लामाे समय एउटै पार्टीमा रहेर सशस्त्र संघर्ष गरेका प्रचण्ड र बाबुराम पुनः एकै ठाउँ देखिएका छन्। प्रधानमन्त्री केपी शर्मा ओलीले संसद विघटन गरेसँगै वैचारिक रूपमा एकै ठाउँ देखिएका प्रचण्ड र बाबुराम बीच लामाे समयपछि औपचारिक छलफल भएकाे छ। त्यस्तै उनीहरूले आजै उपरराष्ट्रपति नन्दकिशोर पुनसँग पनि भेट गरेका छन्।
नेपाल कम्युनिस्ट पार्टी (नेकपा) (प्रचण्ड–माधव समूह)का अध्यक्ष पुष्पकमल दाहाल र जनता समाजवादी पार्टी नेपालका संघीय परिषद् अध्यक्ष डा.बाबुराम भट्टराई बीच गोप्य छलफल भएको छ। उनीहरू बीच आन्दोलनमा कार्यगत एकतालगायत पार्टी एकीकरणसम्मको विषयमा छलफल भएको हाे।
त्यस्तै प्रचण्ड र भट्टराई आजै उपरराष्ट्रपति नन्दकिशोर पुनलाई भेट्न उनकाे निवास पुगेका छन्। पछिल्लाे समयकाे राजनीतिक अवस्था बारे छलफल गर्न पूर्व माओवादी नेताहरू भेला भएकाे बताइएकाे छ।
