ललितपुर महानगरपालिका वार्ड नम्बर १० का अध्यक्ष नरसिंह व्यञ्जनकार ८१ वर्षका भए । आउँदो स्थानीय निर्वाचनमा उनी फेरि वडाध्यक्षमा उम्मेदवारी दिने तयारीमा छन् । ‘यो उमेरमा पनि फेरि चुनाव ?,’ रातोपाटीको प्रश्नमा व्यञ्जनकारले भने, ‘मैले शुरु गरेका काम नै सकिएको छैन । ती काम पूरा गर्न फेरि चुनाव जित्नु छ ।’‘आधा भन्दा धेरै काम सम्पन्न भैसकेका छन् । तर समय अभावका कारणले विकास निर्माणका सबै काम सम्पन्न गर्न सकिएन । मैले जनतालाई देखाएको सपना म आफैं पूरा गर्न चाहन्छु,’ उनल