छोटकरीमा आज - २०७७ श्रावण १९, सोमबार

आज नेपालमा कोरोना संक्रमण, अब १२ अस्पतालमा प्लाज्मा थेरापीबाट कोरोना संक्रमितको उपचार, लगानी बोर्डमा सुशील भट्ट नियुक्त, शैक्षिक सत्रको नयाँ क्यालेन्डर बन्दै, एसिड पीडितलाई सरकारी जागिरमा प्राथमिकता दिनसंसदीय समितिको निर्देशन, जम्मु–कश्मीरमा ‘गोर्खा’ ले पाए स्थायी बसोबासको प्रमाणपत्र, मेलबर्नमा ६ साता लामो रात्रिकालीन कर्फ्यु, अमिताभ बच्चन अस्पतालबाट डिस्चार्ज, लगायतका विषयवस्तुलाई स्थान दिइएको छ।



सोमबार ४१८ जना थपिएसँगै नेपालमा कोरोना संक्रमितको कुल संख्या २०,७५० पुगेको छ भने मृत्यु हुनेको संख्या ५७ पुगेको छ।

हालसम्म नेपालमा १४,९६२ जना कोरोना संक्रमित निको भएका छन्।

=> PCR परिक्षण : ३,९८,९०७ => क्वारेन्टाइनमा : १०,४५२

सम्बन्धित :

  • उपत्यका काठमाडौंका तीन जिल्लामा सोमबार थप ५१ जनामा कोरोना संक्रमण पुष्टि भएको छ। काठमाडौं जिल्लामा ४३ जना, ललितपुरमा तीन जना र भक्तपुरमा पाँच जना संक्रमित भएको स्वास्थ्य तथा जनसंख्या मन्त्रालयले जनाएको छ।
  • गएका ११ दिनयता कोभिड-१९ को संक्रमणका कारण नेपालमा १२ जनाको मृत्यु भयो, जसमध्ये ११ जना पर्साका हुन् । साउन १६ गते ललितपुरको पाटन अस्पतालमा मृत्यवरण गरेकी एक संक्रमित महिलाको ट्राभल हिस्ट्री पनि वीरगञ्जसँगै जोडिएको छ ।
  • सोमवार अपरान्ह चारबजेसम्म प्राप्त आँकडा अनुसार देशभरमा कोरोनाभाइरस सङ्क्रमित कुल ३६ बिरामीको अवस्था गम्भीर रहेको मन्त्रालयले जनाएको छ। तीमध्ये दुईजनालाई भेन्टिलेटर आवश्यक परिरहेको सो आँकडामा जनाइएको छ।
  • बाँकेमा कोरोना भाइरस(कोभिड–१९) संक्रमितको संख्या दिनहुँ बढ्दै गएको छ । संक्रमितको संख्या बढ्दै गएपछि स्थानीय प्रशासनले आइतबारबाट जिल्लाभर लागु गरेको निषेधाज्ञा जारी छ । आइतबार (९ जना) र सोमबार नेपालगन्ज उपमहानगरपालिकाका एक जनप्रतिनिधीसहित ११ जनामा कोरोना संक्रमण देखिएको छ । 
  • सरकारबाट अनुमति लिएर कोरोना परीक्षण गर्दै आएको विध म्यानेजमेन्ट प्रालिले अब चार हजारमै आरटी–पिसिआर परीक्षण गर्ने भएको छ । विश्वलाई नै आक्रान्त बनाइरहेको कोभिड– १९ को महामारीमा परीक्षणको दायरा बढाउँदै छिटोभन्दा छिटो संक्रमितको पहिचान गर्ने सरकारको अभियानमा साथ दिन पाउँदा खुसी मिलेको म्यानेजमेन्टले जनाएको छ ।
  • राष्ट्रिय स्वास्थ्य अनुसन्धान परिषद् (एनएचआरसी) ले कन्भलेसेन्ट प्लाज्मा थेरापीबाट कोरोना संक्रमितको उपचार गर्न १२ वटा अस्पताल तोकेको छ । नेपालमै पहिलो पटक प्लाज्मा थेरापीबाट उपचार सफल भएलगतै एनएचआरसीले देशभर यसलाई विस्तार गर्न लागेको हो ।


मन्त्रिपरिषद् बैठकले लगानी बोर्डको प्रमुख कार्यकारी अधिकृतमा सुशील भट्टलाई नियुक्त गरेको छ।

भट्टलाई मुलुकका ठूला आयोजना हात पार्न राजनीतिक बिचौलियाको काम गर्ने, हात पारिसकेपछि अलपत्र पार्ने र निर्माणाधीन आयोजनाको लागत बढाई अनियमितता गर्ने गरेको आरोप लाग्ने गरेको छ।



एसिड पीडितलाई सरकारी सेवामा प्राथमिकता दिएर उनीहरुको जिविकोपार्जनका लागि सहज वातावरण बनाउन संसदीय समितिले प्रधानमन्त्री तथा मन्त्रिपरिषद्को कार्यालयलाई निर्देशन दिएको छ।

सरकारी तथ्यांक अनुसार २० जना एसिड पीडित छन्। जसमा १८ महिला र २ पुरुष रहेका छन्।



कोरोना संक्रमण लगातार बढेपछि अस्ट्रेलियाको भिक्टोरिया राज्यमा ‘स्टेट अफ डिजास्टर’ घोषणा गरिएको छ। आइतबार साँझ ६ बजेदेखि शुरु हुने यो घोषणासँगै मेलबर्नमा ६ साताका लागि रात्रिकालीन कर्फ्युको समेत घोषणा गरिएको छ। 



तीन साताको उपचारपछि कोरोनामुक्त भई बलिउडका कलाकार अमिताभ बच्चन नानावती अस्पतालबाट आइतबार डिस्चार्ज भएका छन्। उनलाई ११ जुलाईमा कोरोना पोजेटिभ देखिएको थियो।

पछिल्लोपटक गरिएको कोरोना परीक्षणमा नेगेटिभ रिपाेर्ट आएपछि उनलाई अस्पतालले डिस्चार्ज गरिदिएको हो। 


सम्बन्धित :

  • भारतको केन्द्र सरकारका गृहमन्त्री अमित साहलाई आइतबार कोरोना संक्रमण भएको छ। कोरोनाका लक्षणहरु देखिन थालेपछि मन्त्री साहले परीक्षण गराएका थिए। परीक्षणका क्रममा पोजिटिभ देखिएपछि गृहमन्त्री साह अस्पताल भर्ना भएका छन्।




बेलायतले आउँदो वर्षदेखि अंकमा आधारित अध्यागमन प्रणाली लागू गरी भिसा प्रक्रिया केही सहज बनाउने तयारी गरिरहेको छ। यसबाट अन्तर्राष्ट्रिय विद्यार्थी र दक्ष कामदारलाई बेलायत आउन सहज हुने विश्वास गरिएको छ।

ब्रिटिस सरकारले ब्रेक्जिटपछि युरोपियन युनियन (ईयू) मुलुकका नागरिकको खुला आवतजावत अन्त्य भएसँगै सन् २०२१ जनवरी १ देखि ‘प्वाइन्ट बेस्ड सिस्टम’ लागू गर्न लागेको हो। सन् २०२० को डिसेम्बरदेखि यूके–ईयू खुला आवतजावत बन्द हुँदै छ।



जम्मु–कश्मीरमा ‘गोर्खा’ ले पाए स्थायी बसोबासको प्रमाणपत्र पाएका छन्। मे १८ मा जम्मु–कश्मीर सरकारले त्यहाँ लामो समयदेखि बसोबास गर्दै आएका नेपालीभाषी गोर्खा समुदाय, वाल्मीकि समुदाय र पाकिस्तानबाट आएका मुसलमान शरणार्थीहरूलाई स्थायी नागरिकसरह नै स्थायी बसोबासलगायतका अधिकार उपभोग गर्ने निर्णय सहि आवेदन माग गरेको थियो। प्राप्त आवेदनकै आधारमा जून २६ देखि स्थायी बसोबासको प्रमाणपत्र वितरण सुरु गरिएको थियो।

सम्बन्धित :

गत वर्ष ५ अगस्टअघि जम्मु–कस्मिरभन्दा बाहिरका नागरिकसँग विवाह गर्दा स्थानीय महिला सम्पत्तिको अधिकारबाट वञ्चित हुनुपर्ने थियो। तर, नयाँ परिवेशमा केन्द्रशासित राज्यले भने जम्मु–कस्मिरबाहिर विवाह गरेका महिलाको सम्पत्तिको अधिकार सुनिश्चित गरिदिएको छ।



इरानमा कोरोना भाइरसको संक्रमणबाट मृत्यु हुनेको संख्या त्यहाँको सरकारले सार्वजनिक गरेभन्दा तेब्बर रहेको बीबीसी पर्सियन सेवाको अनुसन्धानले खुलासा गरेको छ । 

इरान सरकारको तथ्यांकअनुसार कोरोना संक्रमणबाट २० जुलाईसम्म देशभर ४२ हजारको मृत्यु भएको देखाउँछ । तर, इरानी स्वास्थ्य मन्त्रालयले भने हालसम्म १४ हजार ४०५ जनाको कोरोना संक्रमणबाट मृत्यु भएको जनाएको छ ।


सम्बन्धित सामग्री

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक

पेट्रोलियममा मूल्यवृद्धिविरुद्ध विद्यार्थीहरूको प्रदर्शन

पेट्रोलियममा गरिएको मूल्यवृद्धिविरुद्ध विद्यार्थीहरूले नेपाल आयल निगमअगाडि प्रदर्शन गरेका छन् । विद्यार्थीहरूले बढाइएको मूल्य तत्काल फिर्ता लिन सरकारसँग माग गरेका छन् । पेट्रोल, डिजेल र मट्टीतेलमा प्रतिलिटर दुई रुपैयाँका दरले बढाइएको छ ।

छोटकरी सम्पादक

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक