ओली संसद पुनःस्थापना भएसँगै कार्यकारी बनेकाे र बरु परिस्थितिकाे सामना गर्दै अघि बढ्ने समेत ओली समूहकाे तयारी छ। यता नेकपाकाे प्रचण्ड-नेपाल समूहले भने ओलीलाई हटाएर जाने रणनीति लिएका छन्।

छोटकरी विशेष

जसपाले दाहाल-नेपाललाई साेध्याे- तपाईंहरूकाे पार्टी कुन हाे?

नेकपाकाे प्रचण्ड-नेपाल समूहले जसपासँग राखेकाे सत्ता सहकार्यकाे प्रस्ताव नेकपा विवाद टुंगाे नलागेसम्म निर्क्याैल नहुने देखिएकाे छ। आज भएकाे छलफलमा जसपा नेताहरूले दाहाल–नेपाल पक्षको पार्टी कुन हो स्पष्ट पार्नका लागि आग्रह गरेको पनि महतोले बताए। जसपा नेताहरूले पहिले पनि धाेका भएकाे भन्दै 'रिस्क' लिन नचाहेकाे बताए। नेकपा प्रचण्ड-नेपाल समूहले जसपासँग मिलेर जाने प्रस्ताव गरेकाे थियाे।

छोटकरी विशेष

नेकपा विवाद टुंगाे लागेपछि मात्रै नयाँ सरकारबारे निर्णय गर्ने कांग्रेसकाे निर्णय

प्रमुख प्रतिपक्षी दल नेपाली कांग्रेसकाे पदाधिकारी बैठकले नेकपा विवाद टुंगाे नलागेसम्म भावी सरकारबारे निर्णय नलिने भएको छ। बैठकमा पदाधिकारीहरूले कांग्रेसले हतारमा निर्णय लिन नहुने बताएका हुन्। संसद् पुन:स्थापनापछि नेकपा एक भएकाे सन्दर्भमा कांग्रेसले साेचविचार गरी कदम चाल्नुपर्ने निष्कर्ष बैठककाे छ।

छोटकरी विशेष

फाल्गुन २० मा नेकपा नाम विवादकाे फैसला आउँदै

सर्वाेच्च अदालतले नेकपाकाे नाम सम्बन्धी विवादकाे टुंगाे फाल्गुन २० गते लाउने भएकाे छ। न्यायाधीश बमकुमार श्रेष्ठ र कुमार रेग्मीको इजलासले सुनुवाई सकेर निर्णय सुनाउने मिति फागुन २० गतेका लागि तोकेको हाे। तत्कालीन माओवादी केन्द्र र एमालेबीच एकता भएपछि हालकाे सत्तारूढ नेकपाकाे निर्माण भएकाे थियाे। निर्वाचन आयोगमा त्यसअघि नै ऋषिराम कट्टेलको नाममा नेपाल कम्युनिस्ट पार्टी दर्ता भएकाे भन्दै उनले मुद्दा दायर गरेका थिए।

छोटकरी विशेष

विश्वभर ४ कराेडले लगाए खाेप, लगाएकाहरूमा एन्टीबडी बन्दै

विश्वव्यापी रूपमा फैलिएकाे काेराेना भाइरस (काेभिड-१९) काे खाेप लगाउनेहरूकाे संख्या ४ कराेड पुगेकाे छ। विभिन्न देशहरूमा पत्ता लागेकाे काेभिड खाेप लाउने कार्य विश्वभरि नै अहिले अभियानका रूपमा जारी छ। हालसम्म विश्वभर झण्डै ४ करोड ३६ लाखभन्दा बढी मानिसले कोरोनाविरुद्धको खोपको पूरा मात्रा लगाइसकेका छन्। खोप लगाएकाहरूमा एन्टीबडी बनेकाे समेत विज्ञहरूले बताएका छन्।

छोटकरी विशेष

अन्जु पन्तले गरिन् बिहे, काे हुन् बेहुला ?

चर्चित गायिका अन्जु पन्तले बिहे गरेकी छन्। उनले इलामका थीर कोइरालासँग विवाह गरेकी हुन्। उनीहरू बीच तीन वर्ष लामाे प्रेम सम्बन्ध रहेकाे थियाे।

छोटकरी विशेष

माउन्ट केटु चढ्नेहरूलाई सेनाले गर्याे सम्मान

विश्वकाे दाेस्राे ठूलाे हिमाल माउन्ट केटु चढ्ने टाेलीलाई नेपाली सेनाले सम्मान गरेकाे छ। सैनिक मुख्लायमा आयोजित कार्यक्रममा प्रधानसेनापति पूर्णचन्द्र थापाले आरोही दलका सदस्यहरुलाई कदरपत्र प्रदान गरेका हुन्। टोलीले माघ ३ गते माउन्ट केटुको सफलतापूर्वक आरोहण गरेका थिए। सम्मान कार्यक्रममा नेपाली सेनाका प्रधानसेनापति पूर्णचन्द्र थापाले सामूहिक भावनाले गरे जुनसुकै काम पनि सम्भव हुने उल्लेख गरे। त्यस्तै कार्यक्रममा आराेहण दलका नेता निर्मल पूर्जा पुनमगरले नेपाली आरोही भरिया मात्र नभएकाे बताए।

छोटकरी विशेष