छोटकरीमा आज - २०७७ भाद्र ०२, मंगलबार

आज कोरोना संक्रमणको वस्तुस्थिति, नेपालले चाहे कोरोनाविरूद्धको भ्याक्सिन छिट्टै उपलब्ध गराउन पहल गर्ने रूसी राजदूतको भनाइ, तीन सहसचिव राजदूतमा सिफारिस, अमेरिकामा पृथ्वीकै 'उच्चतम तापक्रम मापन', यौन उत्पीडनको आरोपमा गोरखा सैनिकलाई साढे दुई वर्ष कैद, क्यानडाका अर्थमन्त्रीले दिए राजीनामा लगायतका विषयवस्तुहरूलाई समावेश गरिएका छन्।



सोमबार १,०१६ जना थपिएसँगै नेपालमा कोरोना संक्रमितको कुल संख्या २८,२५७ पुगेको छ भने मृत्यु हुनेको संख्या ११४ पुगेको छ।

हालसम्म नेपालमा १७,५८० जना कोरोना संक्रमित निको भएका छन्।

=> PCR परिक्षण : ५,४२,८६६ => क्वारेन्टाइनमा : १३,९२६

सम्बन्धित :

  • आज काठमाण्डू उपत्यकाका २०५, र्सामा १२८, मोरङमा १०८ र सर्लाहीमा १०७, धनुषामा ६४, चितवनमा ४९, डोटीमा ४६ र बारामा ४२ सङ्क्रमित फेला परेका हुन्।
  • कोरोना भाइरसको संक्रमण नियन्त्रण तथा रोकथामका लागि सुरक्षाकर्मीहरु झण्डै ६ महिनादेखि अग्रपंक्तिमा खटिएका छन्। कामकै सिलसिलामा सुरक्षाकर्मी आफैं संक्रमित पनि भइरहेका छन्। तर सरकारले आफ्नै बाचाअनुसार प्रोत्साहन भत्ता दिन भने आनाकानी गरेको पाइएको बताइएको छ। 
  • ललितपुरस्थित निदान अस्पतालमा कार्यरत १३ जनालाई कोरोना संक्रमण देखिएको छ। 
  • सुरक्षाकर्मीहरूमा धमाधम कोरोना भाइरस सङ्क्रमण देखिन थालेपछि नेपाल प्रहरीले कतिपय सुरक्षाकर्मीलाई अन्य क्षेत्रको भन्दा फरक ढाँचाको "वर्क फ्रम होम" सुविधा दिन सुरु गरेको अधिकारीहरूले बताएका छन्। तर शान्तिसुरक्षा कायम गर्न निरन्तर खटिनुपर्ने भएकाले अन्य क्षेत्रको जस्तो नभई प्रहरीले केहीलाई घरबाटै सोझै कार्यस्थलमा जाने र केहीलाई घरबाटै काम गर्ने सुविधा दिइएको हो।
  • कोरोना संक्रमितको व्यवस्थापनमा खटिएका जिल्ला स्वास्थ्य कार्यालय मोरङका प्रमुख ज्ञानबहादुर बस्नेतलाई कोरोना संक्रमण पुष्टि भएको छ। कोभिड १९ उपचार केन्द्र विराटनगरको व्यवस्थापन हेर्दै आएका बस्नेतलाई मंगलबार कोरोना संक्रमण पुष्टि भएको हो।
  • रुपन्देहीको तिलोत्तमा नगरपालिकाले भदौ ३ गतेदेखि फेरि लकडाउन गर्ने भएको छ। जसअनुसार भदौ ३ गते साँझ ७ बजेदेखि भदौ १० गते साँझ ७ बजेसम्म कुनै पनि व्यापार व्यवसाय सञ्चालन हुने छैनन्।
  • विश्वव्यापी महामारीको रुपमा फैलिएको कोरोना भाइरस (कोभिड—१९) का कारण होस्टल व्यवसाय समस्यामा परेको छ। ५० हजार बढी विद्यार्थीलाई सेवा दिँदै आएको निजी क्षेत्रका होस्टल व्यवसाय कोरोनाको चपेटामा परेको हो।
  • कोरोना संक्रमण समुदायस्तरमै फैलिन सक्ने खतराको कारण मकवानपुरको उत्तरी क्षेत्रमा पर्ने थाहा नगरपालिकामा पनि निषेधाज्ञा गरिएको छ। मकवानपुरका प्रमुख जिल्ला अधिकारी दीपक राज नेपालको अध्यक्षतामा आज मंगलबार बसेको जिल्ला सुरक्षा समितिको बैठकले थाहामा निषेधाज्ञा जारी गरेको हो। आज राती १२ बजेदेखि ९ भदौ राती १२ बजेसम्म निषेधाज्ञा कायम रहेको प्रजिअ नेपालले जानकारी दिए।
  • सरकारले बैंकको एटीएम मेसिनबाट रकम झिकेपछि अनिवार्य रुपमा स्यानिटाइजर लगाउन अपिल गरेको छ। सार्वजनिक स्थलमा रहेका एटीएम मेसिन एकै दिनमा धेरै मानिसहरुले प्रयोग गर्ने हुनाले कोरोना संक्रमणको जोखिम हुने गर्छ । धेरै बैंकहरुले एटीएम बुथमा स्यानिटाइजर राख्ने गरेका छैनन्।


नेपालका लागि रूसी राजदूत एलेक्सी नोभिकभले राष्ट्रिय सभा अध्यक्ष गणेशप्रसाद तिमिल्सिनासँग शिष्टाचार भेटवार्ता गर्दै कोरोना भाइरसविरूद्ध आफ्नो देशले बनाएको भ्याक्सिन नेपाललाई दिन पहल गर्ने बताएका छन्।

रसियाले तयार पारेको भ्याक्सिन नोभेम्बरमा विश्वबजारमा आउने बताइएको छ।



राष्ट्रकवि माधवप्रसाद घिमिरेको आफ्नै निवासमा आज साँझ ५ बजेर ५५ मिनेटमा निधन भएको उनका छोरा राजीब घिमिरेले बताएका छन्।

उनका नवमञ्जरी, घामपानी, नयाँ नेपाल, किन्नर–किन्नरी कविता संग्रह प्रकाशित छन् । गौरी खण्ड काव्य उनको चर्चित पुस्तक हो।



प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीच पार्टीको गत्यावरोध अन्त्य गर्ने विषयमा आज पनि छलफल भएको छ। बिहान ११ बजे प्रधानमन्त्री निवास बालुवाटारमा भएको छलफलमा तीन–चारदिनभित्रै निकास निकाल्ने विषयमा छलफल भएको स्रोतको दाबी छ।



जलमग्न शहर :

  • मंगलबार दिउँसो ठूलो वर्षा भएपछि काठमाडौंको सडक एकैछिनमा जलमग्न भएका थिए। पानीको सहज निकास नहुँदा र ठाउँ ठाउँमा ढल थुनिँदा पानी परेपछि सडकमा ताल परेको हो।


नेपाल सरकारले अन्तर्राष्ट्रिय वित्त निगम (आइएफसी)मा सेयर वृद्धि गर्ने भएको छ। आईएफसी विश्व बैंक समुहअन्तर्गत रहेका ६ वटामध्ये एक निकाय हो। यसले खासगरी विश्वभर निजी क्षेत्रमा ऋण लगानी प्रवाह गर्छ।


सम्बन्धित :

  • सरकारले प्राकृतिक विपतका घटनामा परी मृत्यु हुने व्यक्तिको परिवारलाई तत्कालै नगद राहत दिने भएको छ। मन्त्रिपरिषद बैठकले विपतमा मृत्यु हुनेको परिवारलाई २ लाख रुपैयाँ दिने भएको छ। यदि एकै परिवार एक भन्दा बढीको मृत्यु भएमा एक जनाको २ लाख र अन्यको हकमा प्रतिव्यक्ति थप १ लाख रुपैयाँ दिने निर्णय गरेको हो।
  • सरकारले सोसक–विद्युत प्रसारण तथा वितरण प्रणाली सुदृढीकरण आयोजनाका लागि एसियाली विकास बैंकबाट २३ अर्ब ८८ करोड रुपैयाँ ऋण लिने निर्णय गरेको छ। यस्तै सरकारले नर्वे सरकारले दिने भनेको ४ अर्ब १८ करोड बराबर अनुदान सहायता स्वीकार गर्ने निर्णय पनि गरेको छ।



सोमबार बसेको मन्त्रिपरिषद बैठकले जर्मनी,बेल्जियम र पाकिस्तानका लागि राजदूत सिफारिस गरेको छ। सिफारिस हुनेहरूमा परराष्ट्र मन्त्रालयका सहसचिवहरू गेहेन्द्र राजभण्डारी, तापस अधिकारी र रामकाजी खड्का रहेको बताइएको छ।

सम्बन्धित :

  • सरकारले नेपाल राजस्व परामर्श विकास समितिको अध्यक्षमा पूर्वसविच महेश दाहाललाई नियुक्त गरेको छ। अर्थमन्त्री डा. युवराज खतिवडाका अनुसार दाहाललाई नियुक्त गर्ने निणृय भएको हो। बोर्डको सदस्यमा भने पूर्वसहसचिव निर्मलहरी अधिकारीलाई नियुक्त गर्ने निर्णय भएको हो।


जातीय सद्‌भाव खलबल्याउने र्याप ‘देशद्रोही’ सार्वजनिक भएपछि प्रहरीले भिडियो खिच्‍ने छायांकारलाई पक्राउ गरेको छ। 

राष्ट्रिय एकता र जातीय सद्‌भाव फैल्याउने र्याप सार्वजनिक भए लगत्तै सामाजिक सञ्जालमा चर्को विरोध भएपछि अनुसन्धान सुरु गरेको प्रहरीले एक जनालाई नियन्त्रणमा लिएको हो। 

मंगोल ग्याल्ज ली एन्ड एटीएमको शब्द तथा स्वर रहेको र्याप मंगोल होप अफिसियल नामक च्यानलमार्फत सार्वजनिक गरिएको छ। 



पृथ्वीमा अहिलेसम्मकै सबैभन्दा उच्च तापक्रम ५४.४ डिग्री सेल्सीअस अमेरिकाको क्यालिफोर्नियास्थित डेथ भ्याली राष्ट्रिय निकुञ्जमा आइतवार मापन गरिएको दाबी गरिएको छ।

त्यहाँ आउने साता अझै तापक्रम बढ्ने आंकलन गरिएको छ।



स्पेनका ८२ वर्षीय पूर्वराजा ख्वान कार्लोस अगस्ट ३ तारिखदेखि संयुक्त अरब एमिरेट्स (यूएई ) मा बसिरहेको स्पेनको राजदरबारले पुष्टि गरेको छ। देश छाडेर हिँडेका उनी कहाँ छन् भन्नेबारे विभिन्न अड्कलबाजी चलिरहेको थियो।

भ्रष्टाचारसमन्बन्धी एउटा अनुसन्धानकाबीच कार्लोसले अगस्ट ३ तारिखमा देश छाड्न लागेको अप्रत्याशित घोषणा गरेका थिए।



अमेरिकाको केन्द्रीय गुप्तचर निकाय सीआईएका एक भूतपूर्व अधिकारी एलेक्ज्यान्डर युक चिङ मालाई एक नातेदारसँग मिलेर चीनका लागि जासुसी गरेको आरोपमा पक्राउ गरेको अमेरिकी न्याय मन्त्रालयले एउटा विज्ञप्तिमा उल्लेख गरेको छ। ती नातेदार पनि सीआईएका कर्मचारी रहेको बताइएको छ।

चीन र अमेरिकाबीच तनाव चुलिएको बेला जासुसीका आरोपमा पक्राउ परेका उनी सबैभन्दा महत्त्वपूर्ण व्यक्ति हुन्।



बेलायती गोरखा सेनामा कार्यरत एक गोरखा सैनिकलाई आफ्नो साथीको छोरीलाई यौन उत्पीडन गरेको आरोपमा अदालतले साढे दुई वर्ष जेल सजाय सुनाएको छ।

बेलायतको स्वीइन्डेन एडभर्टाइज नामक पत्रिकाले ४४ वर्षीय विनोद राईलाई ब्रिस्टोल क्राउन कोटले सजाय सुनाएको उल्लेख गरेको छ। 



विदेशबाट दक्षिण कोरिया भित्रिएका कोभिड–१९ संक्रमित तथा स्वदेशमा नै रहेका तर नियन्त्रणका उपायलाई उल्लङ्घन गर्ने बिरामीले उपचार खर्च आफैं व्यहोर्नु पर्ने भएको छ।

कोरिया सरकारले सोमबारबाट लागु हुने गरी यो व्यवस्था गरेको हो।



अमेरिकी पूर्व प्रथम महिला मिसेल ओबामाले राष्ट्रपति डोनाल्ड ट्रम्पको चर्को आलोचना गरेकी छन्। 

नोभेम्बर ३ मा हुने राष्ट्रपतीय निर्वाचनका लागि जो बाइडेनलाई औपचारिक रुपमा डेमोक्रेटिक उमेदवार घोषणा गर्नका लागि सुरु भएको राष्ट्रिय सम्मेलनलाई सम्बोधन गर्ने क्रममा ओबामाले ट्रम्पको आलोचना गरेकी हुन्। 

सम्बन्धित :

  • पूर्वराष्ट्रपति बाराक ओबामाले क्यालिफोर्नियाकी सिनेटर कमला ह्यारिसलाई उपराष्ट्रपतिको उमेदवार घोषणा गर्नु बाइडेनको सबैभन्दा उत्तम निर्णय भएको बताउँदै समर्थन जनाएका छन्। उनले आफ्नो ट्वीट मार्फत भनेका हुन्, “राष्ट्रपतिले लिने सबैभन्दा पहिलो महत्वपूर्ण निर्णय भनेकै उपराष्ट्रपति छनोट गर्नु हो । किनकी ओभल अफिसमा रहँदा हामीले जटिल विषयहरुको सामना गर्नुपर्ने हुन्छ, जसमा हाम्रा प्रत्येक छनोटले देशभरको जनजीवनमा प्रभाव पारिरहेको हुन्छ। त्यसैले यसमा आफ्नो साथमा उचित निर्णय लिन सक्षम र असल चरित्र भएको व्यक्ति आवश्यक पर्दछ।”


क्यानडाका अर्थमन्त्री बिल मोर्नीले आफू निकट सम्बन्ध रहेको एक सामाजिक संस्थालाई सरकारी कार्यक्रम दिलाउन भूमिका खेलेको आरोपमा छानबिन हुन थालेपछि राजीनामा दिएका छन्।

अहिले मन्त्री मोर्नीका परिवारका सदस्यहरुसँग डब्लुई च्यारिटी नामको संस्थाको सम्बन्धमा अनुसन्धान शुरु भएको छ, र प्रारम्भिक विवरणमा च्यारिटीसँग सम्बन्ध रहेका प्रमाणहरु सार्वजनिक भएका छन्। 

 


सम्बन्धित सामग्री

कञ्‍चनपुरको बेलौरीमा प्रहरी र तस्करबीच गोली हानाहान, एक भारतीयको मृत्यु

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको छ। कञ्चनपुरको बेलौरी नगरपालिका ७ पौलाहामा प्रहरी र तस्करबीच गोली हानाहान भएको हो।

छोटकरी सम्पादक

म्यान्मारमा '३८ जनाको मृत्यु, कू यताकै रक्तपातपूर्ण दिन'

म्यानमारमा सेनाको आक्रमणबाट बुधबार एकैदिन ३८ जना प्रदर्शनकारीको ज्यान गएको छ । नेतृ आङ सान सुकीलगायत नेताहरुको रिहाइको माग गर्दै म्यानमारमा १ महिनाभन्दा लामो प्रदर्शन भइरहेको छ ।

छोटकरी सम्पादक

एक विधवा महिला, जसले ६ सय विवाहित पुरुषहरूको खुलेआम कत्लेआम गरिन्!

जूलिया टूफाना मेकअपको भाँडो (काँचको सिसी)मा विष बोकेर हिँड्ने गर्थीन्। वर्षौसम्म सयौँ व्यक्तिहरूलाई मार्दै रहिन्, कसैलाई कानोकान खबर पनि भएन। टूफना कसरी गर्थीन् हत्या? र सुराक किन कसैले भेट्टाएन? छ सयको हाराहारीमा विवाहित पुरुष 'बलीको बख्रो' बन्न उनीसमक्ष कसरी पुगे? प्रश्नहरूको उत्तर खोज्दै जाऔँ!

छोटकरी सम्पादक

पाकिस्तान र टर्कीबीच ऐतिहासिक ‘रेल सेवा’ सुचारु हुने

एक दशकदेखि बन्द रहेको पाकिस्तान र टर्कीबीच मालबाहक रेल सेवा आजदेखि सुरु हुने भएको छ। अहिले विश्व बजारमा चीनको बढ्दो प्रभावलाई फाइदा हुने गरी यो सेवा पुनः सुरु गर्न लागिएको हो।

छोटकरी सम्पादक

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक