लाङटाङका पर्यटकीय होटेल आजदेखि सञ्चालनमा

अर्थ डिजिटल संस्करण

लाङटाङका पर्यटकीय होटेल आजदेखि सञ्चालनमा

२०७७ मङ्सिर ७ आइतबार १३:३६:००

कोरोना संक्रमित बढेपछि बन्द भएका रसुवाको पर्यटकीय क्षेत्र लाङटाङका सबै होटेल आज (आइतबार) देखि सञ्चालनमा आएका छन् । 

जिल्लामा कोरोना संक्रमण बढेपछि बन्द गरिएको होटेल व्यवसाय पछिल्लो समय संक्रमितको संख्या घटेसँगै खुला गरिएको हो । 

गएको १८ कात्ति कदेखि बन्द रहेका सबै होटेल सञ्चालनमा आएको गोसाइँकुण्ड गाउँपालिका– ४ लाङटाङका वडाध्यक्ष सुप्पा लामाले बताए । 

गाउँपालिकाको वडा नम्बर ४ मा रहेको रिम्छे, लामा होटेल, रिभर साइड, घोडातबेला, गुम्बाडाँडा, लाङटाङ, मुन्डु र क्याङजिन गुम्बाका होटेल सञ्चानमा आएकोसमेत उनले बताए । 

‘जिल्लामा, त्यसमाथि सदरमुकाम धुन्चेमा कोरोना बढेकाले सबैजना डराएर होटेल व्यवसाय सबै बन्द गरिएको थियो, तर अहिले कोरोना बढेको पनि छैन,’ उनले भने, ‘कोरोना भनेको एक–दुई महिनामा सक्ने भन्ने होइन रहेछ, त्यसैले शनिबार लाङटाङका होटेल व्यवसायी, स्थानीय सबै छलफल गरेर सबै व्यवसाय सञ्चालन गर्ने सहमति गरेका थियौँ, त्यसैअनुसार सबैले आ–आफनो व्यवसाय पुनः सञ्चालन गरिसकेका छन् ।’

सबै होटेल–व्यवसाय सञ्चालन गरेसँगै अब लाङटाङमा पर्यटकहरू निर्धक्क आउन सक्नेसमेत उनले बताए । 

होटेल व्यवसाय सञ्चालनमा ल्याइसकेको र आफूहरू अब पर्यटकको स्वागतका लागि तयार रहेको लाङटाङका होटेल व्यवसायी दिण्डुप तामाङले बताए ।

‘एउटै होटेलमा ५० जनाभन्दा बढी राख्ने क्षमता रहेको छ, हामीले होटेल खुलन राखेका छौँ, हामी पर्यटकको पर्खाइमा छौँ,’ उनले भने ।

काठमाडौंबाट छोटो र सजिलो पदमार्गमध्ये  लाङटाङ पनि एक हो । त्यसैले पनि लाङटाङमा स्वदेशी तथा विदेशी पर्यटकहरूको आवागमन बढ्ने गरेको छ ।

लाङटाङ जाने पर्यटकले एकै यात्रामा धेरै कुरा हेर्न र घुम्न सक्नेछन् । त्यसैले पनि लाङटाङ पदमार्ग पर्यटकको रोजाइमा परेको स्थानीय होटेल व्यवसायीले बताएका छन् । 

लाङटाङ पुग्ने अधिकांश पर्यटक चेरकोरी, क्यान्जिन री, लाङसिसा, लाङटाङ ग्लासियर र याला पिक चढ्ने गर्छन् । 

पाँच हजार मिटर अग्लो चेरकोरीबाट दर्जनौँ हिमाल देखिने भएकाले क्यान्जिन पुगेका अधिकांश पर्यटक त्यस क्षेत्रमा पुग्ने गरेका छन् । असोज, कात्तिक महिना पर्यटकको आगमन हुने मुख्य याम हो । 

मौसम सफा हुने र धेरै मनोरम दृश्यालोकन हुने भएकाले आन्तरिक तथा बाह्य पर्यटकहरूको बाक्लो उपस्थिति हुने गरेको छ ।

स्याफ्रुबाट करिब दुई दिनको पैदल यात्रामा क्यान्जिन पुगिन्छ । पहिलो दिन स्याफ्रुबाट दोमेन, पहिरो, बम्बु, रिमिचे हुँदै लामा होटेलमा बास बस्नका लागि पर्यटकहरू पुग्ने गरेका छन् ।

भोलिपल्ट बिहानै खाजा खाएर हिँड्दा रिभरसाइड, उडल्यान्ड, घोडातबेला, थाङस्याब, गुम्बाडाँडा हुँदै लाङटाङ पुगिन्छ । केही पर्यटक त्यहाँ बस्छन् भने केही मुण्डु, सिन्दुम हुँदै क्याङजिन पुग्ने गरेका छन् ।

#पर्यटकीय # होटल

सम्बन्धित सामग्री

पर्यटकीयस्थल लाङटाङ क्षेत्रका होटल सञ्चालन

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आएका छन्। जिल्लामा कोरोना संक्रमितको संख्या घटेसँगै त्यहाँ सञ्चालित होटल, लज तथा चियापसल सञ्चालनमा आएका हुन्।

नागरिक दैनिक

लाङटाङ पदमार्गका हाेटल भाेलिदेखि सञ्चालनमा आउने

रसुवा – लाङटाङ पदमार्गमा रहेका होटल आइतबारदेखि सञ्चालनमा आउने भएका छन् । रसुवामा कोरोना सङ्क्रमितको सङ्ख्या घटेकोले लाङटाङ पदमार्गमा रहेका होटल, लज तथा चिया पसल सञ्चालनमा आउन लागेको हो ।  रसुवामा कोरोना सङ्क्रमणको जोखिम बढ्दै गएपछि गोसाइँकुण्ड गाउँपालिका ४ को होटल व्यवसाय समितिको आग्रहमा गएको कात्तिक १८...

उज्यालो अनलाइन

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आउने

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आउने भएका छन्। जिल्लामा कोरोना संक्रमितको संख्या घटेसँगै त्यहाँ सञ्चालित होटल, लज तथा चियापसल सञ्चालनमा आउन लागेका हुन्।

नागरिक दैनिक

कोरोना संक्रमणको डरले लाङटाङका होटेल अनिश्चितकालका लागि बन्द

रसुवाको पर्यटकीय क्षेत्र लाङटाङका सबै होटेल अनिश्चितकालका लागि बन्द गरिएका छन् । सोमबार गोसाइँकुण्ड

नयाँ पत्रिका

पर्यटकीय क्षेत्र लाङटाङका होटेल अनिश्चितकालका लागि बन्द

रसुवाको पर्यटकीय क्षेत्र लाङटाङका सबै होटेल अनिश्चितकालका लागि बन्द भएका छन् । सोमबार गोसाइँकुण्ड

नयाँ पत्रिका

लाङटाङको प्रचारलाई साहित्य

पर्यटकीय क्षेत्र लाङटाङको प्रचारप्रसारका लागि ‘लाङटाङ साहित्यिक पदयात्रा’ सञ्चालन गरिएको छ ।पर्यटकीय क्षेत्र लाङटाङको प्रचार प्रसार गर्नुका साथै तीन वर्षअघि गएको भूकम्पका कारण गएको हिमपहिरोमा पुरिएर मृत्यु भएका व्यक्तिको सम्झना गर्न पदयात्रा सञ्चालन गरिएको हो।

नागरिक दैनिक

लाङटाङको प्रचारका लागि 'साहित्यिक पदयात्रा'

पर्यटकीय क्षेत्र लाङटाङको प्रचारप्रसारका लागि ‘लाङटाङ साहित्यिक पदयात्रा’ सञ्चालन गरिएको छ। पर्यटकीय क्षेत्र लाङटाङको प्रचार प्रसार गर्नुका साथै तीन वर्षअघि गएको भूकम्पका कारण गएको हिमपहिरोमा पुरिएर मृत्यु भएका व्यक्तिको सम्झना गर्न पदयात्रा सञ्चालन गरिएको हो।

नागरिक दैनिक