छोटकरीमा : जो बाइडेन ट्रम्पको निर्णय उल्टाउँदै, कमाला ह्यारिस नेपालीले बनाएको पोशाकमा सजिदै

डोनाल्ड ट्रम्पले वसिङ्टनस्थित राष्ट्रपतिको कार्यालय ह्वाइट हाउस छाडेसँगै अमेरिकामा जो बाइडेनले राष्ट्रपतिको कार्यभार सम्हालेका छन्। जो बाइडेन सरासर ट्रम्पका निर्णयहरू उल्टाउँदै गर्दा उपराष्ट्रपति कमला ह्यारिस नेपालीले बनाएको पोशाकमा सजिएको खबरहरू चर्चा-परिचर्चा बटुलीरहेको छ।



राष्ट्रपति ट्रम्पले ह्‌वाइट हाउसबाट बिदा हुनुअगाडिको अन्तिम सम्बोधनमा आफूहरुले जे गर्ने भनेर आएको त्योभन्दा धेरै कुरा गरेर जान लागेको बताएका थिए । उनले अत्यन्तै कठिन लडाइँहरु लडेको र धेरै अफ्ठ्यारा चुनौतीहरुको सामना गरेको तर यसैका लागि सबैले उनलाई निर्वाचित गरेको बताएका हुन् ।



ट्रम्प आफ्ना उत्तराधिकारी बाइडेनलाई ह्वाइटहाउसमा स्वागत नगरी फ्लोरिडा उडेका छन्। राष्ट्रपति पद छोड्ने अन्तिम समयमा उनले ७३ जनालाई क्षमादान दिएका हुन् । आगामी प्रशासनलाई आफ्नो सम्बोधनको क्रममा सुझाव दिन समेत उनले भ्याएका थिए।

कार्यालय छाड्दै गर्दा ट्रम्पको लोकप्रियता ३४ प्रतिशत रहेको छ जुन बिदा हुने राष्ट्रपतिहरुमा अहिलेसम्मकै कमको रेकर्ड भएको बताइएको छ ।



इरानका राष्ट्रपति हसन रुहानीले बुधवार अमेरिकी समकक्षी डोनाल्ड ट्रम्पको बिदाइको स्वागत गरेका छन्। ‘एक अत्याचारी शासकको युगको अन्त्य भयो र आज उनको अशुभ शासनको अन्तिम दिन हो', उनले भनेका छन्।

इरानले बाइडनको कार्यकालमा अमेरिकाले आफ्नो मुलुकमाथि लगाएको प्रतिबन्ध हटाउने विश्वास समेत लिएको छ । इरानका राष्ट्रपति हसन रौहानीले जो बाइडनलाई सन् २०१५ को परमाणु सम्झौतामा फर्किन आग्रह गरेका छन् ।



१२ वर्ष अघि एक आर्थिक रेस्क्यु मिसनमा राष्ट्रपति बाराक ओबामालाई साथ दिन ह्वाइट हाउस पसेका जो बाइडेन फेरि एकपटक ह्वाइट हाउस पस्दैछन् तर फरक पद र प्रतिष्ठाका साथ। तर बुधबार ४६ औं राष्ट्रपतिको लागि सपथ खाँदै गर्दा नवनिर्वाचित राष्ट्रपति जो बाइडेनको सामू कारोना महामारीको कारण अमेरिकामा ज्यान गुमाउनेको ठुलो संख्या त्यसले निम्ताएको आर्थीक, राजनीतिक, मनोवैज्ञानिक समस्या देखिएको छ ।



नवनिर्वाचित राष्ट्रपति जो बाइडेनको सपथ ग्रहण समारोहलाई मध्यनजर गर्दै अमेरिकाको क्यापिटल हिलमा सुरक्षा व्यवस्था कडा पारिएको छ । अमेरिकी समयअनुसार बुधबार दिउँसो १२ बजे सपथ ग्रहण हुनेछ । त्यसपछि उनले आधिकारीक रुपमै ह्वाइट हाउसबाट आफ्नो काम सुरु गर्नेछन् ।



कोरोना नियन्त्रणमा प्रभावकारी कदमको साथमा ट्रम्पले विगारेको काम सपार्नुपर्ने जिम्मेवारी बाइडेनको काँधमा छ भने चीनसँग बिग्रिएको सम्बम्ध सुधार गर्नु, कोरोना महामारीले थलिएको अर्थतन्त्र र रोजगारीलाई सही ढंगमा कुदाउनु उनको लागि अर्को चूनौतीको रुपमा देखिएको छ।



बाइडेनले राष्ट्रपतिको कार्यकाल सम्हालेपछि पहिलो काम नै पेरिस वातावरण सम्झौतामा पुनः सहभागि हुने र मुश्लिमको नाममा प्रतिबन्ध लगाएका देशको प्रतिबन्ध फुकुवा गर्ने घोषणा गरेका छन्। योबाहेक राहत कार्यक्रम र आर्थिक सुधारको कार्यक्रम घोषणा गर्ने योजना पनि उनको पहिलो कार्यसूचीमा रहेको छ। यससँगै बाइडन इजरायलको राजधानी जेरुसलेमलाई मान्न तयार रहेको बताइएको छ।



अमेरिकी पूर्वराष्ट्रपति बाराक ओबामाले बाइडेनलाई बधाई दिएका छन्। यहिबीच बाइडेनले 'यो अमेरिकामा नयाँ दिन हो' भनेर ट्वीट गरिसकेका छन्।

यस्तै, नवनिर्वाचित उपराष्ट्रपति कमला ह्यारिसले पनि एक ट्वीट गरेकी छन्, जहाँ उनले लेखेकी छन्,'आज एउटा नयाँ अध्याय सुरु हुन्छ। '



बाइडेनबारे थप जानकारीहरू :



बिहीबार जो बाइडेनले अमेरिकी राष्ट्रपतिको शपथ ग्रहण गरे। त्यस्तैगरी ५६ वर्षकी कमला देवी ह्यारिशले ४९ औँ उपराष्ट्रपति पदको शपथ लिएकी छन् ।



अमेरिकी राष्ट्रपति जो बाइडेनले आफ्नो कार्यकालको पहिलो दिन, शपथ लिएको केही घण्टापछि नै डोनाल्ड ट्रम्पका केही प्रमुख नीतिहरु उल्ट्याउन सुरु गरेका थिए ।

बाइडेनले आफ्नो आगामी कार्यकालमा चार विषयलाई प्राथामिकतामा राखेका छन् । ती हुन्- कोभिड महारमारीको प्रभाव घटाउने, वर्ण विभेद रोक्ने, जलवायु परिवर्तनका असर कम गर्न सहयोग गर्ने र आप्रवासी समस्या समाधान गर्ने ।



अमेरिकी उपराष्ट्रपति कमला ह्यारिसले बिहीबार शपथग्रहणपछिको भर्चुअल प्रार्थना सभामा प्रबल गुरुङले डिजाइन गरेको पहिरन लगाएकी थिइन् । ह्यारिसले उक्त सभामा कलेजी रङको डबल–फेसिङ ऊन क्रेपले डिजाइन गरेको लङ कोट लगाएकी थिइन्, जुन न्युयोर्कमै तयार पारिएको थियो ।


सम्बन्धित सामग्री

कञ्‍चनपुरको बेलौरीमा प्रहरी र तस्करबीच गोली हानाहान, एक भारतीयको मृत्यु

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको छ। कञ्चनपुरको बेलौरी नगरपालिका ७ पौलाहामा प्रहरी र तस्करबीच गोली हानाहान भएको हो।

छोटकरी सम्पादक

म्यान्मारमा '३८ जनाको मृत्यु, कू यताकै रक्तपातपूर्ण दिन'

म्यानमारमा सेनाको आक्रमणबाट बुधबार एकैदिन ३८ जना प्रदर्शनकारीको ज्यान गएको छ । नेतृ आङ सान सुकीलगायत नेताहरुको रिहाइको माग गर्दै म्यानमारमा १ महिनाभन्दा लामो प्रदर्शन भइरहेको छ ।

छोटकरी सम्पादक

एक विधवा महिला, जसले ६ सय विवाहित पुरुषहरूको खुलेआम कत्लेआम गरिन्!

जूलिया टूफाना मेकअपको भाँडो (काँचको सिसी)मा विष बोकेर हिँड्ने गर्थीन्। वर्षौसम्म सयौँ व्यक्तिहरूलाई मार्दै रहिन्, कसैलाई कानोकान खबर पनि भएन। टूफना कसरी गर्थीन् हत्या? र सुराक किन कसैले भेट्टाएन? छ सयको हाराहारीमा विवाहित पुरुष 'बलीको बख्रो' बन्न उनीसमक्ष कसरी पुगे? प्रश्नहरूको उत्तर खोज्दै जाऔँ!

छोटकरी सम्पादक

पाकिस्तान र टर्कीबीच ऐतिहासिक ‘रेल सेवा’ सुचारु हुने

एक दशकदेखि बन्द रहेको पाकिस्तान र टर्कीबीच मालबाहक रेल सेवा आजदेखि सुरु हुने भएको छ। अहिले विश्व बजारमा चीनको बढ्दो प्रभावलाई फाइदा हुने गरी यो सेवा पुनः सुरु गर्न लागिएको हो।

छोटकरी सम्पादक

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक