पशुपतिमा पर्यटन मन्त्रीकाे आठ घण्टा : मन्दिरदेखि शाैचालयसम्मकाे निरीक्षण

काठमाण्डाै – संस्कृति, पर्यटन तथा नागरिक उड्डयन मन्त्री योगेशकुमार भट्टराईले शनिबार पशुपतिनाथ क्षेत्रको स्थलगत अवलोकन गर्नु भएको छ ।

मन्त्री भट्टराईले पशुपति क्षेत्र  विकास कोषको चार किल्लाभित्रको समग्र क्षेत्रको आठ घण्टा पैदल हिँडेर निरीक्षण गर्नु भएको हो । पर्यटन मन्त्रीका साथमा मन्त्रालयका सचिव केदारबहादुर अधिकारी, कोषका सदस्य सचिव डा. प्रदीप ढकाल लगायतकाे सहभागिता रहेकाे थियो ।

मन्त्री भट्टराईले पशुपतिनाथको मूल मन्दिरसँगै अन्य धार्मिक महत्वका मठमन्दिरको अवलोकन गर्नु भएको थियो । त्यसैगरी भूकम्पपछिको पुनर्निर्माण भएका सम्पदा र पुनर्निर्माण हुन बाँकी सम्पदा, प्रमुख बगैँचा, धर्मशाला, गौशाला, भेटीघाटी व्यवस्थापन, मन्दिरको सुरक्षा, घाट व्यवस्थापन, धारा, पानी, बिजुली तथा पशुपति परिसरभित्रका सार्वजनिक शौचालयको अवस्था, कैलाश क्षेत्र, मृगस्थली, गौरीघाट क्षेत्रलगायत स्थलको हिँडेरै अवलोकन गर्नु भएको थियो ।

मन्त्री भट्टराईले पशुपति क्षेत्र परिसरको सरसफाइ, तीर्थयात्रीको समस्या आदिबारे स्थलगत जिज्ञासा राख्नु भएको थियो । मन्त्रीसहितको टोलीले गोठाटारमा रहेकाे कोषको तीन सय ३४ रोपनी क्षेत्रफलको जग्गाको पनि अवलोकन गरेको थियो । त्याे ठाउँमा अन्तर्राष्ट्रिय धार्मिकस्थल बनाउने जनाइएको छ ।

निरीक्षणका क्रममा मन्त्री भट्टराईले पशुपति क्षेत्रभित्रको समग्र सुधार र आगामी योजनाबारे तीन दिनभित्र विस्तृत प्रतिवेदन पेस गर्न कोषलाई निर्देशन पनि दिनुभयाे । 

सम्बन्धित सामग्री

पशुपतिको सम्पत्तिमा व्यक्ति र स्वार्थ समूहले आँखा गाडे : पर्यटनमन्त्री

२८ असार, काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले पशुपतिनाथ मन्दिरको सम्पत्तिमा व्यक्ति तथा समूहहरुले आँखा गाडेको बताएका छन् । आइतबार पशुपति क्षेत्र विकास कोषका पदाधिकारीसँगको छलफलमा मन्त्री भट्टराईले निजी स्वार्थका लागि पशुपतिनाथको सम्पत्तिमा …

अनलाइनखबर

पशुपति क्षेत्रको सौन्दर्यीकरण गर्छौं : मन्त्री भट्टराई

काठमाडौं : संस्कृति पर्यटन तथा नागरिक उड्डयन मन्त्री योगेश भट्टराईले धार्मिक र पवित्र स्थलको अनुभूति हुने गरी पशुपति क्षेत्रको सौन्दर्यीकरण गरिने बताएका छन्।​ पशुपति मन्दिरको दक्षिण द्वारको मंगलबार उद्घाटन गर्दै मन्त्री भट्टराईले यस्तो बताएका हुन्। सो द्वार नेपाल एसबीआई बैंकको लगानीमा निर्माण भएको हो।  ...

थाहा खबर

पशुपती क्षेत्रको सौन्दर्यता विकास गरिने

संस्कृति पर्यटन तथा नागरिक उड्डयन मन्त्री योगेश भट्टराईले धार्मिक र पवित्र स्थलको अनुभूति हुने गरी पशुपती क्षेत्रको सौन्दर्यता विकास गरिने बताएका छन्। पशुपती मन्दिरको दक्षिण द्वारको मंगलबार उद्घाटन गर्दै मन्त्री भट्टराईले पशुपती क्षेत्रको सुन्दरतामार्फत भक्तजनहरुलाई धार्मिक र पवित्र तिर्थस्थलमा प्रवेश गरेको अनुभूति दिने गरी पशुपति क्षेत्रको विकास गर्न लागिएको बताए।

नागरिक दैनिक

क्वारेन्टाइनका लागि मन्त्री भट्टराईको दौडधुप

संस्कृति, पर्यटन तथा नागरिक उड्डयन मन्त्री योगेश भट्टराईले कोरोनाभाइरस संक्रमितहरुका लागि क्वारेन्टाइन निर्माण गर्न विभिन्न स्थानहरुको स्थलगत निरीक्षण गरेका छन् । मन्त्री भट्टराईले बुधबार काठमाडौंको नगरकोट, दुवाकोट र पशुपति धर्मशालाको स्थलगत निरीक्षण गरेर सरोकारवालाहरुसँग छलफल गरेका हुन् ।

कारोबार दैनिक

पशुपतिमा पर्यटनमन्त्रीले हेरे सार्वजनिक शौचालयदेखि घाटसम्मको अवस्था

२६ पुस, काठमाडौं । संस्कृति, पर्यटन तथा नागरिक उड्ययनमन्त्री योगेश भट्टराईले शनिबार पशुपति मन्दिर क्षेत्रको अवलोकन तथा निरीक्षण गरेका छन् । उनले पशुपति क्षेत्रभित्रका प्रायः सबै भागमा पुगेर त्यहाँको वस्तुस्थिति र व्यवस्थापनको अवस्थाबारे जानकारी लिए …

अनलाइनखबर