बजेटको प्राथमिकता कोरोना नियन्त्रण

प्रधानमन्त्री केपी शर्मा ओलीले नयाँ आर्थिक वर्षको बजेट कोरोना (कोभिड–१९) नियन्त्रणलाई मुख्य प्राथमिकता दिएर ल्याउन लागिएको बताउनुभएको छ । बजेटमा सस्तो लोकप्रियता कमाउने गरी कार्यक्रम नराखिने तर महामारी नियन्त्रणसँगै देशको आर्थिक तथा सामाजिक विकासको गतिलाई उच्च पार्ने खालका महŒवपूर्ण कार्यक्रम भने समावेश गरिने उहाँले स्पष्ट पार्नुभएको छ । प्रेस चौतारी नेपालको आयोजनामा बालुवाटारमा आइतबार आयोजित कार्यक्रममा प्रधानमन्त्री ओलीले आगामी निर्वाचनअघि नै सबैलाई खोप लगाउने प्रयासलाई बजेटले सम्बोधन गर्ने छ भन्नुभयो । संवैधानिक व्यवस्थाअनुसार जेठ १५ गते आगामी आर्थिक वर्ष २०७८÷७९ को बजेट ल्याउन अर्थ मन्त्रालयले तयार गरिरहँदा प्रधानमन्त्री ओलीले बजेटका प्राथमिकता स्पष्ट पार्नुभएको हो ।