छोटकरीमा : आज - २०७७ असोज २६, सोमबार

आज देशभर कोरोना नियन्त्रणको लागि के-कस्ता माग एवं निर्णयहरू भए ? कोरोना भाइरसको पछिल्लो वस्तुस्थिति थाहा पाउनुहोस्। मुलुक एवं मुलुकबाहिर के-कस्ता राजनीतिक, आर्थिक, न्यायीक एवं शैक्षिक गतिविधिहरू भए ? एकसाथ एकैठाउँमा सम्पूर्ण खबरहरू पढ्नुहोस्।



सोमबार ४,०४७ जना थपिएसँगै नेपालमा कोरोना संक्रमितको कुल संख्या १,११,८०२ पुगेको छ भने मृत्यु हुनेको संख्या ६४५ पुगेको छ। हालसम्म नेपालमा ७७,२७७ जना कोरोना संक्रमित निको भएका छन्।

=> PCR Tests Today: १४,५३० => Recovered Today: १,४७३

सम्बन्धित :

  • पछिल्लो २४ घण्टामा काठमाडौं उपत्यकामा थप दुई हजार २८३ जना कोरोना संक्रमित देखिएका छन् । काठमाडौंमा एक हजार ८ सय ८८, ललितपुरमा २ सय ७७ र भक्तपुरमा १ सय १८ जना संक्रमित देखिएको बताएका हुन् ।
  • कोरोना संक्रमणबाट २४ घण्टामा थप ९ जनाको मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । मृतकमा २ जना महिला र ७ जना पुरुष रहेको मन्त्रालयका प्रवक्ता डा जागेश्वर गौतमले बताए ।


कोरोना भाइरसको संक्रमणबाट केही दिन पहिले मात्रै मुक्त भएका र अहिले पनि आइसोलेसनमा रहेका कांग्रेस सांसद श्रेष्ठले दसैं र तिहार निजिकिँदै गएको अवस्थामा सरकारले कडा लकडाउनको घोषणा नगर्ने हो भने काठमाडौंबाट कोरोना भाइरसको संक्रमण गाउँगाउँमा जाने बताए । अहिले लकडाउन गर्ने उपयुक्त बेला भएको सांसद श्रेष्ठको सुझाव थियो । 



सरकारले पहिलेकैजस्तो मुलुकव्यापी लकडाउनको सम्भावना नरहेको बताएको छ। यद्दपी कोरोना नियन्त्रणक विकल्पहरूको खोजी भइरहेको र कात्तिक १ गतदेनि सेवाग्राहीहरूको घुइँचो लाग्ने सरकारी कार्यालय बन्द गर्ने की भन्ने सोचाइसम्म आफू पुगेको बताएको छ।



सरकारले काठमाडौं उपत्यकाका सम्पूर्ण सरकारी अस्पताललाई कोभिड अस्पतालमा रूपान्तरण गर्ने निर्णय गरेको छ। तत्कालीन अवस्थामा आकस्मिकबाहेकका नियमित शल्यक्रिया रोक्न निर्देशन दिँदै सरकारले सो निर्णय लिएको हो।



कोरोना संक्रमण देखिएर होम आइसोलेसनमा बसेका मैतिदेविका ४७ वर्षीया पुरुषलाई अचानक शनिबार बेलुका ज्वरो र श्वास फेर्न गाह्रो भयो । ती पुरुष होम आइसोलेसनमा बसेको ७ औं दिनमा उक्त समस्या देखिएको थियो । 

उनका आफन्तले अस्पताल लैजान वीर अस्पतालमा फोन गरे । तर बेड खाली छैन भन्‍ने जवाफ आयो । त्यसपछि पुन शुक्रराज ट्रपिकल तथा सरुवा रोग अस्पताल,त्रिवि शिक्षणअस्पताल महाराजगञ्ज,ललितपुरको पाटन अस्पतालमा फोन गरे तर एउटै जवाफ आयो वेड खाली छैन् । 



गत भदौसम्म कोरोनाको ‘हटस्पट’ बनेको पर्सा जिल्लामा अझै पनि भेला, सभा सम्मेलन गर्न स्थानीय प्रशासनले रोक लगाएको छ । कोरोना महामारीको उच्च जोखिम कायमै रहेकाले भौतिक दूरी, मास्क र बेलाबेला हात धुन प्रशासनले अनुरोध गर्दै आएको छ । तर, जनता समाजवादी पार्टी (जसपा)को केन्द्रीय नेताहरुको उपस्थितिमा सोमबार सयौंको उपस्थितिमा जिल्लाका दुई स्थानमा बृहत पार्टी प्रवेश तथा नेपालीहरुको दसैं, तिहार र छठको शुभकामना आदानप्रदान कार्यक्रम सम्पन्न भएको छ 



विराटनगरमा नेपाल-भारत सीमाको ढाट खुलेको छैन । मालबाहक गाडी र प्रक्रिया पुर्‍याएर आउने-जाने नागरिकबाहेकलाई आउजाउमा पूर्णत: बन्देज लगाइएको छ । तर, दसैंको बहाना बनाएर सुरक्षाकर्मीको आँखा छल्दै खुला सिमाना र छोटी नाकाबाट सुटुक्क भारतको जोगबनी गइ किनमेल गर्ने क्रम भने बढेको पाइएको छ । यसले कोरोनाको हटस्पट बनेको बिहार क्षेत्रबाट प्रदेश १ को राजधानी विराटनगर र ग्रामीण भेगमा समेत संक्रमण अझ फैलने जोखिम बढेको छ ।



 चीनले हुम्लासँग जोडिएको नेपाली भूमि मिचेको नेपाली कांग्रेसले आरोप लगाएको छ । कांग्रेस केन्द्रीय सदस्य एवं कर्णाली प्रदेशसभा प्रमुख प्रतिपक्षी दलका नेता जीवनबहादुर शाही नेतृत्वको टोलीले विवादित क्षेत्रको स्थलगत अनुगमन गरी प्रतिवेदन सार्वजनिक गरेको हो । उनको यो प्रतिवेदन र भनाइमा सरकारको प्रतिक्रिया आउन बाँकी छ ।



नेकपा कर्णाली प्रदेश सभा दलका प्रमुख सचेतक गुलावजंग शाहलाई जिम्मेवारीबाट हटाइएको छ ।

कर्णाली प्रदेशका मुख्यमन्त्री एवं नेकपा प्रदेश सभा दलका नेता महेन्द्रबहादुर शाहीले उनको काम सन्तोषजनक नभएको भन्दै जिम्मेवारीमुक्त गरेका हुन् ।

सम्बन्धित :

  • सत्तारूढ नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले कर्णाली प्रदेशको पार्टी विवाद मिलाउन प्रधानमन्त्री एवम् अर्का अध्यक्ष केपी शर्मा ओलीलाई आग्रह गरेका छन्। कर्णाली प्रदेशका १८ सांसदले मुख्यमन्त्री महेन्द्रबहादुर शाहीविरूद्ध अविश्वासको प्रस्ताव दर्ता गरेका छन्। तत्कालीन एमाले र माओवादी एकताअघि मुख्यमन्त्री भागवण्डा हुँदा कर्णाली प्रदेश माओवादीको भागमा परेको थियो। 


राजश्व अनुसन्धान विभागले भारतीय नागरिक सुनिल सोनीविरूद्ध दुई अर्ब ३९ करोड ५५ लाख १५ हजार ९४३ रुपैयाँ बिगो माग गर्दै मुद्दा दायर गरेको छ। उनलाई सो बराबरको बिगो असुल, जरिवाना र कैद सजाय मागदाबी लिएर सोमबार उच्च अदालत तुलसीपुरमा मुद्दा दायर गरिएको राजश्व अनुसन्धान विभागले जनाएको छ। 



जनता समाजवादीका नेता एवं पूर्व प्रधानमन्त्री बाबुराम भट्टराईले ठूला पार्टीका अध्यक्षले गरेको भ्रष्टाचारबारे आफूले बोलेपछि ठूलो कम्पन आएको बताएका छन् । सोमबार पर्सामा आयोजित पार्टी प्रवेश तथा शुभकामना आदान प्रदान कार्यक्रममा उनले अर्बौंको घोटाला भएको दावी दोहोर्‍याए । 



