नेपाल इन्फ्रास्ट्रक्चर बैंक लिमिटेडको साधारण शेयर (आइपीओ) काे बाँडफाँड सम्पन्न भएकाे छ। त्यस्तै याे साता शेयर बजारले नयाँ रेकर्ड राखेकाे छ। अघिल्लो साता नेप्सेमा ३४ अर्ब १६ करोड रुपैयाँभन्दा माथिको कारोबार भएकोमा याे साता बढेर ४४ अर्ब ४६ करोड रुपैयाँ नाघेको छ ।
नेपाल इन्फ्रास्ट्रक्चर बैंक लिमिटेडको साधारण शेयर (आइपीओ) काे बाँडफाँड भएकाे छ। आइपीओमा १४ लाख ७५ हजार ८० वटा याेग्य आवेदन रहेकाेमा ६ हजार २ सय ७६ जनाको आवेदन रद्द भएकाे छ।
यो साता शेयर कारोबारमा नयाँ रेकर्ड कायम भएको छ। सातामै दुई दिन आइतबार र बिहिबार सर्वाधिक कारोबारको रेकर्ड बनेको थियो। आइतबार बनेको सर्वाधिक कारोबार रकमको रेकर्ड बिहिबारको कारोबारका क्रममा ब्रेक भएको हो।
