भारत-चीन सीमा विवाद : अमेरिकाले भन्यो- चीनसँग वार्ता गर्नुको कुनै फाइदा छैन

नयाँदिल्ली । अमेरिकाको राष्ट्रिय सुरक्षा सल्लाहकार रोबर्ट ओब्रायनले वार्ताका माध्यमबाट चिनियाँ कम्युनिस्ट सरकारले अंगीकार गरेको बाटो परिवर्तनका लागि मनाउन र बाध्य पार्न नसकिने समय आइसकेको बताएका छन् ।

भारत-चीन सीमा विवादबारे प्रतिक्रिया दिँदै अमेरिकी राष्ट्रिय सुरक्षा सल्लाहकार ओब्रायनले वार्ता वा आपसी सहमतिका माध्यमबाट चीनले अंगीकार गरेको बाटो परिवर्तनका लागि मनाउन र बाध्य पार्न नसकिने समय आइसकेको बताएका हुन् ।

टाइम्स अफ इन्डियाको पहिलो पृष्ठमा प्रकाशित समाचारअनुसार ओब्रायनले चीनको आक्रामक कदमको जवाफ दिनका लागि उसको सामना गर्न आवश्यक रहेकोतर्फ संकेत गर्दै यस्तो टिप्पणी गरेका हुन् । आफ्नो प्रभुत्व बढाउने चीनको प्रयासतर्फ संकेत गर्दै उनले भनेका छन्, “पिपुल्स रिपब्लिक अफ चाइनालाई वार्ता र सहमतिका माध्यमबाट न सहमत गराउन सकिन्छ र न बाध्य गर्न सकिन्छ भन्‍ने बेला आइसकेको हामीले स्वीकार गर्नुपर्छ । यसरी चुप लागेर बस्‍दा केही हासिल हुन्‍नँ । लामो समयदेखि हामी यही गर्दै आएका छौं ।”

ओब्रायनले भारत-चीन सीमामा चीनले शक्ति प्रयोग गरेर लाइन अफ एक्चुअल कन्ट्रोल (एलएसी) मा कब्जा गर्नका लागि गरिरहेको प्रयासबाट उसको आक्रामकता स्पष्ट देखिएको पनि बताए । आइतबार लद्दाखमा भारत र चिनियाँ कमान्डरहरुका बीचमा वार्ता हुन गइरहेका बेला अमेरिकाको यस्तो धारणा आएको हो । अक्टोबर २६ र २७ मा नयाँ दिल्लीमा भारत र अमेरिकाका विदेशमन्त्रीहरु र रक्षा मन्त्रीहरुको ‘टू प्लस टू’ बैठक हुन गइरहेको छ ।

यसलाई मध्यनजर गर्दै अमेरिकी राष्ट्रिय सुरक्षा सल्लाहकार ओब्रायनको बयानलाई अत्यन्तै महत्त्वपूर्ण मानिएको बीबीसीले जनाएको छ । यसअघि अमेरिकी विदेशमन्त्री माइक पोम्पियोले भारतको उत्तरी सीमामा चीनले  ६० हजार सैनिक तैनाथ गरेको बताएका थिए ।

सम्बन्धित सामग्री

अमेरिकी सरकारले चीनबाट आउने सामग्रीमा थप प्रतिबन्ध लगाओस्ः ट्रम्प

वासिङटन-कार्यालयको समय केही दिन मात्रै बाँकि रहदा अमेरिकी राष्ट्रपति डोनाल्ड ट्रम्पले बेइजिङ बिरुद्ध अर्को कदम उठाएका छन् । उनले सरकारी निकायहरुलाई चिनियाँ सामग्री र सेवाहरुको खरिदलाई कम गर्ने प्रयास अगाडि बढाउन आदेश दिएका छन् ।राष्ट्रिय सुरक्षा सल्लाहकार रोबर्ट ओब्राइनले गरेको घोषणामा कानुन र नियमन तथा सम्भावित कार्यकारी कदम समीक्षा गर्ने विषय उल्लेख गरेका छन् । […]

कारोबार दैनिक

भारतले यसकारण चीनसँग लडाइँकै तयारी गर्न आवश्यक छ : अमेरिका

अमेरिकाका राष्ट्रिय सुरक्षा सल्लाहकार रोबर्ट ओ ब्रायनले चीन सहमतिमा आउने सम्भावना नरहेकाले भारत लडाइँका लागि तयार रहनुपर्ने चेतावनी दिएका छन्।

नागरिक दैनिक

ट्रम्पका सुरक्षा सल्लाहकारलाई कोरोना संक्रमण पुष्टि

१३ साउन, काठमाडौं । अमेरिकी राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओब्रियनलाई कोरोना संक्रमण पुष्टि भएको छ । अमेरिकाको राष्ट्रपति कार्यालय ह्वाइट हाउसले उनलाई कोरोना संक्रमण भएको पुष्टि गरेको हो । ५४ वर्षीय ओब्रियन अहिले …

अनलाइनखबर

ट्रम्पका सुरक्षा सल्लाहकारलाई कोरोना संक्रमण

अमेरिकी राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओ ब्रायनलाई कोरोना संक्रमण पुष्ट  भएको छ।  उनी कोरोना पोजिटिभ भएका ट्रम्प प्रशासनका अहिलेसम्मकै उच्च अधिकारी हुन्। उनी गत सातादेखि घरमै बसेर काम गरिरहेका थिए। कोरोनाबाट विश्वमै सबैभन्दा बढी प्रभावित अमेरिकामा संक्रमितको संख्या ४२ लाख ८६ हजार ...

थाहा खबर

ट्रम्पका सुरक्षा सल्लाहकारलाई कोरोना

१२ साउन, काठमाडौं । अमेरिकी राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओब्रायनलाई कोरोना संक्रमण पुष्टि भएको छ । अमेरिकी सञ्चारमाध्यमका अनुसार उनमा कोरोना संक्रमण पुष्टि भएको जनाएको हो । व्हाइट हाउसका विशिष्ट श्रेणीका अधिकारीमा कोरोना …

अनलाइनखबर

अमेरिकी कोसँग बढी प्रभावित छन्, ट्रम्प वा ओबामा ?

अमेरिकाका वर्तमान राष्ट्रपति डोनाल्ड ट्रम्प वा पूर्वराष्ट्रपति बाराक ओबामा फेरि एकपटक आमनेसामने भएका छन्, तर यो वर्ष कोही विजेता र कोही पराजित भएका छैनन् । दुवैबीचको मुकाबिला बराबरी रहेको छ । एक अमेरिकी एजेन्सीले गरेको सर्भेमा डोनाल्ड ट्रम्प र बाराक ओबामा सर्वाधिक प्रशंसनीय व्यक्तिको सूचीमा बराबारीमा आएका छन् । यो सूचीमा बाराक ओबामा लगातार रहँदै आएका थिए भने डोनाल्ड ट्रम्पले उनलाई यसपटक टक्कर दिएका छन् ।

कारोबार दैनिक

अमेरिकी विमान वाहक डुबाइदिने इरानी चेतावनी

एक वरिष्ठ इरानी रिभोलुसनरी गार्डका कमान्डरले पर्सियन खाडीमा अमेरिकी विमान वाहक (एयरक्राफ्ट क्यारियर) गम्भिर चुनौती भएको र यसलाई निशाना बनाउने चेतावनी दिएको इरानी स्टुडेन्ट्स न्युज एजेन्सीले जनाएको छ ।

कारोबार दैनिक