सेयर बजारमा सट्टेवाज हावी

सेयर बजारमा सट्टेवाज हावी भएपछि अस्वाभाविक उतारचढाव देखिन थालेको छ । सट्टेवाजले बजार चलाउन थालेपछि साना तथा नयाँ लगानीकर्तामा अन्योल उत्पन्न भएको छ । पछिल्ला केही साता उच्च अंकले बढेको सेयर बजारमा गत साताको मध्यदेखि करेक्सन सुरु भएको थियो । चार दिन निरन्तर घटेको नेपाल स्टक एक्सचेन्ज(नेप्से) परिसूचक सोमबार पुनः करिब २२ अंकले वढेको छ । यो साताको पहिलो दिन आइतबार १६ अंकले घटेको नेप्से सोमबार बढे पनि लगानीकर्ता बजारको दिशाप्रति अन्योलमै छन् । बजारमा देखिएको बुलिस र बियरिस प्रवृत्तिमा उच्च अंकको रहेको हुनाले लगानीकर्ता लगानी गर्ने कि नगर्ने भन्नेमा अन्योल छ ।