 नेपाल वायुसेवा निगमका नवनियुक्त महाप्रबन्धक डिम प्रसाद पौडेलले पदभार ग्रहण गरेका छन् । पौडेललाई सरकारले ४ वर्षका लागि निगमको महाप्रबन्धकमा नियुक्त गरेको छ । चाटर्ड एकाउन्टेन्टका साथै व्यवस्थापन विज्ञका रुपमा परिचित पौडेल यसअघि निगम सञ्‍चालक समितिको सदस्य थिए ।



प्रहरीले त्रिभुवन विश्वविद्यालयका उपप्राध्यापक प्रेम चलाउनेलाई आक्रमण गर्ने दुई जनालाई पक्राउ गरेको छ । पक्राउ पर्नेमा सिरहा गोलबजारका २३ वर्षीय रुपेश साह र सिरहाकै २४ वर्षीय रवीनकुमार लामा छन् ।

महानगरीय प्रहरी परिसरका प्रवक्ता सोमेन्द्रसिंह राठौरले उपप्राध्यापक चलाउनेलाई आक्रमण गरेर फरार रहेका साहलाई कोटेश्वर र लामालाई सिरहाबाट पक्राउ गरिएको जानकारी दिए ।



जाजरकोटको भेरी नगरपालिका– ४ का २१ वर्षीय युवा नवराज विकसहित ६ जनाको गत १० जेठमा हत्या अभियोगमा जिल्ला अदालतको आदेशउपर उच्च अदालत सुर्खेतमा परेको निवेदनमा घटनामा संग्लन रहेका आरोपितलाई छाड्ने विषयमा दुई न्यायाधीशबीच राय बाझिएको छ । मुख्यन्यायाधीश कुमाल चुँडाल र न्यायाधीश सुदर्शनदेव भट्टबीच राय बाझिएको हो । 



सार्वजनिक जग्गामा सरकारी संरचना निर्माण गर्न थालेपछि रामेछापका दुई वटा कार्यालय भवनको निर्माण कार्य रोक्न स्थानीय प्रशासनले निर्देशन गरेको छ । वाग्मती प्रदेश सरकारअन्तर्गत जिल्ला पूर्वाधार कार्यालय र खानेपानी डिभिजन कार्यालयका भवनहरुको ठेक्का भई निर्माण थालिएको थियो । 



चीनसँगको अन्तर्राष्ट्रिय व्यापारिक नाका रसुवागढीमा सशस्त्र प्रहरी बोर्डर आउट पोस्ट (बिओपी) स्थापना गरिएको छ । तत्कालीन सशस्त्र प्रहरी बल नेपाल नम्बर २१ गुल्म (राजस्व भन्सार सुरक्षा गुल्म) खारेज भएसँगै सशस्त्र प्रहरी बोर्डर आउट पोस्ट (बिओपी) स्थापना भएको हो



कोरोना संक्रमण फैलन सक्ने भन्दै ओखलढुंगाको सुनकोसी गाउँपालिकाले यस वर्ष दसैँमा पिङ खेल्न प्रतिबन्ध लगाएको छ । 

पिङमा भिडभाड हुने भएकाले महामारी फैलन सक्ने सम्भावना रोक्न जमघट हुने कार्यक्रम गर्न नदिने निर्णय गरिएको गाउँपालिका अध्यक्ष रुद्रप्रसाद अधिकारीले बताए । 



आफूले तोकेको प्रकाशनगृहको पाठ्यपुस्तक प्रयोग नगरेको बताउँदै निजी तथा आवासीय विद्यालय अर्गनाइजेसन, नेपाल (प्याब्सन) धनगढी नगर समितिले विद्यालयहरूबाट जरिवाना असुल्न थालेको छ । नगर समितिले पत्र पठाउँदै तोकिएका पाठ्यपुस्तक प्रयोग नगर्ने प्याब्सन आबद्ध निजी विद्यालयलाई १० देखि ५० हजार रुपैयाँ जरिवाना तिर्न निर्देशन दिएको छ ।



 यस वर्षको अर्थशास्त्रतर्फको नोबेल पुरस्कार अर्थशास्त्रीद्वय पल आर मिलग्रोम र रोबर्ट बी विल्सनलाई संयुक्त रुपमा दिइने भएको छ। उनीहरुलाई ‘लिलामीको सिद्धान्तमा सुधार र लिलामीको नयाँ विधिको विकास’ गरेको भन्दै सो पुरस्कार दिइएको रोयल स्विडि एकेडेमी अफ साइन्सेजले एकेडेमीले जनाएको छ।



चीनको चिङ्दाओ सहरमा बस्ने सबैजनाको कोरोना परीक्षण गरिने भएको छ । आइतबार १२ जनामा कोरोना भाइरसको संक्रमण पुष्टि भएपछि उक्त सहरमा रहेका करिब ९० लाख नागरिकको कोरोना परीक्षण हुने भएको हो ।



अस्ट्रेलियाका अनुसन्धादाताले कोरोना भाइरस नोट, सिसा र स्टिलमा २८ दिनसम्म बाँच्ने तथ्य पत्ता लगाएको दाबी गरेका छन् । सोमबार उनीहरुले कोभिड–१९ को बिरामी बनाउने कोरोना भाइरस बैंक नोट, स्टिल र सिसामा २८ दिनसम्म बाँच्न सक्ने बताउँदै सरसफाइ र हात धुने कुरामा विशेष ध्यान दिनुपर्ने बताएका हुन् । 



अमेरीकी निर्वाचनमा बेलायतले अग्रपंक्तिमा रहेका ठानिएका बाइडेनलाई समर्थन गर्ने समाचार प्रकाशमा आएको छ । प्रधानमन्त्री बोरिस जोन्सन समूहले ट्रम्प पुनः निर्वाचित हुने सम्भावना न्यून भएपछि बाइडेनलाई पछ्याउन सुरु गरेको बेलायती अखबार डेली मेलले दाबी गरेको छ ।



लिबियामा अपहरणमा परेका सातजना भारतीय नागरिक २७ दिनपछि अपहरणमुक्त भएका छन् । ट्युनिसियाका लागि भारतीय राजदूतका अनुसार अपहरणमा परेका उनीहरूलाई अपहरणकारीले आइतबार मुक्त गरिदिएका हुन् । 

उनीहरू लिबियाको आसेरिफ भन्ने ठाउँबाट गत १४ सेप्टेम्बरमा अपहरणमा परेका थिए । उनीहरू भारतको आन्ध्र प्रदेश, बिहार, गुजरात र उत्तर प्रदेशका नागरिक भएको उनले जानकारी दिए ।



अमेरिकाका उच्च सरकारी वैज्ञानिक तथा सरुवा रोग विशेषज्ञ डा. एन्थोनी फाउचीले आफूले फरक सन्दर्भमा बोलेको कुरालाई गलत सन्देश जाने गरी सम्पादन गरी राष्ट्रपति डोनाल्ड ट्रम्पको चुनावी अभियानमा प्रयोग भएको बताएका छन् ।

ट्रम्पको चुनावी अभियानले बनाएको ३९ सेकेण्डको विज्ञापनमा डा. फाउचीले ‘अरु कसैले यति राम्रो गरेको कल्पना गर्न सक्दिन’ भन्दै गरेको सुनिन्छ र सो कुरा कोरोना भाइरसविरुद्धको अभियानमा ट्रम्पका लागि लागु हुने गरी प्रयोग भएको छ ।



पाकिस्तानका प्रधानमन्त्री इमरान खानको सरकार विरूद्ध पाकिस्तानका विपक्षी दलहरू यतिबेला एकजुट भएका छन्।आफू विरूद्ध एकजुट भएका विपक्षी दलहरूको एकतालाई इमरान खानले 'डाँकुहरूको एकता' बताएका छन्।

असोज ५ गते पाकिस्तानका पत्रकार सम्मेलन गर्दै विपक्षी दलहरूले गठबन्धनको घोषणा गर्दै इमरानको राजीनामा माग गर्दै उनीविरूद्ध आन्दोलन गर्ने घोषणा गरेका थिए। 


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक