पदाधिकारीमा केही संख्या थपेर भएपनि सर्वसम्मत नेतृत्व चयन गरौं भन्ने प्रतिनिधिको भावना छ– गोकर्ण विष्ट

नेकपा एमालेका सचिव गोकर्ण विष्टले विधान संशोधनमार्फत पदाधिकारी थप गरेर भएपनि सर्वसम्मत नेतृत्व चयन गर्नुपर्ने प्रतिनिधिको भावना रहेको बताएका छन् । दशौं महाधिवेशनलाई एकताको महाधिवेशन बनाउन नेतृत्वमा सहमति जरुरी रहेको उनले बताए ।  शुक्रवार राति चितवनको सौराहामा पत्रकारहरुसँग कुरा गर्दै विष्टले कसले उम्मेदवारी घोषणा गरे भन्ने विषय गौण भएको बताएका हुन् । ‘केही संख्या थपेर भएपनि सहमति गरौं भन्ने सुझाव आएको छ । केन्द्रीय कमिटीले के निर्णय गर्छ भनेर मैले अहिलै भन्न सक्दिन,’ विष्टले भने ।  एमाले केन्...