जनप्रतिनिधिलाई भ्रष्टाचारबाट टाढा रहन प्रधानमन्त्रीको निर्देशन, टाढैबाट हेर्दा मात्र होइन नजिकबाट हेर्दापनि दाग नदेखियोस :: Pahilopost.com

काठमाडौँः प्रधानमन्त्री केपी शर्मा ओलीले स्थानीय तहका जनप्रतिनिधिहरूलाई भ्रष्टाचारबाट टाढा रहेर काम गर्न निर्देशन दिएका छन्। गाउँपालिका राष्ट्रिय महासंघको राष्ट्रिय महाधिवेशनको उद्घाटन गर्दै प्रधानमन्त्री ओलीले यस्तो निर्देशन दिएका हुन्। 

‘भ्रष्टाचार, कुशासन जस्ता कुराबाट अलग रहेर काम गर्नुहोला, तपाईँहरूमा यसको दाग नलागोस,’ उनले भने, ‘तपाईँहरूलाई टाढाबाट हेर्दा मात्र होइन नजिकबाट हेर्दा पनि दाग नदेखियोस।’ 

प्रधानमन्त्री ओलीले सिंहदरबारका अधिकार गाउँका जनताले महसुस गर्नुपर्ने बताए। ‘राजनीतिक नेतृत्वले सिंहदरबारका अधिकार गाउँमा पुगेको भने पनि जनताले त्यो कुरा महसुस गरे कि गरेनन् भन्ने कुरा महत्त्वपूर्ण हो, प्रधानमन्त्री ओलीले भने, ‘संहदरबारका अधिकार गाउँमा पुगेको जनताले अनुभूति गर्ने गरी तपाईँहरूले काम गर्नुहोस्।’ 

प्रधानमन्त्री ओलीले सरकारका अधिकारको बाँडफाँडको नयाँ अभ्यास गरेको भन्दै यसलाई सफल बनाएर जनतालाई संघीयताको सकारात्मक सन्देश दिनुपर्ने बताए। 

स्थानीय तहमा युवा र महिला जनप्रतिनिधिको संख्या उल्लेख्य भएकोले धेरै काम हुनेमा आफू आशावादी रहेको प्रधानमन्त्री ओलीले बताए। 

‘अहिले ५१ प्रतिशत उपाध्यक्ष ४० वर्ष भन्दा मुनिका छन्, ४० प्रतिशत जनप्रतिनिधि त महिला नै छन्,’ प्रधानमन्त्री ओलीले प्रश्न गर्दै अगाडि भने, ‘यस्तो बेलामा पनि स्थानीय तहको विकास नभए कहिले होला त?’

कार्यक्रममा प्रधानमन्त्री ओलीले स्थानीय तहमा भएको कर्मचारीको अभाव चाँडै पुरा गरिने प्रतिबद्धता व्यक्त गरे। सरकारले कर्मचारी समायोजनको काम अघि बढाइ सकेको भन्दै केही समयभित्रै स्थानीय तहमा कर्मचारी पुग्ने प्रधानमन्त्री ओलीको भनाई थियो। 

प्रधानमन्त्री ओलीले पूर्वाधार, विद्यतु, वैकल्पिक उर्जा, सञ्चार आदि क्षेत्रको विकासमा लाग्न प्रधानमन्त्री ओलीले जनप्रतिनिधिहरूलाई आग्रह गरे।

सम्बन्धित सामग्री

प्रधानमन्त्रीको व्यवहार नसुध्रिएसम्म भ्रष्टाचार रोकिन्न

नेपालमा भ्रष्टाचार नियन्त्रणको लागि विभिन्न निकायले जोडतोडका साथ काम गरिरहेको दाबी गरिरहेका छन् । प्रधानमन्त्री केपी शर्मा ओलीले पनि हरेक भाषणमा आफूलाई भ्रष्टाचार सैह्य नहुने र भ्रष्टाचार गर्नेलाई नछाड्ने प्रतिवद्धता जनाउनुभएको छ । अख्तियार दुरुपयोग अनुसन्धान आयोगले हरेक दिन कयौँ व्यक्तिलाई पक्राउ गरेका समाचार सार्वजनिक भएका छन्...

उज्यालो अनलाइन

रामको जन्मभुमी माडी नै हो : प्रधानमन्त्री

काठमाडौं । प्रधानमन्त्री केपी शर्मा ओलीले भगवान श्रीरामको जन्मभूमि नेपाल नै भएको दावी गर्दै अयोध्याधाममा राम मन्दिर बनाउन माडीका जनप्रतिनिधिहरुलाई निर्देशन दिएका छन् । प्रधानमन्त्री ओलीको निम्तोमा माडी नगरपालिकाका जनप्रतिनिधिहरु प्रधानमन्त्रीलाई भेटन काठमाडौं आएका थिए । शनिबार बालुवाटारमा प्रधानमन्त्री र जनप्रतिनिधीविच भेटघाट भएको थियो । प्रधानमन्त्री ओलीले रामको जन्मभूमि माडीको अयोध्यापुरी नै भएको बताउदै त्यो …

राजधानी दैनिक

बुद्धिको दुरुपयोग हुँदा भ्रष्टाचार भयोः प्रधानमन्त्री

काठमाडौंः प्रधानमन्त्री केपी शर्मा ओलीले भ्रष्टाचार ‘हुन नदिने’ आफ्नो संकल्प पुनः दोहोर्याएका छन्।  प्रधानमन्त्री ओलीले भ्रष्टाचार नियन्त्रणका लागि आफूले कोसिस गरिरहेको पनि स्पष्ट पारे। भ्रष्टाचारविरुद्धको अन्तराष्ट्रिय दिवसको अवसर पारेर काठमाडौंमा आयोजित एक कार्यक्रममा बोल्दै उनले ‘म भ्रष्टाचार गर्दिन’ भ...

थाहा खबर

स्याउ फार्ममा चर्को भाषण, सेनाको अनियमिततामा चाहिँ नजरअन्दाज :: Pahilopost.com

दिपेश घिमिरे - गत असोजको अन्तिम साता प्रधानमन्त्री केपी ओली मनाङको भ्राताङस्थित एग्रो मनाङ स्याउ फार्मको उद्घाटन गर्न पुगे। उक्त अवसरमा प्रधानमन्त्री ओलीले प्रभावकारी ढंगले भ्रष्टाचार नियन्त्रणका गतिविधि अगाडि बढाइने बताए। उनले भ्रष्टाचार गर्नेलाई कडा कारबाही गर्ने चेतावनी दिए। भ्रष्टाचारीको मुख र पद नहेर्ने र जुन सुकै तहको भए

पहिलो पोस्ट

बेथिति अन्त्य गरेरै छाड्छौं : प्रधानमन्त्री ओली (भिडियो रिपोर्ट)

प्रधानमन्त्री केपी शर्मा ओलीले सुशासनमा देखिएका बेथितिलाई अन्त्य गरेरै छाड्ने अठोट व्यक्त गरेका छन्। मंगलबार काठमाडौंको कोटेश्वरस्थित महादेवस्थान नजिक निर्माण गरिएको मदन भण्डारी स्मृति पार्कको उद्घाटन गर्दै उनले सो अठोट व्यक्त गरेका हुन्। प्रधानमन्त्री ओलीले भने, ‘सरकार देश बनाउने संकल्पमा दृढ छ । भ्रष्टाचार हुन दिन्नौँ, सुशासन र पारदर्शिता कायम गर्छौं । बेथितिका अगाडि सरकार…

सेतोपाटी