जेठ ५, काठमाडौं । सरकारले सार्वजनिक बिदाको दिन सरकारी गाडी चलाउन रोक लगाउने निर्णय गरेको छ ।
शनिवार र आइतवार सार्वजनिक बिदा दिने निर्णयपछि जिल्ला प्रशासन कार्यालय काठमाडौंले उक्त दिन सरकारी सवारीसाधन चलाउन रोक लगाउने निर्णय गरेको हो ।
बिहीवार बसेको जिल्ला सुरक्षा समितिको बैठकले यस्तो निर्णय गरेको जिल्ला प्रशासन कार्यालयले जानकारी दिएको छ ।
अब अत्यवश्यक भए जिल्ला प्रशासन कार्यालयबाट पास जारी हुने, नभए सरकारी नम्बर प्लेटको गाडी चलाउन नपाइने प्रशासनको भनाइ छ ।
पास नलिई र अत्यावश्यक बाहेक सवारी साधन चलाए जफत गर्न ट्राफिक प्रहरीलाई निर्देशन दिइएको छ ।
