छोटकरीमा : आज - २०७७ असोज ०९, शुक्रबार

आज देशभर कोरोना नियन्त्रणको लागि के-कस्ता माग एवं निर्णयहरू भए ? कोरोना भाइरसको पछिल्लो वस्तुस्थिति थाहा पाउनुहोस्। मुलुक एवं मुलुकबाहिर के-कस्ता राजनीतिक, आर्थिक,न्यायीक एवं शैक्षिक गतिविधिहरू भए ? एकसाथ एकैठाउँमा सम्पूर्ण खबरहरू पढ्नुहोस्।



शुक्रबार १,३१३ जना थपिएसँगै नेपालमा कोरोना संक्रमितको कुल संख्या ७०,६१४ पुगेको छ भने मृत्यु हुनेको संख्या ४५९ पुगेको छ।

हालसम्म नेपालमा ५१ ८६६ जना कोरोना संक्रमित निको भएका छन्।

=> PCR Test Today : १२,२६२ => Recovered Today : १,४५५

सम्बन्धित :

  • हालसम्म सक्रिय संक्रमित भने १८ हजार दुई सय ८९ जना रहेका छन् भने संक्रमित निको हुने दर ७३.४ प्रतिशत पुगेको छ। संक्रमितमध्ये दुई सय २७ जनाको आइसियू र ३९ जनाको भेन्टिलेटरमा उपचार भइरहेको जनाइएको छ।
  • काठमाडौं उपत्यकामा शुक्रबार थप ६ सय ४५ जनामा कोरोना संक्रमण देखिएको छ। स्वास्थ्य तथा जनसंख्या मन्त्रालयका अनुसार उपत्यकाको काठमाडौं जिल्लामा पाँच सय तीन, ललितपुरमा ९१ र भक्तपुरमा ५१ जनामा संक्रमण देखिएको हो। 
  • २४ घन्टाभित्र कोरोना संक्रमणबाट थप ६ जनाको निधन भएको छ। मोरङमा एक पुरुष र एक महिला गरी दुईजनाको मृत्यु भएको छ । त्यसैगरी काठमाडौं र कपिलवस्तुमा एक–एक महिलाको मृत्यु भएको हो। ललितपुर र सप्तरीमा एक–एक पुरुषको मृत्यु भएको हो।
  • काठमाडौं र ललितपुरका तीनजना मेयर–उपमेयरलाई कोरोना संक्रमण पुष्टि भएको छ। ललितपुर र गोदावरी नगरपालिकाका मेयर तथा काठमाडौंको नागार्जुन नगरपालिकाकी उपमेयरलाई शुक्रबार संक्रमण पुष्टि भएको हो। 


कोरोना नियन्त्रणको समबन्धमा माग एवं निर्णयहरू :

  • प्रदेश कोरोना संकट व्यवस्थापन केन्द्रले चाडपर्वको समयमा नेपाल–भारत आवतजावत निरुत्साहित निर्णय गरेको । मुख्यमन्त्री शंकर पोखरेलको अध्यक्षतामा शुक्रबार बसेको बैठकले कोरोना संक्रमणको उच्च जोखिमलाई मध्यनजर गर्दै चाडपर्वका बेला नेपाल र भारतबीच हुने छोटो अवधिको आवतजावतलाई नियन्त्रण तथा निरुत्साहित गर्ने निर्णय गरेको हो।
  • केही दिनयता विद्युत् वितरण प्रणालीमा देखिएको समस्या तत्काल समाधान गर्न ऊर्जा, जलस्रोत तथा सिँचाइमन्त्री वर्षमान पुनले नेपाल विद्युत् प्राधिकरणलाई निर्देशन दिएका छन्। उनले प्राधिकरणका निमित्त कार्यकारी निर्देशक लेखनाथ कोइरालासहित आधा दर्जन उपकार्यकारी निर्देशकहरूलाई बिहीबार मन्त्रालयमा बोलाएर यस्तो निर्देशन दिएका हुन्।  


मन्त्रिपरिषदले एसिडको दुरुपयोग र यसबाट हुने अपराधसम्बन्धी छुट्टै अध्यादेश पारित गर्दै एसिड छ्यापेर कसैको मृत्यु भएमा जन्मकैद र घाइते, अंगभंग वा शरीरका कुनै अंगमा क्षति पुऱ्याए २० वर्ष कैद र १० लाख क्षतिपूर्ति भराउने गरी मन्त्रिपरिषद्ले अध्यादेश पारित गरेको हो।

नयाँ कानुनअनुसार एसिड अपराधमा संलग्नलाई कसुरको नेगेटिभ सूचीमा राखेर सजाय माफी मिनाहा नहुने व्यवस्था गरिएको छ। नयाँ कानुनमा आक्रमणकारीको सम्पत्ति रोक्का राखेर पीडितलाई क्षतिपूर्ति भराउने प्रावधान पनि छ।



लोक सेवा आयोगले कोरोना कहरका कारण स्थगित भएका परीक्षा सुचारु गर्ने भएको छ। आयोगले अधिकृतको १८ कात्तिकदेखि तथा नासुको ७ मंसिरदेखि लिखित परीक्षा सुचारु गर्ने मनाशय सहित परीक्षा तालिका सार्वजनिक गरेको छ। 



नेपाल विज्ञान तथा प्रविधि प्रज्ञा प्रतिष्ठान (नाष्ट)ले ‘युवा वैज्ञानिक फोरम’ स्थापना गरेको छ। विज्ञान, प्रविधि र नवप्रवर्तनको क्षेत्रमा युवाहरूलाई सहयोग, सहकार्य र प्रोत्साहन गर्नका लागि राष्ट्रियस्तरको साझा फोरम स्थापना गरिएको हो।

सम्बन्धित :

  • सरकारले ६ सय ३७ वटा स्थानीय तहमा प्राविधिक शिक्षालय खोलेको छ। ०७४ को निर्वाचनपछि प्रधानमन्त्री केपी शर्मा ओलीले मन्त्रिपरिषद्को पहिलो बैठकबाट सबै स्थानीय तहमा दुई वर्षभित्र प्राविधिक शिक्षालय स्थापना गर्ने निर्णय गरेका थिए।
  • शिक्षा, विज्ञान तथा प्रविधिमन्त्री गिरिराजमणि पोखरेलले सरकारले प्रविधिमैत्री ढंगले कक्षा र परीक्षा सञ्चालन गर्न बाटो खुला गरेको बताएका छन्। ‘संकटको वेला सिकाइलाई अवरुद्ध पार्नुहुन्न, वैकल्पिक पद्धतिबाट भएपनि सिकाइ र सिर्जनात्मक अभ्यासलाई निरन्तरता दिनुपर्छ, यसका लागि संघले मात्रै हाेइन, प्रदेश र स्थानीय तहले पनि सहजीकरण गरेका छन्,’ मन्त्री पोखरेलले भने। 




बाढी-पहिरो अपडेट :

  • लगातारको झरीले सप्तरीका खोलाहरूमा बहाव बढेपछि तटीय बस्तीहरू जोखिममा परेका छन्। जिल्लाका खाडो, महुली, बलान, त्रियुगा, जितालगायत नदी–खोलामा बाढी आएको छ।
  • रम्भा गाउँपालिका-२ फोक्सिङकोटमा पहिरोमा परि बेपत्ता भएका ५ जनामध्ये शुक्रबार दिउँसो ३ जनाकाे शव भेटिएको छ। बिहीबार बिहान पहिरोले घर पुरिँदा ५ जना बेपत्ता भएका थिए। 
  •  शीतगंगा नगरपालिका–१२ स्थित कोठिया मैदानको जोख्ले गैरा गाउँका पहिरोले बगाएका १७ घरका सबै परिवार सकुशल रहेका छन्। पहिरो क्षेत्रमा खोजी गर्दा १७ घरका ९९ जना सम्पर्कमा आएपछि मानवीय क्षति नभएको प्रहरी नायब उपरीक्षक माधव बुढाथोकीले बताए।
  • हिमाली जिल्ला मनाङ जोड्ने एक मात्र बेंसीसहर–चामे सडक पहिरोले अवरुद्ध भएको छ। निरन्तरको वर्षाले लमजुङतर्फका विभिन्न ठाउँमा पहिरो जाँदा सडक अवरुद्ध भएको हो। बेंसीसहर नगरपालिका– ६ को खरखरेभिर, मर्स्याङ्दी गाउँपालिका– ४ को घोप्टेभिरलगायतको ठाउँमा पहिरो गएको छ।


गृहमन्त्री रामबहादुर थापा सशस्त्र प्रहरीको गुल्म शिलान्यास गर्न व्यास गाउँपालिकाको छाङरु प्रस्थान गरेका छन्। उनी नेपाली सेनाको हेलिकप्टरमार्फत शुक्रबार दिउँसो उक्त क्षेत्र गएका हुन्।



विगत चार दशकभन्दा लामो समयदेखि लागुऔषध कारोबारमा संलग्न काठमाडौं सीतापाइलाका देवेन्द्रविक्रम रोका छपालीले लागुऔषध कारोबारबाटै करिब एक अर्ब अवैध सम्पत्ति आर्जन गरेको दाबीसहित विशेष अदालतमा मुद्दा दायर भएको छ। उनको सबै नगद र घरजग्गा जफतको मागसहित सम्पत्ति शुद्धीकरण अनुसन्धान विभागले बुधबार मुद्दा दायर गरेको हो।



जिल्ला प्रशासन कार्यालय सल्यानले बिहीबार एक सूचना प्रकाशन गरी शैक्षिक संस्था सञ्चालन तथा सभा सम्मेलन गर्न प्रतिबन्ध लगाएको छ। जिल्ला सदरमुकामलगायत विभिन्न स्थानमा तीव्र रुपमा कोरोना संक्रमण फैलिँदै गएपछि प्रशासनले शैक्षिक संस्था सञ्चालन तथा सभा सम्मेलनमा रोक लगाएको हो।



दुई दिनको प्रयासपछि जिल्लाको सिरिजंघा गाउँपालिका–८ याम्फुदिनका तीन जना घाइतेको उद्धार गरिएको छ।उनीहरुलाई कैलाश एयरको हेलिकप्टरले शुक्रबार दिउँसो ४ बजे काठमाडौंको टिचिङ अस्पताल पर्‍याएको हो।



हुम्लाका सहायक प्रमुख जिल्ला अधिकारी दत्तराज हमालले भूलवश सम्बन्धित तालुकदार निकायलाई जानकारी नदिई सञ्चारमाध्यममा अभिव्यक्ति दिएकोमा क्षमा मागेका छन्। तालुकदार निकायलाई जानकारी नदिई सञ्चारमाध्यममा अभिव्यक्ति दिएकोमा क्षमा माग्दै अबउप्रान्त यस्तो काम नहुने प्रतिबद्धतासहित स्पष्टीकरण दिएका हुन्।

सम्बन्धित :

प्रमुख प्रतिपक्षी नेपाली कांग्रेसले हुम्लामा नेपाल–चीन सीमाबाट फर्किएको सरकारी टोलीको अध्ययन विवरण तत्काल सार्वजनिक गर्न माग गरेको छ। कांग्रेसले शुक्रबार प्रेस विज्ञप्ति जारी गर्दै हुम्लामा नेपाल–चीन सीमाबाट फर्किएको सरकारी टोलीको अध्ययन विवरण रहस्यमा नराख्‍न सरकारलाई सचेत गराएको हो।



नरेन्द्र मोदी सरकारले हालै संसदबाट पारित गराएको कृषि क्षेत्र सुधारसम्बन्धी कानुनको विरोधमा शुक्रबार भारत बन्द आह्वान गरिएको थियो । करिब ३ दर्जन किसान संगठनहरुले बन्दको आह्वान गरेका हुन्।

यसमा विपक्षी दलहरुको पनि समर्थन रहेको छ। दिल्ली, उत्तरप्रदेश, हरियाणा पन्जाब, पश्चिम बगाल र कर्नाटकलगायतका दक्षिण भारतीय राज्यहरुमा बन्दको बढी प्रभाव परेको छ।



राष्ट्रिय मानव अधिकार आयोगले अनशनरत डा. गोविन्द केसीसँग सार्थक र्वाता गरेर उनको जीव रक्षा गर्न सरकारलाई निर्देशन दिएको छ। आयोगले डा. गोविन्द केसीको मागबारे विमतिका विषय वार्ताको माध्यमबाट समाधान गर्न तथा आमरण अनशनजस्तो जीवन नै जोखिममा पर्न सक्ने जटिल विकल्प नरोज्न आग्रह गरेको छ।



चालु आर्थिक वर्षको पहिलो महिनामा नै रेमिट्यान्स बढेको छ। नेपाल राष्ट्र बैंकले चालु आर्थिक वर्षको पहिलो महिना (साउन) को देशको आर्थिक तथा वित्तीय स्थितिको प्रतिवेदन सार्वजनिक गर्दै साउन महिनामा ९२ अर्ब ७१ करोड रेमिट्यान्स भित्रिएको जनाएको छ। जुन गत आर्थिक वर्षको सोही अवधिभन्दा २३ प्रतिशतले बढी हो। 

सम्बन्धित :

  • कोरोना रोकथाम तथा नियन्त्रणका लागि भन्दै भारतीय सीमामा सुरक्षा गतिविधि बढाउँदा अवैधानिक तथा चोरी आयात (पैठारी) नियन्त्रणमा सहयोग पुगेको पाइएको छ। सरकारले अन्तर्राष्ट्रिय सीमा बन्द गर्ने क्रममा भारतसँगको सीमामा अस्थायी सशस्त्र क्याम्प खडा गर्दा भन्सार छली गरी वस्तु आयात हुने क्रम नियन्त्रणमा आएको तथ्यांकले देखाएको छ।
  • चालु आर्थिक वर्षको पहिलो महिनामा मुल्यवृद्धि वार्षिक वृद्धिदर घटेको छ। आर्थिक वर्षको पहिलो महिनामा साउनमा वार्षिक बिन्दुगत मुद्रास्फिति ३.४९ प्रतिशत रहेको नेपाल राष्ट्र बैंकले जनाएको छ। गत आर्थिक वर्षको सोही अवधिमा यस्ता मुद्रास्फिति ६.९५ प्रतिशत रहेको केन्द्रीय बैंकले जनाएको छ। 


इन्डियन प्रिमियर लिग क्रिकेट (आईपीएल) अन्तर्गत शुक्रबार दिल्ली क्यापिटल्सले आफ्नो दोस्रो खेलमा चेन्‍नई सुपर किङ्सविरुद्ध पहिले ब्याटिङ गर्ने भएको छ। दुबइ इन्टरनेश्‍नल क्रिकेट स्टेडियममा चेन्‍नई टस जितेर पहिले बलिङ गर्ने निर्णय गरेपछि दिल्लीले ब्याटिङको निम्तो पाएको हो। 

दिल्लीले शुक्रबार पनि नेपाली राष्ट्रिय क्रिकेट टोलीका खेलाडी सन्दीप लामिछानेलाई मौका भने दिएको छैन।



रोना भाइरसविरुद्धको खोप उत्पादन गरिरहको चिनियाँ कम्पनी सिनोभ्याक बायोटेकले यस वर्षको अन्तिम चरणको मानव परीक्षणको विश्लेषण यही वर्षभित्र सम्पन्‍न गर्ने अपेक्षा गरिएको छ। 

यो खोप प्रभावकारी छ भए-नभएको विश्लेषण गरी नियमनकारी निकायबाट यही वर्षभित्र स्वीकृत लिइसक्ने सिनोभ्याकले जनाएको छ।



भारतीय गायक एसपी बालासुब्रमण्यमको ७४ वर्षको उमेरमा निधन भएको छ। कोरोना भाइरस संक्रमणका कारण उनको आज दिउँसो चेन्नईमा निधन भएको हो। उनी अगस्टको पहिलो साता अस्पताल भर्ना भएका थिए। 



उत्तर कोरियाली नेता किम जोङ उनले दक्षिण कोरियाली अधिकारी मारिएको घटनाप्रति माफी मागेका छन्।

नेता किमले दक्षिण कोरियाली राष्ट्रपति मुन जाइ-इनलाई पत्र पठाउँदै 'नहुनुपर्ने घटना घटेको भन्दै माफी मागेको' दक्षिण कोरियाली राष्ट्रपति कार्यालयलाई उद्धृत गर्दै बीबीसीले जनाएको छ।



 राष्ट्रिय दिवस तथा मध्य शरद पर्वको अवधिमा लगातार ८ दिन लामो बिदा नजिकिँदै गर्दा चीनले आफ्नो सुरक्षा आफै गर्न सर्वसाधारणसमक्ष अपिल गरेको छ।

बिदाका बेला पर्यटन क्षेत्र चलायमान हुने पूर्वसन्ध्यामा चीनले यस्तो सूचना जारी गरेको हो । चीनमा कोरोना भाइरसको महामारी लगभग शून्यमा झरे पनि उच्च सतर्कताका लागि ध्यानाकर्षण गराइएको छ। 


सम्बन्धित सामग्री

कञ्‍चनपुरको बेलौरीमा प्रहरी र तस्करबीच गोली हानाहान, एक भारतीयको मृत्यु

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको छ। कञ्चनपुरको बेलौरी नगरपालिका ७ पौलाहामा प्रहरी र तस्करबीच गोली हानाहान भएको हो।

छोटकरी सम्पादक

म्यान्मारमा '३८ जनाको मृत्यु, कू यताकै रक्तपातपूर्ण दिन'

म्यानमारमा सेनाको आक्रमणबाट बुधबार एकैदिन ३८ जना प्रदर्शनकारीको ज्यान गएको छ । नेतृ आङ सान सुकीलगायत नेताहरुको रिहाइको माग गर्दै म्यानमारमा १ महिनाभन्दा लामो प्रदर्शन भइरहेको छ ।

छोटकरी सम्पादक

एक विधवा महिला, जसले ६ सय विवाहित पुरुषहरूको खुलेआम कत्लेआम गरिन्!

जूलिया टूफाना मेकअपको भाँडो (काँचको सिसी)मा विष बोकेर हिँड्ने गर्थीन्। वर्षौसम्म सयौँ व्यक्तिहरूलाई मार्दै रहिन्, कसैलाई कानोकान खबर पनि भएन। टूफना कसरी गर्थीन् हत्या? र सुराक किन कसैले भेट्टाएन? छ सयको हाराहारीमा विवाहित पुरुष 'बलीको बख्रो' बन्न उनीसमक्ष कसरी पुगे? प्रश्नहरूको उत्तर खोज्दै जाऔँ!

छोटकरी सम्पादक

पाकिस्तान र टर्कीबीच ऐतिहासिक ‘रेल सेवा’ सुचारु हुने

एक दशकदेखि बन्द रहेको पाकिस्तान र टर्कीबीच मालबाहक रेल सेवा आजदेखि सुरु हुने भएको छ। अहिले विश्व बजारमा चीनको बढ्दो प्रभावलाई फाइदा हुने गरी यो सेवा पुनः सुरु गर्न लागिएको हो।

छोटकरी सम्पादक

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक