छोटकरीमा: आज- २०७७ पौष २८, मंगलबार

आज 'परराष्ट्रमन्त्री भारत भ्रमणमा जाँदै', 'सूर्य चिह्न आफूहरूले नै पाउने नेकपा प्रचण्ड-नेपाल समूहकाे दाबी', 'नेपाली कांग्रेसद्वारा काेराेना खाेपकाे व्यवस्था गर्न सरकारसँग आग्रह', 'कक्षा ११ मा नयाँ पाठ्यक्रम लागू गर्ने बाटाे खुल्याे', ट्रम्पलाई हटाउने प्रस्ताव संसदमा पेश'लगायतका विषयवस्तुहरू समावेश गरिएका छन्।



भारत भ्रमणमा जान लागेका परराष्ट्रमन्त्री प्रदीप ज्ञवालीलाई विज्ञहरूले सीमा विवाद र कोभिड-१९ खोपलाई भ्रमणकाे मुख्य एजेन्डा बनाउन आग्रह गरेका छन्। त्यस्तै भ्रमणका क्रममा परराष्ट्रमन्त्रीले पनि यिनै दुई मुद्दालाई भ्रमणकाे मूल एजेन्डा बनाउने भएका छन्।



सञ्चार तथा सूचना प्रविधिमन्त्री पार्वत गुरुङले चुनाव घोषणा गरेर ताजा जनादेशमा जाऔं भन्नु असंवैधानिक कदम हुनै नसक्ने दाबी गरेका छन्। त्यस्तै लुम्बिनी प्रदेशका मुख्यमन्त्री शंकर पाेखरेलले पनि पूर्वघाेषित वैशाखमा हुने चुनावी कार्यक्रममा सबैकाे सहभागिता रहनुपर्ने बताएका छन्।



नेविसंघले नेशनल मेडिकल कलेजलाई कारबाही गर्न माग गरेकाे छ। वीरगञ्जस्थित कलेजले अतिरिक्त शूल्क नतिरेको भन्दै दुईजना विद्यार्थीलाई एमबीबीएस परीक्षा दिनबाट बञ्चित गरेपछि कलेजलाई कारबाही गर्न संघले माग गरेकाे हाे।



नेकपा (प्रचण्ड-नेपाल समूह) का अध्यक्ष माधव कुमार नेपालले विगतमा सूर्य चिह्न आफूले नै चुनेकाे बताएका छन्। आफूहरूसँग बहुमत भएकाे दाबी गर्दै उनले सूर्य चिह्न आफूहरूले नै पाउने बताएका हुन्। त्यस्तै नेकपाकै अर्का अध्यक्ष प्रचण्डले सूर्य चिह्न आफ्नाे नभए आँधीबेहरी ल्याउने बताएका छन्।



नेकपा (प्रचण्ड-नेपाल) समूहका अध्यक्ष पुष्पकमल दाहाल प्रचण्डले ओलीले पदकै लागि पार्टी फुटाएकाे बताएका छन्। त्यस्तै उनले प्रधानमन्त्री पदका लागि ओलीले जबज छाेडेकाे समेत बताए। गण्डकी प्रदेशका भएको बृहत् कार्यकर्ता भेलालाई सम्बोधन गर्दै उनले यस्तो बताएका हुन्। त्यस्तै कार्यक्रममा बाेल्दै नेकपा नेता नारायणकाजी श्रेष्ठले अदालतमा प्रधानमन्त्रीले सेटिङ गरेकाे आराेप लगाएका छन्।



प्रमुख प्रतिपक्षी दल नेपाली कांग्रेसले यथाशक्य छिटाे काेराेना खाेप भित्र्याई निःशुल्क वितरण गर्न आग्रह गरेकाे छ। सरकारले भने परराष्ट्रमन्त्री प्रदीप ज्ञवालीकाे भारत भ्रमणपछि मात्रै काेराेना खाेप भित्र्याउने बारे निर्णय दिनसक्ने संकेत देखाएकाे छ।



सर्वाेच्च अदालतले कक्षा ११ काे नयाँ पाठ्यक्रम प्रारूपविरुद्धको रिट खारेज गरेकाे छ। अदालतले

विद्यालय शिक्षाको राष्ट्रिय पाठ्यक्रम प्रारूप, २०७६ कार्यान्वयन नगर्न माग गर्दै परेको रिट खारेज गरेकाे हाे। सर्वोच्चले रिट खारेज गरेसँगै नयाँ पाठ्यक्रम लागू गर्न बाटो खुलेको छ। 



अमेरिकी राष्ट्रपति डाेनाल्ड ट्रम्पबाट प्रजातन्त्र र संविधानमाथि खतरा सिर्जना भएकाे भन्दै उनलाई हटाउने प्रस्ताव संसदमा प्रस्तुत भएकाे छ। डेमोक्र्याटहरूले राखेको प्रस्तावमा डोनाल्ड ट्रम्पबाट शक्ति खोस्न उपराष्ट्रपति माइक पेन्स र बाँकी मन्त्रिमण्डललाई आग्रह गरिएको छ।


सम्बन्धित सामग्री

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक

पेट्रोलियममा मूल्यवृद्धिविरुद्ध विद्यार्थीहरूको प्रदर्शन

पेट्रोलियममा गरिएको मूल्यवृद्धिविरुद्ध विद्यार्थीहरूले नेपाल आयल निगमअगाडि प्रदर्शन गरेका छन् । विद्यार्थीहरूले बढाइएको मूल्य तत्काल फिर्ता लिन सरकारसँग माग गरेका छन् । पेट्रोल, डिजेल र मट्टीतेलमा प्रतिलिटर दुई रुपैयाँका दरले बढाइएको छ ।

छोटकरी सम्पादक

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक