माघ १४ गते सुरु गरिएको खोप अभियानमा तेस्रो दिनसम्म आउँदा खोप लगाउने व्यक्ति बढेको देखिन्छ । अहिलेसम्म कसैलाई पनि यसको कुनै नकरात्मक प्रभाव र स्वास्थ्य समस्या नदेखिएको सरकारले बताएको छ।
कोभिड १९ विरुद्धको खोप अभियानको तेस्रो दिन १६९ खोप बुथबाट ७७ जिल्लामा कुल जम्मा ४६ हजार १९७ जना व्यक्तिहरुले खोप लगाएका छन्। हालसम्म खोप लिएकाहरूमध्ये कसैमा पनि जटिल स्वास्थ्य समस्या देखिएको छैन।
पौष १६ गते अर्थात् तेस्रो दिन आज,
प्रदेश नं १ मा ७ हजार ३६९,
प्रदेश नं २ मा ४ हजार ६५०,
वाग्मती प्रदेशमा १५ हजार ६४१,
गण्डकी प्रदेशमा ७ हजार १५३,
लुम्बीनी प्रदेशमा ४ हजार ६३५,
कर्णाली प्रदेशमा २ हजार ९६६
र सुदूरपश्चिम प्रदेशमा ३ हजार ७८३ जनाले खोप लगाएका हुन् ।
स्वास्थ्य तथा जनसंख्या मन्त्रालयको निर्देशन अनुसार खोप पश्चात अवाञ्छित घटनाको अनुगमन तथा व्यवस्थापन गर्नका लागि देशभर विज्ञ चिकित्सकहरु परिचालन गरिएको छ। यस्तै, कोरोनाविरुद्धको भ्याक्सिन लगाएर नेपाल आउनेहरूलाई स्वतन्त्र रूपमा घुम्न पाउने व्यवस्था गरिने भएको छ।
पहिलो र दोस्रो दिनको अवस्था कस्तो थियो, छोटकरीमा यहाँ पढ्न सक्नुहुनेछ।
