काठमाडौं। काठमाडौं विभिन्न क्षेत्रमा अनुगमनका क्रममा लुकाइछिपाइ अवैध रूपमा अक्सिमिटर बिक्री गर्ने सात जनालाई पक्राउ गरी कारबाही गरिएको छ। जिल्ला प्रशासन कार्यालयकाअनुसार बिलबिजक नभएको, निर्माण कम्पनीको नाम, ठेगाना र बारकोडसमेत नभएको,न्यून गुणस्तरको अक्सिमिटर बिक्री भइरहेको सूचनाका आधारमा अनुगमन गर्दा उनीहरूलाई पक्राउ गरिएको हो। अनुगमनमा काठमाडौं प्रशासनसँगै महानगरीय अपराध महाशाखा, औषधि व्यवस्था विभाग र वाणिज्य विभागको समेत सहभागिता थियो ।
