छोटकरीमा आज - २०७७ भाद्र ०१, सोमबार

आज नेपालमा कोरोना संक्रमणको पछिल्लो वस्तुस्थिति, कोरोनाले इन्द्रजात्रा स्थगित,एसईईको नतिजा सार्वजनिक, आलोचनाकाबीच सांसदहरुलाई नयाँ लोगो प्रदान, थाइल्यान्डमा र बेलारुसमा सरकारविरोधी प्रदर्शन जारी, कोरोनाविरुद्धको चिनियाँ खोपलाई 'सर्वाधिकार' प्रदान, दृश्यम' निर्देशक निशिकान्त कामतको निधन लगायतका विषयवस्तुहरूलाई समावेश गरिएका छन्।



सोमबार ५८१ जना थपिएसँगै नेपालमा कोरोना संक्रमितको कुल संख्या २७,२४१ पुगेको छ भने मृत्यु हुनेको संख्या १०७ पुगेको छ।

हालसम्म नेपालमा १७,४९५ जना कोरोना संक्रमित निको भएका छन्।

=> PCR परिक्षण : ५,२९,४२७ => क्वारेन्टाइनमा : १५,१९८

सम्बन्धित :

  • स्वास्थ्य मन्त्रालयका अनुसार अहिले काठमाण्डू उपत्यकामा सक्रिय सङ्क्रमितको सङ्खया २,१३४ पुगेको छ। मन्त्रालयका अनुसार मोरङ, पर्सा, रौतहट, महोत्तरी सक्रिय सङ्क्रमितको सङ्ख्या ५०० भन्दा बढी छ। सङ्खुवासभा, मनाङ, मुस्ताङ, डोल्पा र हुम्लामा सक्रिय सङ्क्रमितको सङ्ख्या शून्य छ।
  • कपिलवस्तुको लवनीमा मास्क लगाउन अनुरोध गर्दा ६ प्रहरी कुटिएका छन्। कुटिनेमा प्रहरी चौकी लवनीमा प्रहरी नायव निरीक्षकसहित ६ जना रहेका छन्।
  • कोडिभ-१९ का कारण विदेशमा विभिन्‍न ठाउँमा अलपत्र परेका नेपालीलाई उद्धार उडानमार्फत दैनिक ५ सयको संख्या नबढाइ ल्याउने निर्णय सरकारले गरेको थियो। तर, कोरोनाको संक्रमण फैलिँदै गएको र विभिन्‍न जिल्लामा लकडाउन लगाएकाले केही दिनका लागि उद्धार उडान पनि रोकिएको बताइएको छदेशैभर कोरोनाका जटिल बिरामीको उपचारका लागि ९४२ आईसीयू बेड छुटाइएको पाइएको छ। स्वास्थ्य तथा जनसंख्या मन्त्रालयको तथ्याकं अनुसार सातै प्रदेशमा १४३ बेड, प्रदेश २ मा ४५ बेड, बागमती प्रदेशमा ६३० आइसीयू कोरोना जटिल बिरामीको उपचारका लागि छुट्याइएको छ। यसैगरी गण्डकी प्रदेशमा १३७ बेड , प्रदेश ५ मा २९ बेड कर्णाली प्रदेशमा ४० र सुदुरपश्चिम प्रदेशमा १८ वटा आईसीयू बेड रहेका छन्।
  • कोरोना भाइरस फैलिन नदिनप्रसिद्ध इन्द्रजात्रा यो वर्ष स्थगित भएको छ। इन्द्रजात्रा व्यवस्थापन समितिसहित २७ वटा स्थानीय गुठी खलहरूले संयुक्त रूपमा स्थगित गर्ने निर्णय गरेका हुन्।
  • कोरोनाको संक्रमण फैलिँदै गएपछि गण्डकी प्रदेशको राजधानी पाेखरामा आज रातिदेखि निषेधाज्ञा लागू गरिँदै छ।आइतबार दलहरूसँगको छलफल र सोमबार बिहान कोरोना संक्रमण रोकथाम मूल समितिको बैठक बसेसँगै सोमबार मध्यराति १२ बजेबाट निशेधाज्ञा गर्ने तयारी भएको पोखरा महानगरका प्रवक्ता धनबहादुर नेपालीले जानकारी दिए।  
  • बागमती प्रदेशकी उपसभामुख राधिका तामाङलाई कोरोना भाइरस संक्रमण भएको पुष्टि भएको छ। तामाङ र उनको नौ वर्षीय छोरालाई एकैपटक संक्रमण पुष्टि भएको हो। 
  • कर्णाली प्रदेशका तीन जिल्लामा एकैदिन सुरु भएको निषेधाज्ञा कार्यान्वयनका लागि प्रहरीले कडाइ गर्न थालेको छ। कर्णालीमा पछिल्लो समय कोरोना भाइरस (कोभिड-१९) का संक्रमितको संख्या बढ्दै गएपछि सोमबारदेखि सुर्खेतको वीरेन्द्रनगर नगरपालिका, जुम्लाको चन्दननाथ नगरपालिका र मुगु सदरमुकाम गमगढी बजार क्षेत्रमा निषेधाज्ञा घोषणा गरिएको हो।


विद्यालयले गरेको आन्तरिक मुल्याङ्कनलाई प्रमाणीकरण गरी राष्ट्रिय परीक्षा बोर्डले ४ लाख ७२ हजार ७८ जना एसईई परीक्षार्थीको नतिजा प्रकाशन गरेको छ।

यसवर्ष सार्वजनिक गरिएको नतिजामा जिपिएको विवरण खुलाइएको छैन्। पुनरयोग तथा ग्रेडवृद्धि परीक्षा पनि नहुने भएको छ।

सम्बन्धित :

  • विश्वव्यापी महामारीको रुपमा फैलिएको ( कोभिड–१९) को संक्रमण बढेको भन्दै त्रिभुवन विश्वविद्यालयले भदौ १ गतेदेखि सबै कार्यालय बन्द गर्ने निर्णय गरेको छ। सबै कर्मचारी कार्यालय प्रमुखको सम्पर्कमा बस्ने र अनलाइनबाट काम गर्न मिल्ने भए सोही अनुसार गर्ने विश्वविद्यालयले आइतबार गरेको निर्णयमा उल्लेख छ।
  • शिक्षा, विज्ञान तथा प्रविधिमन्त्री गिरिराजमणि पोखरेलले न्यूनतम ६ महिनाको कोभिड- १९ केन्द्रित क्यालेन्डर र कार्यतालिका एक साताभित्र सार्वजनिक गर्न सम्पूर्ण विश्वविद्यालयका उपकुलपतिहरूलाई निर्देशन दिएका छन्।मन्त्री पोखरेलले कोरोना महामारीको सामना गरेको ५–६ महिना बितिसकेको र यस अवधिमा सबै विश्वविद्यालयले आफ्ना विद्यार्थी ट्रयाकिङ गरिसकेको हुनुपर्ने बताए। यसैगरी उनले इन्टरनेट भएन, सबै विद्यार्थीको पहुँचमा पुग्न सकिएन, विद्युत् भएनजस्ता विषय बैठकमा नराख्न पनि अनुरोध गरेका थिए।


पार्टीको आन्तरिक विवाद समाधानको मस्यौदा बनाउन दुई अध्यक्षको पहलमा गठित कार्यदलको प्रतिवेदन सचिवालय बैठकमा छलफल गरेर अगाडि बढाउन तयार भएपछि नेकपा सचिवालय बैठकले कार्यदललाई अनुमोदन गरेको छ। महासचिव विष्णु पौडेलको संयोजकत्वमा शुक्रबार ओली र दाहालले ६ सदस्यीय कार्यदल बनाएका थिए। 



