छोटकरीमा आज - २०७७ असार श्रावण १२ गते सोमबार

आज नेपालमा कोरोना संक्रमण, ‘इनफ इज इनफ’को सत्याग्रहमा कांग्रेसको ऐक्यबद्धता, सरिता गिरीको स्थानमा लिलादेवी सिटौला भइन् सांसद, उपत्यका प्रवेश गर्नेको नागढुंगामै स्वाब संकलन, दक्षिण कोरियाको आर्थिक वृद्धि २० वर्षयताकै सबैभन्दा कम, चीनको आदेशपछि अमेरिकी कूटनीतिज्ञले छाडे चेङ्‌दु वाणिज्य दूतावास लगायतका विषयवस्तुलाई स्थान दिइएको छ।



शुक्रबार १३९ जना थपिएसँगै नेपालमा कोरोना संक्रमितको कुल संख्या १८,७५२ पुगेको छ भने मृत्यु हुनेको संख्या ४८ पुगेको छ।

हालसम्म नेपालमा १३,७५४ जना कोरोना संक्रमित निको भएका छन्।

=> PCR परिक्षण : ३,४७,२७५ => क्वारेन्टाइनमा : १६,३७१

सम्बन्धित :

  • पछिल्लो दिनहरूमा नेपाल प्रहरीमा कोरोना संक्रमणको जोखिम बढ्दै गएको छ। आजसम्म प्रहरीमा संक्रमितको संख्या १५८ पुगेको छ । जसमा ४ महिला र १५४ पुरुष छ। 
  • राजधानीमा कोरोना संक्रमितको संख्या बढ्न थालेपछि उपत्यका प्रवेशको मूख्य नाका नागढुंगामा नै यात्रीहरुको परीक्षणका लागि स्वाब संकलन थालिएको छ। स्वास्थ्य मन्त्रालय र चन्द्रागिरी नगरपालिका मिलेर थालिएको यो अभियानमा दिनको एक हजार जनाको स्वाब संकलन गर्ने लक्ष्य लिइएको छ।


नेपाल राष्ट्र बैंकले एकीकृत निर्देशकामार्फत् सबै प्रकारका व्यक्तिगत कर्जाको सीमा तोक्दै बैंक तथा वित्तीय संस्थाबाट ५० लाख रुपैयाँसम्मको व्यक्तिगत कर्जा पाइने नियम लागू गरेको छ।

तर, बैंक तथा वित्तीय संस्थाले आफ्नै मुद्दती निक्षेप रसिद, सुन चाँदी एवं नेपाल सरकार वा नेपाल राष्ट्र बैंकको ऋणपत्रको धितोमा कर्जा प्रदान गर्न र शतप्रतिशत नगद मार्जिनमा जमानत जारी गर्न यस व्यवस्थाले बाधा पुर्‍याउने छैन।



भारतले कालापानी, लिपुलेक, लिम्पियाधुरा, गुन्जीलगायत क्षेत्र आफ्नो भूमि रहेको बताउँदै नेपालीहरुको त्यस क्षेत्रमा प्रवेश रोक्न जिल्ला प्रशासन कार्यालय दार्चुलालाई पत्र लेखेको छ।

नेपालले कालापानीदेखि लिम्पियाधुरासम्मको भूभाग समेटेर गत ५ जेठमा नयाँ नक्सा जारी गरेसँगै भारतको असुन्तुष्टि क्रमश: व्यक्त हुँदै आएको बताइएको छ।



सर्वोच्च अदालतले अदालतमा विचाराधीन विषय वा अदालतबाट भएका फैसला र निर्णयका सम्बन्धमा टिकाटिप्पणी गर्दा वा समाचार प्रवाह गर्दा अदालतको मर्यादा र गरिमामा आँच आउन सक्ने तर्फ ध्यान दिन आग्रह गरेको छ।

पछिल्लो समय पत्नी हत्याका दोषी पूर्व प्रहरी अधिकृत रञ्जन कोइरालाको कैद घटाउने र 'हिट एन्ड रन' को केसमा पृथ्वी मल्ललाई धरौटीमा रिहा गर्ने सर्वोच्चका आदेशहरु विवादमा आएका छन्।



देशभरको बाढीपहिरोका कारण देखिएको प्रभावको पछिल्लो वस्तुस्थिति :

  • आइतबार साँझदेखिको अविरल वर्षाका कारण स्यांग्जा स्थित पुतलीबजार नगरपालिका १ र लामागे जोड्ने पुलको एउटा लठ्ठा चुडिएको छ। आँधीखोलामा आएको भेलबाढी र पहिराका कारण आँधीखोला माथि बनेको पुलको लठ्ठा चुडिएको हो। 
  • मुस्ताङको थासाङ गाउँपालिका-२ सौरु गाउँका २२ घरधुरी अहिले बाढी/पहिरोको उच्च जोखिममा छन् । पूर्वतर्फको निलगिरी हिमालको फेदबाट बग्ने ठाडो तम खोलामा पानीको बहाव उच्च हुँदा सौरु गाउँ उच्च जोखिममा परेको हो।
  • कालिकोटका विभिन्न ठाउँमा पहिरो खस्दा विद्युत तथा अन्य सेवाहरु प्रभावित भएको छ। जिल्लाको नरहरीनाथ गाउँपालिका ९ लालुको खुलालु लालु सडकखण्डअन्तरगत गर्खेको भीरमा पहिरो खस्दा एकजना स्थानीय पहिरोमा पुरिएका छन्।
  • झन्डै तीन मिटर सडक भासिएपछि सोमबार बिहान साढे ४ बजेबाट अवरुद्ध सिद्धार्थ राजमार्ग दश घण्टापछि एकतर्फी खुलेको छ। राजमार्गको तिनाउ गाउँपालिका–३ नागमन्दिर नजिकै सडकै भासिने गरी पहिरो खस्दा राजमार्गको तीन मिटर क्षेत्र बगाएको छ। 


निर्वाचन आयोगले सरिता गिरीको ठाउँमा समाजवादी पार्टीको सिफारिसमा लिलादेवी सिटौलालाई संघीय संसदको प्रतिनिनिसभा सदस्यमा निर्वाचित गरेको छ। 

अब छिट्टै प्रतिनिधिसभाको सभामुखद्वारा नवनिर्वाचित सांसद सिटौलालाई सपथ ग्रहणका लागि समय मिलाउने जानकारी प्राप्त भएको छ ।



कोरोना भाइरसको सबल व्यवस्थापन र जनताको जीवनरक्षा गर्न माग गर्दै युवाहरूले सुरु गरेको सत्याग्रहका लागि नेपाली कांग्रेसले ऐक्यबद्धता जनाएको छ। 

इनफ इज इनफ समूहका युवाहरू १० दिनदेखि कोभिड– १९ रोकथाम तथा नियन्त्रणका लागि आरडिटी परीक्षण खारेज गर्न र पिसिआर परीक्षण गर्न माग गर्दै खाना–पानी नखाई सत्याग्रह बसेका छन्। 



लामो छलफल र रस्साकस्सीपछि भारत-फ्रान्सबीच लडाकु विमानसम्बन्धी सम्झौता कार्यान्वयन भएको छ।

फ्रान्स एयरबेसबाट सोमबार उडान भरेका विमानहरु २९ जुलाईमा भारतको अम्बालास्थित भारतीय वायु सेनाको एयरबेसमा ल्यान्ड हुनेछन् ।



अमेरिका र चीनबीच एक–आपसमा आरोप–प्रत्यारोप चर्किएसँगै एक–अर्काे देशमा रहेका महावाणिज्य दूतावास बन्द गर्न निर्देशन दिने क्रम पनि बढेको छ। 

केही दिनअघि अमेरिकाले हुस्टनमा रहेको चिनियाँ महावाणिज्य दूतावास बन्द गर्न निर्देशन दिएलगत्तै चीनले पनि जवाफी निर्णयका रूपमा छेन्दुस्थित अमेरिकी महावाणिज्य दूतावास बन्द गर्न निर्देशन दिएको हो। 

सम्बन्धित :

  • चीनको आदेशपछि अमेरिकी कूटनीतिज्ञहरूले चीनको दक्षिण-पश्चिमी सहर चेङ्दुस्थित अमेरिकी वाणिज्य दूतावास छोडेका छन्। सोमबार कर्मचारीहरूले 'बक्स' फाइल र फोहोर राखिएका झोला बोकेको देखिएको थियो भने त्यहाँस्थित अमेरिकी झण्डा झिकिएको छ। 


अमेरिकामा दिनप्रतिदिन बढ्दो कोरोना भाइरस प्रकोपका कारण अमेरिकी राष्ट्रपति डोनाल्ड ट्रम्पले फ्लोरिडामा आयोजना गर्न लागिएको रिपब्लिकन पार्टीको चुनावी सभा स्थगित गरेका छन्। ह्वाइटहाउसमा आयोजित पत्रकार सम्मेलनमा उनले अर्को महिना ज्याक्सनभिल्लेमा गर्न लागिएको अर्को भेला पनि रद्द गरेको जानकारी दिए। 



दक्षिण कोरियाको अर्थतन्त्र चालू आर्थिक वर्षको दोस्रो त्रैमासिक अवधिमा २० वर्षयताकै सबैभन्दा कम आर्थिक वृद्धि भएको छ ।

केन्द्रीय बैंकले बिहीबार कोरोना भाइरसका कारण निर्यात घटेसँगै अर्थतन्त्रमा ठूलो क्षति पुगेको बताएको हो ।


सम्बन्धित सामग्री

कञ्‍चनपुरको बेलौरीमा प्रहरी र तस्करबीच गोली हानाहान, एक भारतीयको मृत्यु

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको छ। कञ्चनपुरको बेलौरी नगरपालिका ७ पौलाहामा प्रहरी र तस्करबीच गोली हानाहान भएको हो।

छोटकरी सम्पादक

म्यान्मारमा '३८ जनाको मृत्यु, कू यताकै रक्तपातपूर्ण दिन'

म्यानमारमा सेनाको आक्रमणबाट बुधबार एकैदिन ३८ जना प्रदर्शनकारीको ज्यान गएको छ । नेतृ आङ सान सुकीलगायत नेताहरुको रिहाइको माग गर्दै म्यानमारमा १ महिनाभन्दा लामो प्रदर्शन भइरहेको छ ।

छोटकरी सम्पादक

एक विधवा महिला, जसले ६ सय विवाहित पुरुषहरूको खुलेआम कत्लेआम गरिन्!

जूलिया टूफाना मेकअपको भाँडो (काँचको सिसी)मा विष बोकेर हिँड्ने गर्थीन्। वर्षौसम्म सयौँ व्यक्तिहरूलाई मार्दै रहिन्, कसैलाई कानोकान खबर पनि भएन। टूफना कसरी गर्थीन् हत्या? र सुराक किन कसैले भेट्टाएन? छ सयको हाराहारीमा विवाहित पुरुष 'बलीको बख्रो' बन्न उनीसमक्ष कसरी पुगे? प्रश्नहरूको उत्तर खोज्दै जाऔँ!

छोटकरी सम्पादक

पाकिस्तान र टर्कीबीच ऐतिहासिक ‘रेल सेवा’ सुचारु हुने

एक दशकदेखि बन्द रहेको पाकिस्तान र टर्कीबीच मालबाहक रेल सेवा आजदेखि सुरु हुने भएको छ। अहिले विश्व बजारमा चीनको बढ्दो प्रभावलाई फाइदा हुने गरी यो सेवा पुनः सुरु गर्न लागिएको हो।

छोटकरी सम्पादक

संसदलाई कोरोना खोप : योगेश र ईश्वर पोख्रेलको भेट, तर एक अर्कासँग बोल्दै बोलेनन्!

प्रतिनिधिसभाको बैठक नजिकिँदै गर्दा संसद् सचिवालयले सांसदहरूलाई कोरोनाविरुद्धको ‘कोभिसिल्ड भ्याक्सिन’ लगाइदिन सुरु गरेको छ । जहाँ एउटा रमाइलो दृश्य देखियो, नेकपा प्रचण्ड नेपाल खेमाका नेता योगेश भट्टराई र बहालवाला उपप्रधानमन्त्री ईश्वर पोख्रेलबीचको भेट। तर २० मिनेटको अवधि दुवै एक-अर्कासँग बोलेनन्।

छोटकरी सम्पादक

प्रतिनिधि सभा बैठकको सम्पूर्ण तयारी पूरा, ओली र प्रचण्ड समूह आमुनेसामुने हुँदै

पुस ५ गते विघटन भएको प्रतिनिधि सभाको बैठक फागुन २३ गते आइतबार बस्दैछ । पुस ५ गतेदेखि नै आमने सामने हुन नसकेका नेकपाका दुई अध्यक्षद्वय केपी शर्मा ओली र पुष्पकमल दाहाल आइतबार नै संसद् सचिवालयमा आमने सामने हुने देखिएको छ । त्यो दृश्य कस्तो हुनेछ, आउनुहोस् जानौं ।

छोटकरी सम्पादक

यी हुन् नेकपा प्रचण्ड–माधव समूहको केन्द्रीय कमिटी बैठकका निर्णय

नेपाल कम्युनिष्ट पार्टी(नेकपा) प्रचण्ड–माधव समूहको केन्द्रीय कमिटी बैठकले स्थायी कमिटी सदस्य सुवासचन्द्र नेम्वाङसहित ७ जनालाई कारबाही गरेको छ। बैठकले ओलीलले राजीनामा नदिएकोमा निन्दा समेत गरेको छ। थप केके निर्णय भए, आउनुहोस् जानौं।

छोटकरी सम्पादक