छोटकरीमा आज - २०७७ भाद्र १८, बिहीबार

आज कोरोना भाइरसको पछिल्लो वस्तुस्थिति, काठमाडौंसहित ३४ जिल्लामा पूर्ण र ९ जिल्लामा आंशिक निषेधाज्ञा, ढोरपाटन बाढीपहिरो : ११ को शव भेटियो, २५ जना सम्पर्कविहीन, अमेरिकाले भन्‍यो- नोभेम्बर १ देखि खोप वितरणको तयारी गर्नू, चीनसँग तनाव बढेपछि सेनालाई भारतको निर्देशन- लिपुलेक क्षेत्रमा विशेष निगरानी गर्नू लगायतका विषयवस्तुहरूलाई समावेश गरिएका छन्।



बिहीबार १,२२८ जना थपिएसँगै नेपालमा कोरोना संक्रमितको कुल संख्या ४२,८७७ पुगेको छ भने मृत्यु हुनेको संख्या २५७ पुगेको छ।

हालसम्म नेपालमा २४,२०७ जना कोरोना संक्रमित निको भएका छन्।

=> New PCR Test : १३,४१३ => New Recovered : ९१७

सम्बन्धित :

  • सरकारका अनुसार बिहीबारसम्म पीसीआर विधिबाट ७ लाख ३१ हजार ८५२ परीक्षणहरु गरिएका छन्। त्यसैगरी २४ घण्टामा जम्मा १३ हजार ४१३ पीसीआर परीक्षण भएका छन्। हालसम्म क्वारेन्टाइनमा रहनेको संख्या ६ हजार ६४९ जना रहेका छन्। सकृय संक्रमितको संख्या १८ हजार ४१३ जना रहेको छ।
  • आज कोरोना संक्रमणबाट २४ घन्टामा थप ६ को मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । मृतकमा ४ जना महिला र २ जना पुरुष रहेका छन्। 
  • पछिल्लो २४ घन्टामा काठमाडौँ उपत्यकामा नयाँ ४ सय ४५ संक्रमित देखिएका छन्। काठमाडौँमा ३ सय ५७ , ललितपुरमा ४६ र भक्तपुरमा ४२ जना संक्रमित देखिएका हुन्।
  • ईपिडिमियोलोजी तथा रोग नियन्त्रण महाशाखाका अनुसार देशभर पुस महिनादेखि भदौसम्म २४६ डेंगुका बिरामी देखिएका छन्। ४६ जिल्लामा डेंगुका बिरामीहरु भेटिएका हुन्। डेंगुसँगै कलाजारका १४३ र मलेरियाका ५६ बिरामी पनि यो अवधिमा भेटिएका छन्।
  • दक्षिण कोरियामा नेपालीलाई पहिलो पटक कोरोना सङ्क्रमण भएको पुष्टि भएको छ। कोरियाको चोङ्नामस्थित हानुल नोङ्सान नामक एक फुड कम्पनीमा कार्यरत १८ नेपालीमा सङ्क्रमण पुष्टि भएको दक्षिण कोरियाको सरुवा रोग नियन्त्रण विभागले जनाएको छ।
  • कोरोना संक्रमण रोकथाम र उपचारको आवश्यक तयारीप्रति सरकार अझै गम्भीर नभएको कांग्रेसले आरोप लगाएको छ। कांग्रेसको ‘कोभिड–१९ अनुगमन समिति’का संयोजक प्रकाशशरण महतले विज्ञप्ति जारी गर्दै सरकारले ठोस अध्ययनका आधारमा नभएर हचुवाका भरमा लकडाउन र निषेधाज्ञा गर्ने र हटाउने काम गरेको बताएका हुन्। 
  • बाँकेका दुई ठूला अस्पतालमा प्लाज्मा र रेम्डिसिभिर दिइएका दुई गम्भीर अवस्थाका कोराना सङ्क्रमितको स्वास्थ्यमा सुधार देखिएको अस्पतालले जनाएका छन्। भेरी अस्पतालमा पहिलो पटक प्लाज्मा दिइएका सल्यान शारदा नगरपालिका–६ का २९ वर्षीय गम्भीर कोरोना सङ्क्रमित पुरुष र नेपालगञ्ज मेडिकल कलेजको कोहलपुर शिक्षण अस्पतालमा पहिलो पटक रेम्डिसिभिर दिइएका धनगढीका ४८ वर्षीय पुरुषको स्वास्थ्य अवस्था सुधारोन्मुख रहेको पाइएको हो।


