हुम्लामा भारी हिमपात, तीन दिनदेखि हवाई सेवा अवरुद्ध

सिमकोट – हुम्लामा भारी हिमपात भएको छ। आइतबार दिनभर र रातभर हिमपात हुँदा जमिनमा दुई फिटसम्म हिउँ जमेको छ। हिमपातसँगै चिसो बढेपछि हुम्लाको जनजीवन प्रभावित भएको छ। यस्तै, जिल्लामा सञ्चारसम्पर्कसमेत विच्छेद भएको छ। हिमपातका कारण तीन दिनदेखि हुम्लाको हवाई सेवासमेत अवरुद्ध छ। जसका कारण जिल्लाबाहिर जानुपर्ने र जिल्ला आउनुपर्ने यात्रुहरु मर्कामा परेका छन्।