प्रधानमन्त्री केपी शर्मा ओलीले संसद पुन:स्थापनाको पक्षमा बहस गरेका वरिष्ठ अधिवक्ता कृष्णप्रसाद भण्डारीलाई लक्षित गरी व्यक्तिगत टिप्पणी गरेकाे भन्दै अधिवक्ताहरूले विराेध जनाएका छन्। अधिवक्ता भण्डारीले स्वयंले पनि यसकाे विराेध गरेका छन्। उनले यस विषयमा अदालतमा समेत प्रश्न उठाएका छन्। प्रधानमन्त्रीले केहीदिन अघि अधिवक्तालाई अदालतमा लगेर 'तमासा' देखाएकाे आराेप लगाएका थिए।
प्रधानमन्त्री केपी शर्मा ओलीले वरिष्ठ अधिवक्ता कृष्णप्रसाद भण्डारीलाई 'तमासा' देखाएकाे भनेपछि अधिवक्ताहरूले त्यसकाे विराेध गरेका छन्। गत शुक्रबार बबरमहलमा आयोजित कार्यक्रममा नेपाल कम्युनिष्ट पार्टी (नेकपा) ओली समूहको अध्यक्षसमेत रहेका प्रधानमन्त्री ओलीले अधिवक्ता भण्डारीमाथि साे टिप्पणी गरेका थिए। अधिवक्ता भण्डारीले ओलीकाे पक्षमा समेत बहस गरेका थिए।
आफूलाई गाली गरेकाे भन्दै वरिष्ठ अधिवक्ता कृष्णप्रसाद भण्डारीले प्रधानमन्त्री ओली आफूविरुद्ध बोल्नु त्यो अदालतको अवहेलना भएकाे बताएका छन्। त्यस्तै उनले अदालतकाे वैधानिक इजलासमा प्रधानमन्त्रीले आफूविरुद्ध गरेकाे टिप्पणीबारे कुरा उठाउँदै न्याय क्षेत्रको सबैभन्दा जेठो मान्छेलाई नटुवा भन्न पाइन्छ श्रीमान् भन्दै प्रश्न उठाएका छन्।
प्रधानमन्त्री ओलीले केहीदिन अघि एउटा बाजे वकिललाई तमासा गर्न सर्वोच्च लिएर गएछन् भन्दै अधिवक्ता भण्डारीमाथि टिप्पणी गरेका थिए।
प्रधानमन्त्री ओलीले भने आफूले बुढाे मान्छेलाई दुःख दिन नहुने भनेकाे स्पष्टीकरण दिएका छन्।
