आलोचना नगर्ने परम्परा तोड्दै ट्रम्पमाथि खनिए ओबामा

पूर्व राष्ट्रपतिले वर्तमान सरकारमाथि टिप्पणी नगर्ने अमेरिकी शासकीय परम्परालाई तोड्दै ओबामाले ट्रम्प र उनको प्रशासनमाथि आलोचना गरेका हुन्। 

कोरोना (कोभिड–१९) महामारी रोक्न ट्रम्प प्रशासनले अपनाएको तौरतरिकामाथि ओबामाले कडा आलोचना गरेका छन्। महामारी फैलँदै गर्दा ट्रम्प प्रशासनका केही जिम्मेवारी अधिकारीहरुले ढोंग मात्रै देखाएको, तर जिम्मेवारी उठाएको नदेखिएको उनले बताएका छन्। 

कलेज र विश्वविद्यालयमा अध्ययनरत अश्वेत विद्यार्थीहरुको दिक्षान्त समारोहलाई अनलाइनमार्फत सम्बोधन गर्दै ओबामाले गोराभन्दा काला समुदायमा कोरोना प्रभाव बढी देखिएको  यसले अमेरिकी व्यवस्थामा रहेको कमजोरीलाई उजागर गरिदिएको उल्लेख गरे। 

विद्यार्थीहरुलाई सम्बोधन गर्दै ओबामाले भने, 'यो महामारीका बेला जिम्मेवार पदमा रहेका व्यक्तिहरु कस्ता छन् भन्ने थाहा भएको छ, उनीहरुमध्ये धेरै व्यक्तिहरुले त आफू के काममा लागि जिम्मेवार हुँ भन्ने नै देखाउन सकिरहेका छैनन्।' 

कोरोना महामारीले यतिखेर अमरिकाको नस्लीय असमानतालाई उजागर गरिदिएको बताउँदै ओबामाले देशमा काला मानिसहरुले ऐतिहासिक रुपमा खराब अवस्था सामना गरिरहेको उल्लेख गरे। 

विहान मर्निङ वाक गर्न हिँडेका काला मानिसलाई कसरी रोक्न सकिन्छ भनेर केही मानिसले सोचिरहेका हुन्छन्, प्रश्न गर्दा जवाफ नपाए उनीहरुलाई सीधै गोली हानेर हत्या गरिन्छ। 

२३ फरबरीको बिहान मर्निङ वाकमा निस्केका अहमद आर्बरीलाई २५ वर्षीय एक युवकले गोली हानी हत्या गरेको घटनातर्फ ओबामाले संकेत गरेका थिए। 

ट्रम्पमाथि टिप्पणी 

सन् २०१७ मा पद छाडेयता ओबामाले सार्वजनिक रुपमा वर्तमान राष्ट्रपति ट्रम्प र उनको प्रशासनमाथि टिप्पणी गरेका थिएनन्। तर आठ मार्चका दिन आफ्ना पूर्व सहयोगी र अधिकारीहरुसँगको कुराकानीका क्रममा ओबामाले ट्रम्पको कामकारबाहीप्रति निकै गम्भीर टिप्पणी गरेका थिए। 

उनले त्यतिखेर भनेका थिए, 'कोही व्यक्तिले सपथ लिएर पनि झुठो बोलेको उदाहरण आजसम्म कतै पाइएको छैन, कानुनी शासनमाथि नै यो निकै ठूलो खतरा हो।'

ट्रम्पका पूर्व सुरक्षा सल्लाहकार के माइकल फ्लिनमाथि लागेको सबै आरोप खारेज गरिएपछि ओबामाले ट्रम्पमाथि आलोचना गरेको मा उल्लेख छ।  
 

सम्बन्धित सामग्री

मिसेल ओबामाले भनिन् - ट्रम्प अमेरिकाका लागि गलत राष्ट्रपति

वाशिङ्टन । अमेरिकी पूर्व प्रथम महिला मिसेल ओबामाले राष्ट्रपति डोनाल्ड ट्रम्पको चर्को आलोचना गरेकी छन्

बाह्रखरी

‍कोरोना भाइरस: ओबामाले फेरि ट्रम्पको आलोचना गरे

अमेरिकी पूर्वराष्ट्रपतिले सरकारका प्रमुख अधिकारीहरू कोरोनाभाइरसको विषयमा जिम्मेवारी लिए जस्तो पनि नगरेको बताएका छन्।

बीबीसी नेपाली

ओबामाले गरे ट्रम्पको आलोचना

२८ वैशाख, काठमाडौं । अमेरिकी पूर्वराष्ट्रपति बाराक ओबामाले राष्ट्रपति डोनाल्ड ट्रम्पको आलेाचना गरेका छन् । कोरोना भाइरस (कोभिड-१९) नियन्त्रणको लागि ट्रम्पले लिएको नीतिको ओबामाले विरोध गरेका हुन् । उनले अहिले अमेरिकाले कोरोना भाइरसको नियन्त्रणको लागि …

अनलाइनखबर

अमेरिकी कोसँग बढी प्रभावित छन्, ट्रम्प वा ओबामा ?

अमेरिकाका वर्तमान राष्ट्रपति डोनाल्ड ट्रम्प वा पूर्वराष्ट्रपति बाराक ओबामा फेरि एकपटक आमनेसामने भएका छन्, तर यो वर्ष कोही विजेता र कोही पराजित भएका छैनन् । दुवैबीचको मुकाबिला बराबरी रहेको छ । एक अमेरिकी एजेन्सीले गरेको सर्भेमा डोनाल्ड ट्रम्प र बाराक ओबामा सर्वाधिक प्रशंसनीय व्यक्तिको सूचीमा बराबारीमा आएका छन् । यो सूचीमा बाराक ओबामा लगातार रहँदै आएका थिए भने डोनाल्ड ट्रम्पले उनलाई यसपटक टक्कर दिएका छन् ।

कारोबार दैनिक