महिलामाथिको हिंसा सह्य छैन

काठमाडौं। प्रधानमन्त्री केपी शर्मा ओलीले महिलामाथि कुनै प्रकारको हिंसा हुन नदिइने प्रतिबद्धता व्यक्त गरेका छन् ।

 

प्रतिनिधिसभाको आजको बैठकमा सांसदले आर्थिक वर्ष २०७६/७७ को नीति तथा कार्यक्रममाथि उठाएका प्रश्नको जवाफ दिँदै प्रधानमन्त्री ओलीले महिलामाथि हिंसा भएमा पीडकमाथि कडा कानूनी कारवाही गरिने बताए  । महिलाको सशक्तीकरणका लागि थुप्रै कार्यक्रम ल्याइएको जानकारी दिँदै उनले महिलाको समस्याका रुपमा रहेको स्तन क्यान्सरको निःशुल्क परीक्षण गर्न सक्ने व्यवस्था मिलाइएको बताए । उनले भने, “सबै सामुदायिक विद्यालयमा निःशुल्क सेनेटरी प्याड वितरण,  महिला उद्यमीको क्षमता वृद्धि, सम्पत्तिको अधिकार बढाउन विविध कार्यक्रम ल्याइएको छ ।”

 

पूर्वाधार, कृषिको विकास, विद्युतीकरण र  पर्यटनको विकास गर्नु नीति कार्यक्रमको प्राथमिकता रहेको दोहोर्याउँदै उनले डिजिटल नेपाल र  साक्षर नेपाललाई सार्थक बनाउन सरकार क्रियाशील रहेको बताए ।

 

नेपालमा अब निरपेक्ष गरीबी एक दुई वर्षभन्दा अगाडि नजाने जिकिर गर्दै उनले भने, “अब कोही भोकै मर्दैन, भोकै पर्दैन, आवासविहीन हुँदैन, आधारभूत शिक्षा निःशुल्क र  खाजाको समेत व्यवस्था गरेका छौँ । स्वाथ्य बीमा कार्यक्रम ल्याइएको छ ।” सडकमा अलपत्र बेसहारा, अशक्त, अपाङ्गता भएका व्यक्तिको सरकारले संरक्षण गर्ने उनको भनाइ थियो ।

 

प्रधानमन्त्रीले आगामी आर्थिक वर्षभित्र मेलम्ची खानेपानी आयोजना सम्पन्न गर्ने गरी प्रक्रिया अगाडि बढाइने पनि बताए  ।

सम्बन्धित सामग्री

महाकाली सन्धिमा नदी बेचेको हाेइन, फिर्ता ल्याइएको हाे : प्रधानमन्त्री ओली

कैलाली – प्रधानमन्त्री केपी शर्मा ओलीले महाकाली नदी बेचेको नभइ फिर्ता ल्याएको बताउनुभएको छ । कञ्चनपुरको वेदकोट नगरपालिकामा दैजी छेला औद्योगिक क्षेत्रको शिलान्यास गर्दै प्रधानमन्त्री ओलीले यस्तो बताउनुभएको हो । ‘मैले धेरै गाली खाएको तपाईँहरूलाई थाहा होला । महाकाली सन्धि गरेर नदी बेच्यो भनेर आरोप लगाइन्छ’, प्र...

उज्यालो अनलाइन

कोरोना महामारीमा निरोगी बन्न प्रधानमन्त्री ओलीका यस्ता छन् पाँच सुझाव

काठमाडौं : प्रधानमन्त्री केपी शर्मा ओलीले कोरोना भाइरस निरोगी नेपाल निर्माणका लागि ५ कार्य गर्न आग्रह गरेका छन्। ओलीले राष्ट्रका नाममा सम्बोधन गर्दै निरोगी नेपाल निर्माण गर्न उपाय अपनाउन सुझाव दिएका हुन्। ओलीले हामीले खाने खाद्यन्नमा औषधीजन्य वस्तु भएको पनि बताए। उनले महामारीमाथि नियन्त्रण गर्ने उपलब्ध उपाय भनेकै हाम्रो

पहिलो पोस्ट

ठेक्कामा विलम्ब हुन नदिइने

काठमाडौँ। प्रधानमन्त्री केपी शर्मा ओलीले ठेकेदारको क्षमतानुसार मात्र ठेक्का दिइने बताएका छन् ।   मुलुकको विकासनिर्माणको स्थिति बिग्रेको उल्लेख गर्दै प्रधानमन्त्री ओलीले अब ठेकेदारको क्षमतानुसार मात्र ठेक्का दिइने बताए । प्रतिनिधिसभाको आजको बैठकमा सांसदले ...

नेपाल आज

सांस्कृतिक विविधता नेपालको पहिचान : प्रधानमन्त्री ओली

काठमाडौं । प्रधानमन्त्री केपी शर्मा ओलीले सांस्कृतिक विविधता नेपालीको पहिचान भएको बताएका छन। ग्याल्बो ल्होसारको उपलक्ष्यमा बिहीबार एक शुभकामना सन्देश जारी गर्दै प्रधानमन्त्री ओलीले सो कुरा उल्लेख गरेका हुन्।    प्रधानमन्त्री ओलीले नेपालको भूगोलमा ...

नेपाल आज

महिलाले आरक्षण माग्ने होइन प्रतिस्पर्धा गर्नुपर्छ : प्रधानमन्त्री ओली

प्रधानमन्त्री केपी शर्मा ओलीले महिलालाई आरक्षण र संरक्षणमा भन्दा क्षमता र प्रतिस्पर्धामा विश्वास गर्न आग्रह गरेका छन्। महिला उद्यमी महासंघद्वारा विहीबार ललितपुरको सानेपामा आयोजित ‘तेस्रो अन्तर्राष्ट्रिय महिला उद्यमी व्यापार मेला २०७४’ को उद्घाटन गर्दै प्रधानमन्त्री ओलीले आरक्षण होइन प्रतिस्पर्धा गर्न आह्वान गरेका हुन्। ‘आरक्षण केही समयलाई हो। पछिलाई काम लाग्दैन’, उनले भने।

Nagarik

महिलालाई पुरुषसरह अधिकारको व्यवस्था हुन्छ : प्रधानमन्त्री ओली

८ चैत, काठमाडौं । प्रधानमन्त्री केपी शर्मा ओलीले महिलाहरुलाई पुरुषसरह अधिकारको व्यवस्था गर्ने घोषणा गरेका छन् । प्रधानमन्त्री ओलीले हालैका निर्वाचनहरुबाट ४१ प्रतिशत महिला निर्वाचित भएको स्मरण गराउँदै अब कानुनी रुपमा पुरुष सरहनै महिला निर्वाचित हुने व्यवस्था गर्ने प्रतिवद्धता जनाएका हुन् । उनले महिला कार्यक्रमका लागि सरकारले बजेटको अभाव हुन नदिने प्रतिवद्धता …

OnlineKhabar