कोरोना उपचारमा 'उपयोगी मानिएको' दश लाख ट्याब्लेट मलेरियाको औषधि भारतले नेपाललाई दिँदै, अमेरिकाले पाउने भयो ३५ लाख ८२ हजार

भारत सरकारले नेपाललाई १० लाख हाइड्रोक्लोरोक्विन ट्याब्लेट दिने भएको छ। मलेरियाविरुद्ध प्रयोग हुने हाइड्रोक्लोरोक्विन निर्यातमा भारतले पहिला प्रतिबन्ध लगाएको थियो। पछि अमेरिकी राष्ट्रपति डोनाल्ड ट्रम्पले हाइड्रोक्लोरोक्विन दिन आग्रह गरेपछि नरेन्द्र मोदी सरकारले निर्यातमा लगाएको प्रतिबन्ध फुकुवा गरेको थियो। हाइड्रोक्लोरोक्विन ट्याब्लेट मलेरियाको उपचारमा प्रयोग गरिन्छ। 

प्रतिबन्ध हटाएसँगै भारतले अमेरिकासहित १३ देशलाई हाइड्रोक्लोरोक्विन दिने भएको हो। जसमा नेपाललाई १० लाख ट्याब्लेट दिइने बताइएको छ।

एएनआइका अनुसार भारतले अमेरिकालाई ३५ लाख ८२ हजार ट्याब्लेट दिने जनाएको छ। अमेरिकाले भारतसँग ४८ लाख ट्याब्लेट मागेको थियो।

यस्तै, ब्राजिल, जर्मनी र क्यानडामा ५० – ५० लाख ट्याब्लेट पठाइनेछ। दक्षिण एसियाली राष्ट्रहरुलाई समेत भारतले ट्याब्लेट दिने भएको छ। जसअन्तर्गत बंगलादेशले २० लाख, भुटानले २ लाख, श्रीलंकाले १० लाख,अफगानिस्तानले ५ लाख र माल्दिभ्सले २ लाख हाइड्रो क्लोरोक्विन ट्याब्लेट पाउनेछन्।

 

अमेरिकी राष्ट्रपति ट्रम्पले पनि हाइड्रोक्लोरोक्विन रक्लोरोक्विनको प्रयोगबाट कोरोना भाइरसबाट संक्रमितको उपचार हुन सक्ने दाबी गरेका थिए। त्यसयता, यस एन्टी मलेसिया ड्रगको माग बजारमा बढेको थियो।

भारतमा भने इन्डियन काउन्सिल अफ मेडिकल रिसर्च (आइसिएमआर) ले गत सोमबार कोरोना भाइरसबाट संक्रमित र आशंका गरिएका व्यक्तिहरुको उपचारमा संलग्न चिकित्सक र स्वास्थ्यकर्मीमा प्रयोग गर्न सक्ने भन्दै सिफारिस गरेको थियो।

आइसिएमआरका निर्देशक बलराम भारगवले कोरोनाभ सो ‘एन्टी मलेरिया ड्रग’ को प्रयोग भाइरस संक्रमित व्यक्तिहरुसँग सम्पर्कमा रहेका तर कुनै लक्षण नदेखिएका व्यक्तिहरुमा समेत प्रयोग गर्न सक्ने बताएका थिए।

सम्बन्धित सामग्री

भारतले हाइड्रोक्सिक्लोरोक्‍वाइन निर्यातको प्रतिबन्ध हटायो

नयाँदिल्ली । भारतले हाइड्रोक्सिक्लोरोक्‍वाइनको निर्यातमा लगाएको प्रतिबन्ध हटाएको छ ।  यसअघि अमेरिकी

बाह्रखरी

कोरोना उपचारमा मलेरियाको औषधिः अध्ययन भन्छ, 'प्रयोगले केही फाइदा भएको छैन'

मलेरियाविरुद्ध प्रयोग हुने हाइड्रोक्सिक्लोरोक्वीनको प्रयोग कोरोना भाइरस संक्रमितमा गर्न हुने वा नहुने भन्ने बारेमा अहिले बहस भइरहेको छ। अमेरिकी राष्ट्रपति डोनाल्ड ट्रम्पले संक्रमितको उपचारमा हाइड्रोक्सिक्लोरोक्वीनको प्रयोग हुन सक्ने बताएसँगै भाइरस प्रभावित देशहरुमा यसको प्रयोग बारेमा अनुसन्धान समेत भइरहेको छ। हाइड्रोक्सिक्लोरोक्वीन सबैभन्दा बढी उत्पादन गर्ने राष्ट्र मध्येको एक भारतले त

पहिलो पोस्ट

ट्याबलेट आपूर्तिप्रति ट्रम्पले भारतलाई दिए धन्यवाद

कोरोनाभाइरसको उपचारमा प्रयोग हुने हाइड्रोक्सीक्लोरोक्विनको आपूर्तिप्रति अमेरिकी राष्ट्रपति डोनाल्ड ट्रम्पले भारतलाई धन्यवाद दिएका छन् । एक ट्वीटमा उनले भनेका छन्,“कठिन समयमा साथी–साथीबीच र सहयोगको आवश्यकता पर्छ । हाइड्रोक्सीक्लोरोक्विनमा पैmसला लिएकोमा भारत र भारतीय जनतालाई धन्यवाद । यसलाई हामी बिर्सन सक्दैनौ ।

कारोबार दैनिक

ट्रम्पको आग्रहपछि भारतले औषधी निर्यात प्रतिबन्ध हटायो

अमेरिकी राष्ट्रपति डोनाल्ड ट्रम्पले कोरोनाभाइरस विरुद्धको लडाईमा “गेम चेन्जर”को संज्ञा दिनुभएको हाइड्रोक्सीक्लोरोक्वीन औषधीको निर्यातमा भारतले प्रतिबन्ध लगाएको थियो ।

गोरखापत्र

ट्रम्पले प्रतिकार गर्ने धम्की दिएपछि भारतले फिर्ता लियो औषधि निर्यातको प्रतिबन्ध

भारत सरकार हाइड्रोक्सिक्लोरोक्विन नामक औषधिको निर्यातमा लगाइएको प्रतिबन्ध फिर्ता गर्न सहमत भएको छ। अमेरिकी राष्ट्रपति डोनाल्ड ट्रम्पले कोरोना भाइरस डिजिज (कोभिड-१९)को उपचारमा उक्त औषधि अत्यन्त महत्वपूर्ण रहेको बताउँदै आएका छन्। राष्ट्रपति ट्रम्पले औषधिको निर्यात सहज नगरे प्रतिकार गर्ने बताएपछि चिकित्सा विशेषज्ञहरूको आरक्षणका बावजुद भारतले प्रतिबन्ध फिर्ता गर्ने निर्णय लिएको

पहिलो पोस्ट