अद्यावधिक नक्सा अनुसार नयाँ डिजाइन गरिएको लोगो भद्दा भएको भन्दै आलोचना भए पनि सांसदहरुलाई नयाँ लोग प्रदान गरिएको छ।

स्वदेशी उत्पादनको प्रबर्द्धन गर्न भए पनि लोगो ग्रहण गरिएको सांसदहरुले बताएका छन्।



सोमबार बसेको ‘नेपाल–भारत ज्वाइन्ट ओभरसाइड मेकानिज्म’ (संयुक्त निगरानी संयन्त्र) को बैठकले नेपालमा भारतीय सहयोगमा निर्माणाधीन परियोजनाहरुको प्रगति सन्तोषजनक रहेको निष्कर्ष निकालेको छ।

भर्चुअल माध्यमबाट भएको बैठकमा नेपाली टोलीको नेतृत्व परराष्ट्र सचिव शंकरदास वैरागीले गरेका थिए।



'दृश्यम' निर्देशक निशिकान्त कामतको हैदरावाद अस्पतालमा सोमबार निधन भएको छ। ५० वर्षीय कामतकाे कलेजोको समस्याका कारण मृत्यु भएको 'टाइम्स अफ इन्डिया'ले उल्लेख गरेको छ।

कामतलाई ३१ जुलाईमा हैदरावादकाे गचीबोवलीस्थित एआइजी अस्पतालमा भर्ना गरिएको थियो।



चिनियाँ अधिकारीहरूले चीनमै विकास गरिएको कोभिड-१९ खोपलाई पहिलो आविष्कार 'पेटेन्ट' (सर्वाधिकार) प्रदान गरेका छन्।

चिनियाँ खोप कम्पनी क्यानसिनो बायोलोजिक्स कर्पोरेसनलाई चीनको बौद्धिक सम्पत्ति नियामक संस्थाले ११ अगस्टमा 'एडी ५-एनकोभ' नाम दिइएको यस खोपको पेटेन्ट प्रदान गरिएको हो।



अमेरिकी राष्ट्रपति डोनाल्ड ट्रम्पका भाइ रोबर्ट ट्रम्पको आइतबार निधन भएको छ। न्युयोर्क अस्पतालमा उपचाररत रोबर्टको ७१ वर्षको उमेरमा निधन भएको अमेरिकी सञ्चारमाध्यमले जनाएका छन्। यसको जानकारी राष्ट्रपति ट्रम्प स्वयंले दिएका छन्।



बेलारुसमा भइरहेको राष्ट्रपति एलेक्जेन्डर लुकासेन्कोविरुद्धको आन्दोलनमा सरकारी टेलिभिजनकर्मी नै सहभागी भएका छन्।

अगस्ट ९ मा भएको निर्वाचनको परिणाममा राष्ट्रपति लुकासेन्कोले धाँधली गरेको भन्दै भइरहेको प्रदर्शनमा सोमबारदेखि सरकारी टेलिभिजनकर्मी पनि सहभागी भएका हुन्।



भारतीय पूर्वक्रिकेटर चेतन चौहानको कोरोना भाइरसको संक्रमणबाट मृत्यु भएको छ। जुलाई १९ मा कोरोना पुष्टि भएका ७३ वर्षीय चौहानको आइतबार उपचारका क्रममा मृत्यु भएको भारतीय सञ्चारमाध्यमले जनाएका छन्। 

उनी उत्तर प्रदेशको अमरोहा क्षेत्रबाट दुई पटक लोकसभा सदस्यमा समेत निर्वाचित भएका थिए। 



थाइल्यान्डमा राजनीतिक सुधारको माग गर्दै हजारौं सर्वसाधारणले विरोध प्रदर्शन गरेका छन्। राजधानी बैंककमा आइतबार गरिएका प्रदर्शनका सहभागीले संविधान तथा राजसंस्थाको सुधारको माग गरेका हुन्।


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक