छोटकरीमा : यस हप्ता (अमेरिकी चुनाव )

अमेरिकी चुनावमा जो बाइडेनले बाजी मारेका छन् । उनी र उनको प्रतिद्वन्दी डोनाल्ड ट्रम्पको चुनाव अवधिभर के-कस्तो व्यवहार देखियो ? अमेरकी चुनावको सम्पूर्ण जानकारी यहाँ पाउनुहोस् ।



अमेरिकामा राष्ट्रपतीय निर्वाचन ३ नोभेम्बरमा हुँदै छ । अहिलेसम्मको सर्वेक्षणमा डमोक्रेटिकका प्रत्याशी जो बाइडेन डोनाल्ड ट्रम्पभन्दा अगाडि नै छन् । यसपटकको चुनावी अभियानमा रिपब्लिकन तथा डेमोक्रेटिकले विभिन्न शैलीमा प्रचारप्रसार गरेका थिए । मतदातालाई प्रभाव पार्न चुनावसँग सम्बन्धित सामग्री दुवै उम्मेदवारले प्रयोग गरेका छन् । 



अमेरिकी राष्ट्रपति डोनाल्ड ट्रम्पको 'स्पष्ट छ, हामीले यो चुनाव जित्यौं' भन्‍ने आधारहीन घोषणाले डेमोक्रेटिक राजनीतिज्ञहरुमा ठूलो तरंग पैदा गरेको छ । 

न्युयोर्कमा पुन: निर्वाचित हुने प्रक्षेपण गरिएकी अलेक्जान्ड्रिया ओकासियो-कर्तेजले ट्रम्पको दाबीलाई “अवैध, खतरनाक, र अधिनायकवादी” भनेर निन्दा गरेकी छन् । 



अमेरिकामा सम्पन्न राष्ट्रपतीय चुनावको मतपत्र गन्ती चलिरहेको छ । दुई प्रमुख उम्मेदवार डोनाल्ड ट्रम्प र जो वाइडेनबीच निक्कै कडा प्रतिस्पर्धा हुने देखिएको छ । ४१ राज्यको मतपरिणाम आइसक्दासमेत कसैको जित सुनिश्चित भएको छैन ।



अमेरिकामा सम्पन्न राष्ट्रपतीय चुनावको मत गणना जारी छ । बुधबार मध्यरातसम्मको मतपरिणामका आधारमा दुई प्रमुख उम्मेदवार डोनाल्ड ट्रम्प र जो बाइडेनबीच निक्कै कडा प्रतिस्पर्धा हुने देखिएको छ । ४४ राज्यको मतपरिणाम आइसक्दासमेत कसैको सुनिश्चित देखिएको छैन । 



डेमोक्रेटिक उम्मेदवार जो बाइडेनले अमेरिकी राष्ट्रपति निर्वाचनकै इतिहासमा सबैभन्दा बढी लोकप्रिय मत प्राप्त गरेका छन् । उनले सन् २००८ मा बाराक ओबामाले प्राप्त गरेको मतलाई पनि उछिनेका छन् ।

त्यतिबेला ओबामाले ६ करोड ९४ लाख ९८ हजार ५ सय १६ मत प्राप्त गरेका थिए । यस पटक जो बाइडेनले ७ करोड २० लाख (५०.४ प्रतिशत)भन्दा बढी मत प्राप्त गरेका छन् ।



 नोभेम्बर ३ मा भएको अमेरिकी निर्वाचनको अन्तिम मतगणना कहिले आउँछ भनेर विश्‍वको ध्यान केन्द्रित भएको छ । ४४ राज्यमा मतगणना सकिएको भए पनि मुख्य ६ वटा राज्यहरुको मतगणना जारी रहेको छ । 



। अमेरिकी राष्ट्रपति निर्वाचनमा रिपब्लिकन पार्टीका उमेदवार डोनाल्ड ट्रम्प र डेमोक्रेटिकका जो बाइडेन दुवैले आफूले अग्रता लिइरहेको दाबी गरिरहेका छन् । चुनावको अन्तिम परिणाम आउन बाँकी भए पनि दुवै पक्ष कानुनी लडाइँ लड्ने तयारीमा जुटेका छन् ।



अमेरिकी राष्ट्रपतिमा डेमोक्रेटिक उमेदवार जो बाइडेन विजयी भएका छन् । 

राष्ट्रपतिका रिपब्लिकन उमेदवार डोनाल्ड ट्रम्पलाई पराजित गर्दै बाइडेन आगामी चार वर्षका लागि अमेरिकी राष्ट्रपतिमा निर्वाचित भएका हुन् । 



 अमेरिकाका नवनिर्वाचित राष्ट्रपति जो बाइडेनले देशवासीका नाममा पहिलो सम्बोधन गरेका छन् । राष्ट्रपतिमा निर्वाचित भएपछिको पहिलो सम्बोधनमा उनले भने, “अमेरिकाका जनताले स्पष्ट जनादेश दिएका छन् । यो जित तपाईंको हो । हामीले ७.४ करोड भोट पाएका छौं । यति धेरै भोट आजसम्म कसैले पाएका थिएनन् ।”



 कमला ह्यारिस अमेरिकाकी उपराष्ट्रपतिमा चयन भएकी छन् । कमला ह्यारिस अमेरिकाकै पहिलो महिला उपराष्ट्रपति हुन् । उनले अमेरिकामा इतिहास रच्न सफल भएकी छन् ।

५६ वर्षीया कमला ह्यारिसको जन्म अमेरिकाको क्यालिफोर्नियामा भएको हो । 



 अमेरिकाको राष्ट्रपति पदमा जो बाइडेन विजयी भएका छन् । उनी विजयी भएसँगै अमेरिकामा खुसी मनाइएको छ । 

उनको समर्थनमा प्रदर्शनहरु गरिएका छन् । ले पनि बाइडेनको जितमा निकालिएको प्रदर्शनको तस्बिरहरु सार्वजनिक गरेको छ ।


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक