काठमाडौं (अस) । राष्ट्रिय परीक्षा बोर्डले माध्यमिक शिक्षा परीक्षा (एसईई) वैशाख ९ गतेदेखि गर्ने भएको छ । बोर्डले बुधवार परीक्षाको समयतालिका सार्वजनिक गरेको हो । बोर्डले परीक्षाको समयतालिका भने बिहीवार सार्वजनिक गरिने बताएको छ । बोर्डले परीक्षार्थीलाई दुई महीना पढ्न समय दिने गरी परीक्षाको समयतालिका सार्वजनिक गरिने जानकारी दिएको छ ।
यसअघि नियमित तालिकाअनुसार चैत महीनामा एसईई हुने गर्थ्यो। कोरोना महामारीका कारण पाठ्यक्रम अझै अधुरो रहेकाले समय सारेर वैशाखमा परीक्षा सञ्चालन गर्न लागिएको हो । कोरोनाका कारण विगत २ वर्ष आन्तरिक मूल्यांकनका आधारमा नतिजा प्रमाणीकरण गरेर प्रकाशित गरिएको थियो ।
