कोरोनाको उपचार जनता आफैँले गर्नुपर्ने, जनप्रतिनिधिलाई भने दशैं भत्ता? यी सांसदले गरे फिर्ता

काठमाडौं : कोरोना महामारीका बेलामा पनि जनप्रतिनिधिहरुले दशैं भत्ता बुझेको भन्दै आलोचना हुन थालेपछि संघीय संसदका सांसदहरुले भत्ता फिर्ता गर्न थालेका छन्। सरकारले कोरोनाको उपचार नागरिक आफैँले गर्नुपर्ने नियम ल्याएको र भत्ता पनि बाँडेको भन्दै विरोध भइरहेको छ। यसबीच केही सांसदहरुले परिस्थिति प्रतिकूल भएको भन्दै भत्ता नलिने घोषणा गरेका हुन्।

राष्ट्रिय सभाका अध्यक्ष गणेशप्रसाद तिमिल्सिना, नेपाल कम्युनिस्ट पार्टी (नेकपा) का सांसद भीम रावल, प्रतिपक्षी दल नेपाली कांग्रेसका सांसद गगन थापा, सांसद सूर्य पाठकले दशैं भत्ता वापतको रकम फिर्ता गर्न संसद् सचिवालयलाई आइतबार पत्र पठाएका छन्।

सचिवालयका प्रवक्ता रोजनाथ पाण्डेका अनुसार अध्यक्ष तिमिल्सिना र सांसद थापाले रकमसमेत फिर्ता गरेका छन्। रकम फिर्ताको पत्र पठाएका सांसदहरुको भत्ता आगामी तलबबाट कटौती गरिने पाण्डेले बताए।

सचिवालयले केही दिनअघि सांसदहरुले खाइपाइ आएको तलबमा दशैं भत्ता बापत् एक महिनाको रकम थपेर पठाएको थियो। यस विषयमा सर्वत्र टिकाटिप्पणी भइरहेको छ।

सांसद भीम रावलले आइतबार ट्वीटमार्फत फिर्ता गर्न आग्रह गरेका थिए। पछि उनले अर्को महिनाको पारिश्रमिकबाट रकम कटौती हुने जानकारी पाएको बताएका थिए।  

यता नेकपा सांसद जनार्दन शर्माले भने उक्त रकमबाट भेटिन्लेटर खरिद गर्न अनुरोध गरेका छन्। उनले आइतबार ट्वीटमार्फत् आफूले पाएको रकम पूर्व जनमुक्ति सेनालाई दिने घोषणा समेत गरेका छन्। उनले उक्त रकम कालिकोटका नरेन्द्रबहादुर बोहोरालाई दिने बताएका छन्।

‘कोरोनाको महामारी हाम्रो मुख्य समस्या हो। यस्तो बेला दशैं भत्ता सांसदलाई दिनु भन्दा भेन्टिलेटर किनौं’, शर्माले भनेका छन्, ‘दशैं भत्ता स्वरुप आएको रकम कालिकोटका पूर्व जनमुक्ति सेनाका योद्धा नरेन्द्र बोहरालाई भेन्टिलेटरमा राखी उपचार गर्नु परेकोले उहाँलाई हस्तान्तरण गर्दछु।’

उता, नेकपाका अर्का सांसद देवेन्द्र पौडेलले भत्ता बापत् पाएको रकम बाढी पीडितलाई हस्तान्तरण गर्ने घोषणा गरेका छन्।

उनले फेसबुकमा लेखेका लेखेका छन्, ‘मलाई दशैं भत्ता स्वरुप आएको रकम भुजीखोला बाढी पीडितलाई हस्तान्तरण गर्नेछु।’

नेकपाका प्रवक्ता समेत रहेका राष्ट्रिय सभा सदस्य नारायणकाजी श्रेष्ठले भने यसअघि नै तलब भत्ता नलिने घोषणा गरिसकेका छन्।

यस्तै, नेपाली कांग्रेसका सांसद बालकृष्ण खाणले पनि रकम फिर्ता गर्न माग गरेका छन्।

सम्बन्धित सामग्री

नेकपा र कांग्रेस सांसदको दसैं भत्ता कोरोना कोषमा

३ कात्तिक, काठमाडौं । चौतर्फी आलोचनापछि सत्तारुढ नेपाल कम्युनिस्ट पार्टी (नेकपा) र प्रमुख प्रतिपक्षी नेपाली कांग्रेसले आफ्ना सांसदहरुको दसैं भत्ता कोरोना रोकथाम, नियन्त्रण तथा उपचार कोषमा जम्मा गर्ने भएका छन् । महामारीका बेला सांसदहरुले दसैं भत्ता …

अनलाइनखबर

कांग्रेसका सांसदले दसैँ भत्ता बापतको रकम कोरोना कोषमा जम्मा गर्ने

३ कात्तिक, काठमाडौं । प्रमुख प्रतिपक्षी दल नेपाली कांग्रेसले संघीय संसदमा प्रतिनिधित्व गर्ने आफ्ना सबै सांसदहरुले दसैँ भत्ता बापत पाउने रकम फिर्ता गर्ने भएको छ । यसअघि सोमबार बिहान नेपाली कांग्रेसका सभापति शेरबहादुर देउवाले दशैं भत्ता …

अनलाइनखबर

दसैँ भत्ता : संघीय सांसदले छोडेनन्, प्रदेश सांसदले लिएनन्

३ कात्तिक, विराटनगर । कोरोना महामारीले देश आक्रान्त भइरहेको अवस्थामा संघीय सांसदले दसँं भत्ता बुझे । महामारीमा भत्ता बुझेको भन्दै आलोचना हुन थालेपछि सांसदहरुले भत्ता फिर्ता गरिरहेका छन् । संघीय सांसद भत्ता विवादमा मुछिदा प्रदेश १ …

अनलाइनखबर

सरकारले सांसदलाई पनि आफूजस्तै बदनाम गराउन खोज्यो : प्रकाशमान

३ कात्तिक, काठमाडौं । नेपाली कांग्रेसका नेता प्रकाशमान सिंहले एकातिर जनतालाई पीसीआर परीक्षण समेत आफ्नै खर्चमा गर भन्ने र अर्कोतिर संघीय सांसदहरुलाई दशैंभत्ता दिने सरकारी निर्णय निन्दनीय भएको बताएका छन् । सांसदहरुको खातामा दशैंभत्ता पठाइदिएर सरकारले …

अनलाइनखबर

सांसदहरुले भन्न थाले- दशैं भत्ता लिन्नौं

२ कात्तिक, काठमाडौं । कोरोना संकटको समयमा पनि दशैं भत्ता लिएको भनी सर्वत्र आलोचना हुन थालेपछि सांसदहरुले भत्ता नलिने घोषणा गर्न थालेका छन् । नेकपाका प्रवक्ता नारायणकाजी श्रेष्ठले यस अगाडि नै भत्ता नलिने घोषणा गरिसकेका छन् …

अनलाइनखबर