पुल्चोक घटना :

  • उपत्यकामा जारी निषधाज्ञा अवज्ञा गर्दै बिहीबार पुल्चोकमा रातो मत्स्येन्द्रनाथको जात्रा सञ्चालन गरिएपछि युवा समूह र सुरक्षाकर्मीबीच झडप हुँदा केही प्रदर्शनकारी, पत्रकार सहित ४ प्रहरी जवान घाइते भएका छन्।
  • पुल्चोकमा रातो मत्स्येन्द्रनाथको जात्राका क्रममा ट्राफिक प्रहरी जवान कमलप्रसाद घिमिरेलाई आक्रोशित भिडले आक्रमण गरेको भिडियो सामाजिक संजालमा भाइरल भएको छ। आक्रमणमा पर्ने जवान घिमिरे ललितपुरको मंगलबजारमा ड्युटीमा खटिएका थिए।
  • एकातिर संक्रमण नियन्त्रणका लागि आममानिसलाई घरबाहिर निस्कन दिइएको छैन भने अर्कातिर रथ सञ्चालनका लागि भिड जम्मा हुँदा पनि प्रशासनले सुइको नपाउनु वा स‌ंयोजन हुन नसक्नु स्वयं प्रशासनकै लापबाही र हेलचेक्राइँ मानिएको छ।


प्रधानमन्त्री एवं नेकपा अध्यक्ष केपी शर्मा ओली राष्ट्रिय सभामा रिक्त एक मनोनीत सदस्यमा उपाध्यक्ष बामदेव गौतमलाई सिफारिस गर्न तयार भएका छन्। ओलीले अर्थमन्त्री युवराज खतिवडालाई नै निरन्तरता दिन खोजेको भए पनि गौतम आफैँले राष्ट्रियसभामा जाने चाहना व्यक्त गरेपछि ओली दबाबमा परेका बताइएको छ।

सम्बन्धित :

  • फागुन १४ मा बसेको सचिवालयको बैठकले गौतमलाई राष्ट्रिय सभामा पठाउने औपचारिक निर्णय गरेको थियो। तर, बैठक सकिएको केही बेरपछि नै प्रधानमन्त्रीले उक्त निर्णय नमान्ने बताएका थिए। त्यसयता त्यो निर्णय कार्यान्वयन हुन सकेको थिएन।
  • प्रधानमन्त्रीसमेत रहेका अध्यक्ष केपी शर्मा ओलीले बिहीबारको सचिवालय बैठकमा मन्त्रिपरिषद्बाट निर्णय गराएर राष्ट्रपतिकहाँ सिफारिस गरिने जानकारी गराएको पार्टी प्रवक्ता नारायणकाजी श्रेष्ठले जानकारी दिए ।


कोरोना नियन्त्रण सम्बन्धी निर्णयहरू :

  • जिल्ला प्रशासन कार्यालयहरूले निषेधाज्ञा खुकुलो बनाएको भन्दै काठमाडौं उपत्यकाका मेयरहरूले असन्तुष्टि जनाएका छन्। काठमाडौं, भक्तपुर र ललितपुर जिल्ला प्रशासनले ४ भदौबाट जारी निषेधाज्ञाको अवधि बुधबार साँझदेखि थप एक साताका लागि लम्ब्याएका छन्। तर, संक्रमण फैलिँदो रहेका वेला थप कडाइ गर्नुपर्नेमा खुकुलो बनाइएको भन्दै उपत्यका नगरपालिका फोरमले असन्तुष्टि व्यक्त गरेको हो। 
  • काठमाडौं उपत्यकामा होटल तथा रेष्टुरेन्टले खानेकुरा उत्पादन गरी टेक अवे तथा होम डेलिभरीमार्फत ग्राहकसमक्ष पुर्‍याउन पाउने भएका छन्। उपत्यकाका तीनवटै जिल्ला प्रशासन कार्यालयले निषेध आदेशको समयमा अत्यावश्यक वस्तु तथा सेवा होम डेलिभरी गर्नेसम्बन्धी मादपण्ड निर्माण गरी उक्त मापदण्ड पालना गर्ने गरी होम डेलिभरी र टेक अवे सेवा सञ्चालन गर्न अनुमति दिएको छ।
  • हिमालय एयरलाइन्सले नियमित एवं चार्टर उडानको भाडादर सार्वजनिक गरेको छ। सरकारले अन्तर्राष्ट्रिय उडान पुनः सञ्‍चालन गर्ने निर्णय गरेसँगै हिमालय एअरलाइन्स्ले सहजै पीसीआर उपलब्ध गन्तव्यहरु (छोड्ंछिडं, क्‍वालालम्पुर र आबुधावीको उडानहरु सञ्‍चालन गर्न अनुमति प्राप्त गरेको छ 
  • बिहिबारसम्म कोरोना महामारीका कारण देशभरका ३४ जिल्लामा पूर्ण र ९ जिल्लामा आंशिक निषेधाज्ञा जारी गरिएको छ। प्रमुख जिल्ला अधिकारीहरुले जिल्लामा पूर्ण र आंशिक निषेधाज्ञा जारी गरेका हुन्।



बागलुङको ढोरपाटन नगरपालिका–९ का देउराली, सुपुरदुङलगायत स्थानमा बुधबार राति आएको बाढीपहिरोमा ११ जनाको मृत्यु भएको छ। प्रमुख जिल्ला अधिकारी सुरेश न्यौपानेले बिहीबार दिउँसो साढे ११ बजेसम्म ११ जनाको शव घटनास्थल र खोलाका किनारहरूमा भेटिएको बताए। 

सम्बन्धित :

  • सेनाको हेलिकप्टरमा बाढीपहिरोपीडितलाई राहत सामग्री लिएर बागलुङको ढोरपाटन जाँदै गरेका गृहमन्त्री रामबहादुर थापा मौसम खराब भएपछि पोखरा फर्किएका छन्।
  • नेपाली कांग्रेसले बागलुङको ढोरपाटन नगरपालिकामा पर्ने भुजी खोलामा गएको बाढीपहिरोको घटना प्रति दुःख व्यक्त गरेको छ। सभापति शेरबहादुर देउवाले वडा नं. ७, ८ र ९ मा बुधबार राति गएको बाढीपहिरोबाट ११ जना मृत्यु, दुई दर्जन भन्दा बढी व्यक्ति सम्पर्कविहीन र कतिपय व्यक्तिहरु घाइते भएको घटनाप्रति दुःख व्यक्त गरेका हुन्।


पूर्वाञ्चल विश्वविद्यालयले स्नातक तथा स्नातकोत्तर तहका सेमेस्टर प्रणालीअन्तर्गतका परीक्षा वैकल्पिक विधि प्रयोग गरी घरबाटै (टाइम–बाउन्ड होम एक्ज्याम) लिने भएको छ। विश्वविद्यालयले कोभिड– १९ का कारण असहज परिस्थिति उत्पन्न भएपछि आगामी असोजमा घरबाटै परीक्षा लिने भएको हो। 



चितवनमा युरिया मलको हाहाकार भएपछि सरकारी निकायको ध्यानाकर्षण भएको छ। जिल्ला मल आपूर्ति तथा वितरण व्यवस्थापन समिति चितवनको बुधबार बसेको बैठकले जिल्लामा थप मल आपूर्तिको लागि सरकारसँग पाँचसय मेट्रिक टन मलको माग गरेको हो। 

सम्बन्धित :

तत्कालीन अर्थमन्त्री भरतमोहन अधिकारीले ०६८-६९ को बजेटमा नेपालमै रासायनिक मल कारखाना खोल्ने घोषणा गरेको एक दशक बितिसक्दासमेत कारखाना स्थापनाको प्रक्रिया नै अघि बढेको छैन। तर, यही १० वर्षमा नेपालमा एक खर्ब २८ अर्ब रुपैयाँबराबरको रासायनिक मल आयात भइसकेको छ। 



कतार सरकारले पासपोर्टको म्याद नाघेको एक वर्षभित्र कतारी आईडी एक वर्षका लागि नवीकरण गरिदिने र भिजिट भिसा पनि निश्चित अवधिका लागि नवीकरण गर्न सकिने कतारमा रहेको नेपाली दूतावासले जनाएको छ।

भिजिट भिसा कति समयसम्मका लागि नवीकरण हुन्छ भनेर मिति भने खुलाइएको छैन।



काठमाडौंस्थित निर्माणाधीन धरहरा छेउमा काम गर्ने क्रममा पर्खाल भत्किएर थिच्दा बिहीबार एक जना गम्भीर घाइते भएका छन्। घाइते हुनेमा डोजर चालक २३ वर्षीय विष्णुकुमार शाह रहेको प्रहरीले जनाएको छ। पर्खाल भत्किँदा डोजरसहित च्यापिएको महानगरीय प्रहरी परिसर काठमाडौंले जनाएको छ।



नेपाली कांग्रेसका सभापति शेरबहादुर देउवाले पार्टीको ‘शुभेच्छुक संस्था समन्वय’ विभाग विस्तार गरेका छन् उनले बिहीबार बेलुकी केन्द्रीय सदस्य एनपी साउदको संयोजकत्वमा रहेको विभाग विस्तार गरेका हुन्।

कांग्रेसको विधान, २०१७ (संशोधन सहित) को धारा २५ (९) बमोजिम शुभेच्छुक संस्था समन्वय विभागमा उपप्रमुख, सचिव र सदस्यहरु मनोनयन गरिएको मुख्यसचिव कृष्णप्रसाद पौडेलले जानकारी दिए।



कोरोना भाइरसका कारण आगामी वर्ष चार करोड सात लाख महिला अतिगरिबीतर्फ धकेलिने अनुमान गरिएको छ। संयुक्त राष्ट्रसंघले हालै सार्वजनिक गरेको प्रतिवेदनमा कोरोना भाइरसको महामारीले पुरुष र महिलाबीचको खाडललाई पनि नाटकीय हिसाबले वृद्धि गर्ने देखिएको जनाइएको छ। 




अमेरिकाको रोग नियन्त्रण तथा रोकथाम केन्द्र (सीडीसी) ले स्वास्थय अधिकारीहरुलाई ५० वटै राज्यहरुमा १ नोभेम्बरसम्म खोप वितरणको तयारी गर्न आग्रह गरेको छ। २७ अगस्तमा पठाइएका तीनवटा डकुमेन्टले दुईवटा खोप वितरणको विस्तृत विवरण सेट गरेको न्युयोर्क टाइम्सले जनाएको छ।



भारतको बेंगलुरुमा सेप्‍टेम्बर ७ देखि मेट्रो रेल सञ्चालनको तयारी थालिएको छ । तर, रेल सञ्‍चालनसँगै केही प्रावधानहरु पनि तोकिएका छन्। 

बेंगलुरु मेट्रो रेल कर्पोरेसनले बेंगलुरु सहरको नम्मा मेट्रो रेल सेवा ७ सेप्टेम्बरबाट पुन: नियमिह हुन थालेको जनाएको छ। तत्कालका लागि मेट्रो सेवा बिहान ८ देखि ११ बजेसम्म र साँझ ४ देखि ७ बजेसम्म सञ्‍चालन हुनेछ।



संयुक्त राज्य अमेरिकाका राष्ट्रपति डोनाल्ड ट्रम्पले बुधबार नर्थ क्यारोलिना राज्यका मतदाताहरुलाई नोभेम्बर निर्वाचनमा दुई पटक मतदान गर्न आग्रह गरेका छन्। 

उनीले मतदाताहरुलाई एकपटक प्रत्यक्ष र अर्कोपटक हुलाकमार्फत मतदान गर्न आग्रह गरेका हुन्। 



हलिउड अभिनेता ड्वेन जोनसनले केही साताअघि आफू र परिवारका सदस्यहरू काेराेना संक्रमित भएकाे र अहिले सबैजना निकाे भएकाे बताएका छन्। इन्स्टाग्राममार्फत ड्वेनले आफूसहित श्रीमती र दुई छोरीलाई कोरोना संक्रमण भएको जानकारी गराएका हुन्।



अस्ट्रेलिया सरकारले अन्य देशसँग गरिने विकास तथा रणनीतिक परियोजनासम्बन्धी सम्झौता गर्न राज्य सरकारलाई दिइएको अधिकार खारेज गर्न नयाँ विधेयक ल्याउने भएको छ। यस घोषणा गरेको नयाँ विधेयकअनुसार विदेशमन्त्रीले राज्य सरकार, स्थानीय सरकार र विश्वविद्यालयद्वारा गरिएका सहमति तथा सम्झौताहरू राष्ट्रिय हितविपरीत देखिए खारेज गर्न सक्नेछन्। 


सम्बन्धित सामग्री

कञ्‍चनपुरको बेलौरीमा प्रहरी र तस्करबीच गोली हानाहान, एक भारतीयको मृत्यु

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको छ। कञ्चनपुरको बेलौरी नगरपालिका ७ पौलाहामा प्रहरी र तस्करबीच गोली हानाहान भएको हो।

छोटकरी सम्पादक

म्यान्मारमा '३८ जनाको मृत्यु, कू यताकै रक्तपातपूर्ण दिन'

म्यानमारमा सेनाको आक्रमणबाट बुधबार एकैदिन ३८ जना प्रदर्शनकारीको ज्यान गएको छ । नेतृ आङ सान सुकीलगायत नेताहरुको रिहाइको माग गर्दै म्यानमारमा १ महिनाभन्दा लामो प्रदर्शन भइरहेको छ ।

छोटकरी सम्पादक

एक विधवा महिला, जसले ६ सय विवाहित पुरुषहरूको खुलेआम कत्लेआम गरिन्!

जूलिया टूफाना मेकअपको भाँडो (काँचको सिसी)मा विष बोकेर हिँड्ने गर्थीन्। वर्षौसम्म सयौँ व्यक्तिहरूलाई मार्दै रहिन्, कसैलाई कानोकान खबर पनि भएन। टूफना कसरी गर्थीन् हत्या? र सुराक किन कसैले भेट्टाएन? छ सयको हाराहारीमा विवाहित पुरुष 'बलीको बख्रो' बन्न उनीसमक्ष कसरी पुगे? प्रश्नहरूको उत्तर खोज्दै जाऔँ!

छोटकरी सम्पादक

पाकिस्तान र टर्कीबीच ऐतिहासिक ‘रेल सेवा’ सुचारु हुने

एक दशकदेखि बन्द रहेको पाकिस्तान र टर्कीबीच मालबाहक रेल सेवा आजदेखि सुरु हुने भएको छ। अहिले विश्व बजारमा चीनको बढ्दो प्रभावलाई फाइदा हुने गरी यो सेवा पुनः सुरु गर्न लागिएको हो।

छोटकरी सम्पादक

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक