छोटकरीमा : कोरोना सङ्क्रमण देखिएको एक वर्षपछि नेपालमा खोप

असोज र कात्तिकमा उच्च विन्दुमा पुगेको कोरोना भाइरस संक्रमणदर मंसिरपछि भने निरन्तर घट्दो क्रममा छ। यहींबीच कोभिड-१९ विरुद्धको पहिलो खोप भारतबाट नेपाल भित्रिने पक्कापक्की भइसकेको छ। नेपालमा कोभिड–१९ विरुद्धको खोपको पहिलो भागीदार को होलान् र सरकारको योजना कस्तो छ?



'निरन्तर ओरालो लागिरहेको कोरोना संक्रमणदर यदि यहि अवस्था रहीरहे र दोस्रो चरणको कोरोना नदेखिए संक्रमण निर्मूल हुन् सक्ला ?' भन्ने प्रश्न जनमानस रहीरहेको समयमा स्वास्थ्य तथा जनसंख्या मन्त्री हृदयेश त्रिपाठीले भारतले १० लाख डोज कोरोना खोप अनुदानमा उपलब्ध गराउने बताएका छन् । सो खोप विहीबारसम्म नेपाल आइपुग्ने बताईएको छ।



औषधि व्यवस्था विभाग (डीडीए)ले ‘कोभिसिल्ड’लाई गत शुक्रबार नै आपत्कालीन प्रयोगका लागि ससर्त अनुमती प्रदान गरिसकेको छ । भारतबाट प्राप्त हुन लागेको यो खोपलाई २ देखि ८ डिग्री सेल्सियस तापक्रममा ६ महिनासम्म भण्डारण गर्न सकिने बताइएको छ।



भन्सार विभागले खोप सामग्रीहरुको जाँचपासका लागि मुख्य भन्सार विन्दुहरु विशेषगरी त्रिभुवन अन्तर्राष्ट्रिय विमानस्थल भन्सार कार्यालयमा छुट्टै एकाइ खडा गरी कर्मचारी खटाउने जनाएको छ ।

खोपको सुरक्षित जाँचपास व्यवस्थापनका लागि सीमामा रहेका सबै जिल्लास्थित सरोकारवाला निकायहरुसँग समन्वय गरिने, सार्वजनिक बिदाका दिनसमेत यस्ता मालवस्तुहरुको जाँचपासलाई पहिलो प्राथमिकता दिइने विभागले जनाएको छ ।



भारतलगायतका विभिन्न मुलुकसँगै विश्व स्वास्थ्य संगठनमार्फतसमेत पहल भइरहेका बेला भारत सरकारले छिमेकी राष्ट्रहरुलाई अनुदानमा खोप दिने निर्णय गरेसँगै नेपालमा खोप आउने वातावरण तय भएको छ।

पहिलो चरणमा ल्याइएको खोप कसलाई दिने भन्ने यसअघि नै टुंगो लागिसकेको छ । नेपालमा खोप पाउने पहिलो भागीदारहरू यी हुन्:

१. स्वास्थ्यकर्मी तथा सेवक : यो वर्गमा नेपालको कुल जनसंख्याको ३ प्रतिशत नागरिक पर्दछन् ।

२. ज्येष्ठ नागरिक तथा दीर्घरोगी : जुन नेपालको जनसंख्यामा १२.२५ प्रतिशत छन्।

३. ४० देखि ५४ वर्षसम्मका दीर्घरोगी : नेपालमा यो वर्गका नागरिक कुल जनसंख्याको ३.६८ प्रतिशत छन् ।

४. माइग्रेन्ट श्रमिक : नेपालमा यस्ता श्रमिक १ प्रतिशत रहेका छन्।

५. ४० देखि ५४ वर्षका नागरिक : यस उमेर समूहक नागरिक पनि ३.६८ प्रतिशत छन् ।

६. १५ देखि ३९ वर्षका नागरिक : नेपालको जनसंख्याको २२.५५ प्रतिशत नागरिक यही उमेर समूहका छन् ।


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक